Qazaqstan temir joly ulttyq kompaniiasy temirjolǵa jaqyn jerde qaraýsyz jaiylǵan mal úshin salynatyn aiyppul mólsherin arttyrýdy usynyp otyr, dep habarlaidy dalanews.kz.
Kompaniia málimetinshe, biylǵy jyldyń basynan beri poiyzdar 584 ret mal basqan. Ótken jyldyń sáikes kezeńinde mundai 648 oqiǵa tirkelgen bolatyn. Kórsetkish azaiǵanymen, temirjolshylar másele áli de ózekti ekenin aitady.
Jyl basynan beri mamandar mal ielerimen 1,3 myńnan astam túsindirý kezdesýin ótkizip, 52 myńnan astam adamdy qamtyǵan. Sonymen qatar 378 azamat ákimshilik jaýapkershilikke tartylǵan.
2025 jyldan bastap temirjol mańynda maldy qaraýsyz jaiýǵa qatysty eskertý berý tájiribesi toqtatyldy. Qazir alǵashqy quqyq buzýshylyq úshin 5 ailyq eseptik kórsetkish (AEK), al qaitalanǵan jaǵdaida 10 AEK kóleminde aiyppul qarastyrylǵan.
Endi «Qazaqstan temir joly» bul aiyppuldardy eki ese arttyrýdy usynyp otyr. Eger usynys qoldaý tapsa, alǵashqy quqyq buzýshylyq úshin 10 AEK, al bir jyl ishinde qaitalansa 20 AEK aiyppul salynýy múmkin.
