قازاقستان تەمٸر جولى ۇلتتىق كومپانيياسى تەمٸرجولعا جاقىن جەردە قاراۋسىز جايىلعان مال ٷشٸن سالىناتىن ايىپپۇل مٶلشەرٸن ارتتىرۋدى ۇسىنىپ وتىر, دەپ حابارلايدى dalanews.kz.
كومپانييا مەلٸمەتٸنشە, بيىلعى جىلدىڭ باسىنان بەرٸ پويىزدار 584 رەت مال باسقان. ٶتكەن جىلدىڭ سەيكەس كەزەڭٸندە مۇنداي 648 وقيعا تٸركەلگەن بولاتىن. كٶرسەتكٸش ازايعانىمەن, تەمٸرجولشىلار مەسەلە ەلٸ دە ٶزەكتٸ ەكەنٸن ايتادى.
جىل باسىنان بەرٸ ماماندار مال يەلەرٸمەن 1,3 مىڭنان استام تٷسٸندٸرۋ كەزدەسۋٸن ٶتكٸزٸپ, 52 مىڭنان استام ادامدى قامتىعان. سونىمەن قاتار 378 ازامات ەكٸمشٸلٸك جاۋاپكەرشٸلٸككە تارتىلعان.
2025 جىلدان باستاپ تەمٸرجول ماڭىندا مالدى قاراۋسىز جايۋعا قاتىستى ەسكەرتۋ بەرۋ تەجٸريبەسٸ توقتاتىلدى. قازٸر العاشقى قۇقىق بۇزۋشىلىق ٷشٸن 5 ايلىق ەسەپتٸك كٶرسەتكٸش (اەك), ال قايتالانعان جاعدايدا 10 اەك كٶلەمٸندە ايىپپۇل قاراستىرىلعان.
ەندٸ «قازاقستان تەمٸر جولى» بۇل ايىپپۇلداردى ەكٸ ەسە ارتتىرۋدى ۇسىنىپ وتىر. ەگەر ۇسىنىس قولداۋ تاپسا, العاشقى قۇقىق بۇزۋشىلىق ٷشٸن 10 اەك, ال بٸر جىل ٸشٸندە قايتالانسا 20 اەك ايىپپۇل سالىنۋى مٷمكٸن.
