Jyl basynda Bank TsentrKredit bankomattary AQSh dollaryn berýdi doǵarǵan bolatyn. Bank bul shara 15 qańtarǵa deiin ýaqytsha qabyldanǵanyn naqtylaǵan. Endi osy shekteý merzimi 31 qańtarǵa deiin uzartyldy, dep jazady Dalanews.kz.
Qarjy uiymy qabyldaǵan bul sheshimge ne túrtki ekeni aitylmaidy.
"Bank TsentrKredit bankomattarynda AQSh dollarymen aqsha alý, tolyqtyrý jáne aiyrbastaý operatsiialary ýaqytsha qoljetimsiz ekenin habarlaimyz. Bul operatsiialar 2025 jyldyń 31 qańtarǵa deiin qaita iske qosylady dep josparlanýda. Keltirilgen qolaisyzdyqtar úshin keshirim suraimyz jáne túsinistik tanytqandaryńyzǵa raqmet", delingen banktiń túsiniktemesinde.
Aita ketsek, 1 qańtardan bastap elimizde dollar satyp alýǵa qatysty shekteýler engizildi. Oǵan sáikes, budan bylai eger qazaqstandyq kompaniia 1 jumys kúni ishinde 50 000 AQSh dollarynan asatyn qolma-qol aqshasyz shetel valiýtasyn satyp alǵysy kelse, onda ol valiýtany ne úshin satyp alyp jatqanyn, maqsatyn naqty kórsetýge tiis bolady. Sondai-aq bankke valiýtalyq shartty usynýǵa mindetteledi.
Eger kompaniia, zańdy tulǵa sol satyp alǵan 50 000 AQSh dollarynan asatyn somanyń bir bóligin 10 jumys kúni ishinde paidalanbasa, onda paidalanylmaǵan valiýtany bankke keri satýǵa mindetti bolady.
Bul talap tek jalpy jiyntyǵynda 50 myń dollardan asatyn somalarǵa taralady.
