جىل باسىندا بانك سەنتركرەديت بانكوماتتارى اقش دوللارىن بەرۋدى دوعارعان بولاتىن. بانك بۇل شارا 15 قاڭتارعا دەيىن ۋاقىتشا قابىلدانعانىن ناقتىلاعان. ەندى وسى شەكتەۋ مەرزىمى 31 قاڭتارعا دەيىن ۇزارتىلدى، دەپ جازادى Dalanews.kz.
قارجى ۇيىمى قابىلداعان بۇل شەشىمگە نە تۇرتكى ەكەنى ايتىلمايدى.
"بانك سەنتركرەديت بانكوماتتارىندا اقش دوللارىمەن اقشا الۋ، تولىقتىرۋ جانە ايىرباستاۋ وپەراسيالارى ۋاقىتشا قولجەتىمسىز ەكەنىن حابارلايمىز. بۇل وپەراسيالار 2025 جىلدىڭ 31 قاڭتارعا دەيىن قايتا ىسكە قوسىلادى دەپ جوسپارلانۋدا. كەلتىرىلگەن قولايسىزدىقتار ءۇشىن كەشىرىم سۇرايمىز جانە تۇسىنىستىك تانىتقاندارىڭىزعا راقمەت"، دەلىنگەن بانكتىڭ تۇسىنىكتەمەسىندە.
ايتا كەتسەك، 1 قاڭتاردان باستاپ ەلىمىزدە دوللار ساتىپ الۋعا قاتىستى شەكتەۋلەر ەنگىزىلدى. وعان سايكەس، بۇدان بىلاي ەگەر قازاقستاندىق كومپانيا 1 جۇمىس كۇنى ىشىندە 50 000 اقش دوللارىنان اساتىن قولما-قول اقشاسىز شەتەل ۆاليۋتاسىن ساتىپ العىسى كەلسە، وندا ول ۆاليۋتانى نە ءۇشىن ساتىپ الىپ جاتقانىن، ماقساتىن ناقتى كورسەتۋگە ءتيىس بولادى. سونداي-اق بانككە ۆاليۋتالىق شارتتى ۇسىنۋعا مىندەتتەلەدى.
ەگەر كومپانيا، زاڭدى تۇلعا سول ساتىپ العان 50 000 اقش دوللارىنان اساتىن سومانىڭ ءبىر بولىگىن 10 جۇمىس كۇنى ىشىندە پايدالانباسا، وندا پايدالانىلماعان ۆاليۋتانى بانككە كەرى ساتۋعا مىندەتتى بولادى.
بۇل تالاپ تەك جالپى جيىنتىعىندا 50 مىڭ دوللاردان اساتىن سومالارعا تارالادى.
