قىرعىز ەلى پرەزيدەنتىنىڭ رەسمي سايتىندا جاريالانعان ۇندەۋى:
"قۇرمەتتى وتانداستار! كەشە كەشكە كەيبىر ساياسي كۇشتەر مەملەكەتتىك بيلىكتى زاڭسىز باسىپ الماق بولدى.
سايلاۋ ناتيجەلەرىن سىلتاۋ ەتىپ، ولار قوعامدىق ءتارتىپتى بۇزدى.
ولار قالا تۇرعىندارىنىڭ بەيبىت ءومىرىن بۇزدى.
ولار ءتارتىپ ساقشىلارىنا باعىنباي، دارىگەرلەردى ۇرىپ-سوعىپ، عيماراتتاردى ءبۇلدىردى.
مەن قۇقىق قورعاۋ ورگاندارىنا ءبىر دە ءبىر ازاماتتىڭ ومىرىنە ءقاۋىپ توندىرمەۋدى، وق اتپاۋدى جانە قان توكپەۋدى بۇيىردىم.
ازىرگە ءبىز جاعدايدىڭ ۋشىعىپ كەتۋىنە جول بەرمەس ءۇشىن بارلىق مۇمكىن شارالاردى قابىلدادىق.
مەملەكەتتەگى تىنىشتىق، قوعامنىڭ تۇراقتىلىعى كەز-كەلگەن دەپۋتاتتىق مانداتتان گورى قۇندى.
مەن ورتالىق سايلاۋ كوميسسياسىنا زاڭ بۇزۋشىلىقتاردى مۇقيات تەكسەرىپ، قاجەت بولعان جاعدايدا سايلاۋ ناتيجەلەرىن جويۋدى ۇسىندىم.
مەن ساياسي پارتيالاردىڭ جەتەكشىلەرىن ءوز جاقتاستارىن تىنىشتاندىرىپ، ولاردى شوعىرلانعان جەرلەرىنەن الىپ كەتۋگە شاقىرامىن. مەن بارلىق وتانداستارىمدى بەيبىتشىلىكتى ساقتاۋعا جانە ارانداتۋشى كۇشتەردىڭ شاقىرۋلارىنا كونبەۋگە شاقىرامىن. ەلىمىزدىڭ تىنىشتىعى مەن قوعامىمىزدىڭ قاۋىپسىزدىگى - ەڭ ماڭىزدىسى. مەن بارلىق كۇشتەردى ەل تاعدىرىن ساياسي امبيسيالاردان جوعارى قويىپ، قۇقىقتىق الاڭعا ورالۋعا شاقىرامىن".
https://youtu.be/yRLH9zmwvto
