جەر استىندا ەڭبەگٸمٸز ٷشٸن الاتىن ايلىعىمىز نەبەرٸ 51 مىڭ 663 تەڭگەگە ەرەڭ جەتەدٸ دەگەن ولاردىڭ تٸپتٸ سوڭعى رەت قاشان ەت جەگەندەرٸ ەستەرٸندە جوق.
"جۇرت بٸزدٸ 200-دٸڭ ٷستٸ, كٶپ الادى دەپ ويلايدى. ەگەر سەنبەيتٸن بولساڭىزدار, ەسەپ پاراقشاسىن كٶرسەتۋگە بولادى. سوڭعى قىمباتشىلىقتى بٸلەسٸز, قانداي بولىپ جاتقانىن, ول ەشتەڭەگە دە جەتپەيدٸ. تٸپتٸ ونى ايتىپ جاتۋدىڭ ەش قاجەتتٸگٸ جوق", - دەيدٸ "الماتىمەتروقۇرىلىس" اق جەر استى ٷنگۋشٸسٸ پاحردين مۇساليەۆ.
ارنا مەلٸمەتٸنشە, "الماتىمەتروقۇرىلىس" كومپانيياسىنىڭ ەڭ اۋىر جۇمىسىن اتقاراتىن ازاماتتاردىڭ ايلىعى تٷبٸرتەك بويىنشا بار-جوعى 76 635 تەڭگەنٸ قۇرايدى. زەينەتاقى مەن مەديتسينالىق ساقتاندىرۋ قورى, تاعى كەسٸپوداق جارناسىن تٶلەگەندە قولدارىنا نەبەرٸ 51 663 تەڭگە تيەدٸ ەكەن.
"ايتساق, "قارىزبىز بٸز" دەيدٸ. ول باستىقتىڭ بٸزگە ايتقانى: سەندەردٸڭ ايلىقتارىڭ 60 مىڭ! 60 مىڭ تەڭگە ازىق-تٷلٸككە كەتتٸ. ونىڭ ٸشٸنە ەتتٸ قوسپاڭىز. ەت ول بٶلەك, ەتتٸ قارىزعا بارىپ الامىز. سونىمەن قارىزعا ٸستەپ جٷرمٸز بىلاي قاراپ تۇرساڭىز. بٸز شاحتەردٸڭ دە جۇمىسىن ٸستەپ جاتىرمىز, قۇرىلىسشىنىڭ دا جۇمىسىن ٸستەپ جاتىرمىز, سىلاقشى, تەحنيچكا دەيدٸ, جەر استىندا سولاردىڭ بەرٸنٸڭ جۇمىسىن ٸستەپ جاتىرمىز. مەترو جٷرسٸن دەپ جٷرمٸز", - دەيدٸ "الماتىمەتروقۇرىلىس" اق جەر استى جۇمىسشىسى داۋىتباي المات.
بۇعان قوسا, ولار 100-گە تارتا جۇمىسشى قۋىقتاي عانا بٶلمەدە جۋىناتىندارىن جەتكٸزدٸ. سٶزدەرٸنشە, تٶرت ادامعا ارنالعان تار مونشادا تٷن ورتاسىنا دەيٸن ۇزىن-سونار كەزەك. ونىڭ ٶزٸ قابىرعاسىن كٶك باسىپ, تٶبەسٸ قۇلاعالى تۇر.
جۇمىسشىلاردىڭ كيٸم اۋىستىراتىن بٶلمەسٸندە تىشقان قاپتاعان. مۇندا ولار تەك كيٸم عانا اۋىستىرمايدى, وسىندا جۋىنادى, تاماق ٸشەدٸ. كٶگەرگەن يٸسپەن تىنىستاپ, شاڭ جۇتقان قۇرىلىسشىلاردىڭ بٸرازى دەنساۋلىعىنان ايىرىلىپ, ەندٸگٸ مٷگەدەك اتانعان. الايدا جەر استىندا جٷرٸپ تاپقان دەرتتٸ ەمدەۋگە كومپانييا كٶك تيىن دە تٶلەمەيدٸ ەكەن.
ٶز كەزەگٸندە ۇيىم باسشىلىعى بۇل تۋرالى پٸكٸر بٸلدٸرۋدەن باس تارتتى.
قۇرىلىسشىلار جاعدايلارى جايلى مەسليحات دەپۋتاتىنا دا شاعىمدانىپتى. الايدا ول قۇرىلىس ورنىنا بٸر كەلگەننەن كەيٸن ۇشتى-كٷيلٸ جوعالىپ كەتكەن.
قۇرىلىسشىلارعا قامقور بولادى دەپ مەملەكەت وسى نىسانعا بەكٸتكەن ماسليحات دەپۋتاتىنا دا شاعىمدانىپتى. وندا حالىق قالاۋلىسى قۇرىلىس باسىنا كەلگەن. الايدا ارتىنشا كوروناۆيرۋسقا شالدىقتىم دەپ, ات ٸزٸن كەسٸپتٸ. سودان بەرٸ ٷش اي ٶتكەنٸمەن, دەپۋتات وتاندىق دەرٸگەرلەرگە سەنبەيتٸن بولسا كەرەك, شەتەلگە تاعى ەمدەلۋگە كەتٸپتٸ.
"مەن ەمگە شەتەلگە كەتتٸم. شەتەلدە ەمدەلٸپ جاتىرمىن. قازٸر سول جاقتامىن. 18-شٸلدەدە بولامىن. مەن سول كەزدە ايتتىم, ول مەسەلەنٸ كٶتەرەمٸز دەپ, بٸرٸنشٸدەن, سەندەردٸكٸ مەتروقۇرىلىس جەكەمەنشٸك كومپانييا, وعان بٸز قاتتى تيٸسە المايمىز. ٶيتكەنٸ ٶزدەرٸ بٸلەدٸ", - دەيدٸ الماتى قالاسى مەسليحاتىنىڭ دەپۋتاتى ەسەنگەلدٸ تالبيدينوۆ.
بۇدان بىلاي 51 مىڭ تەڭگە ايلىققا تٶزبەيمٸز دەگەن جۇمىسشىلار مەترو قۇرىلىسىن توقتاتىپ, ٷيدٸ-ٷيٸنە تاراستى.
https://www.youtube.com/watch?v=lNM4uAb4sFY
