"بىزدە دە كەشە كوميتەت وتىرىسى بولدى. اقپاراتقا قول جەتكىزۋ تۋرالى زاڭعا تۇزەتۋ ەنگىزۋگە قاتىستى جوباعا بىرنەشە ارىپتەستەرىممەن بىرگە، مەن دە پىكىرىمدى ءبىلدىردىم. جالپى، دەپۋتاتتاردىڭ زاڭعا تۇزەتۋ ەنگىزىپ قانا قويماي، الىپ تاستاۋعا دا قۇقىعى بار. بۇل ورايدا، ءبىز ءوز مۇمكىندىگىمىزدى تولىق پايدالانامىز"، - دەدى حالىق قالاۋلىسى.
ول ءماجىلىستىڭ دە مەملەكەتتىك ورگان ەكەنىن ەسكەرتىپ، مارتەبەسى مەن قۇزىرەتى بار ەكەنىن العا تارتتى.
"بىزدە قوعامدىق پالاتا جۇمىس ىستەيدى. ول حالىقتىڭ ۇنىنە، نارازالىعىنا، سوزىنە اركەز نازار اۋدارادى، رەزونانس تۋدىرعان زاڭ جوبالارىنا كەز كەلگەن وقىلىمدا ارالاسا الادى"، - دەپ ءتۇسىندىردى ايدوس سارىم.
ال پارلامەنت ءماجىلىسىنىڭ دەپۋتاتى مۇرات ابەنوۆتىڭ پايىمىنشا، ءبىر جىلدان از ۋاقىت پارلامەنت ءوزىنىڭ كەڭەيتىلگەن وكىلەتتىكتەرىن بەلسەندى پايدالانا باستاعانىن كورسەتتى. ماسەلەن، ۇكىمەت باستامالارىن قايتا قاراۋعا قايتارىپ، ونىڭ ورنىنا ءوز زاڭ جوبالارىنا باستاماشىلىق جاساۋدا.
"ەندى بۇرىنعىداي ەمەس، دەپۋتاتتاردىڭ وزدەرى زاڭنىڭ اۆتورى بولا باستادى، ونىڭ ىشىندە ەڭ وزەكتى الەۋمەتتىك ماسەلەلەر – قارىز اۋىرتپالىعى، اكتيۆتەردى قايتارۋ، سىبايلاس جەمقورلىققا جاۋاپكەرشىلىكتى ارتتىرۋ، وليگارحتاردىڭ ىقپالىن ازايتۋ، ويىنعا تاۋەلدىلىك پەن مەملەكەتتىك كومپانيالاردىڭ مونوپولياسىنا قارسىلىق سىندى باستامالار بار.
نەگىزىندە الەمنىڭ كوپتەگەن ەلدەرىندە 80-90 پايىز زاڭعا باستاماشى – پارلامەنت، ال ۇكىمەت ونى جۇزەگە اسىرادى. قالىپتى وركەنيەتتى قوعامدا بۇل وسىلاي بولۋى كەرەك"، - دەيدى حالىق قالاۋلىسى.
ول سوڭعى كەزدەرى وليگارحيانىڭ ءبىر بولىگى ءوز مۇددەلەرىن ۇكىمەت ارقىلى شەشۋدە ىقپالىن جوعالتىپ، ءماجىلىس قىزمەتىنە قاتتى اشۋلى ەكەنىن العا تارتتى. كاسىپكەرلىكتىڭ مۇددەسىن قورعايمىز دەگەن جەلەۋمەن ماقالالار جاريالانىپ، پارلامەنت باستامالارىن باقىلاۋعا الۋ كەرەك، ويىن ەرەجەسىن بىلمەيتىن، تاجىريبەسى از، جاس دەپۋتاتتار كوپ دەگەن پىكىر ماقساتتى تۇردە قالىپتاستىرۋدا.
تۇتاستاي العاندا، دەموكراتيانى «جويىپ»، زاڭ شىعارۋ باستاماسىن پرەمەر-مينيستردىڭ قاراۋىنا قايتارعىلارى كەلەدى.
"ەكونوميكالىق رەفورما جانە وڭىرلىك دامۋ كوميتەتىنىڭ بۇگىنگى وتىرىسىندا ءماجىلىس دەپۋتاتتارىنىڭ نارازىلىعىنا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭنىڭ جوباسىنىڭ نورمالارى سەبەپ بولدى. ويتكەنى، ول قۇجات دەپۋتاتتاردىڭ وكىلەتتىكتەرىن شەكتەۋگە باعىتتالعان.
ءبىر قىزىعى، بۇل تۇزەتۋلەردىڭ ارتىندا قاي شەنەۋنىك تۇرعانىن بىلە المادىق. پرەزيدەنت توقايەۆ ۇسىنعان جانە جالپىحالىقتىق رەفەرەندۋمدا قولداۋ تاپقان ساياسي رەفورمالارعا كىم كۇمان كەلتىرۋدە؟"، - دەپ ساۋال تاستايدى مۇرات ابەنوۆ.
كورىپ وتىرعانىمىزداي، وليگوپولياعا بۇرىنعىداي لوببيستىك زاڭ جوبالارىن قايتادان ۇكىمەت ارقىلى يتەرمەلەۋگە مۇمكىندىك بەرىپ، ساياسي رەفورمالاردى «ارتقا اينالدىرۋعا»، پارلامەنتتىڭ ءرولىن تومەندەتۋگە دەگەن ۇمتىلىستارىن ەشكىم مويىنداعىسى كەلمەيدى.
"قۇقىقتىق اكتىلەر تۋرالى زاڭعا ۇسىنىلىپ وتىرعان تۇزەتۋ «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋسيالىق زاڭىنا قايشى كەلەدى.
زاڭ جوباسى ۇسىنىستارىنىڭ تۇجىرىمدامالىق مازمۇنىنا كەلەتىن بولساق، مەملەكەت باسشىسى 2019 جىلعى 1 قىركۇيەكتەگى جولداۋىندا «كۇشتى پرەزيدەنت – ىقپالدى پارلامەنت – جاۋاپتى ۇكىمەت» قازاقستاننىڭ ساياسي جۇيەسىنىڭ فورمۋلاسىن اتاپ كورسەتتى. ۇسىنىلىپ وتىرعان نورمالار ۇكىمەتكە ەمەس، پارلامەنتكە ەسەپ بەرگىزەدى، سەنزۋرانى ەنگىزەدى جانە زاڭ شىعارۋ باستاماسىنىڭ تاۋەلسىز قۇقىعىنان ايىرادى"، - دەپ تۇجىرىم جاساعان دەپۋتات.
