بريتاندىق اۆتورلاردىڭ كٸتاپتارى قازاق تٸلٸندە جارىق كٶردٸ
ونلاين رەجيمدە ٶتكەن تانىستىرىلىمعا قازاقستان رەسپۋبليكاسىنىڭ بٸرٸككەن ۇلىبريتانييا كورولدٸگٸ مەن سولتٷستٸك يرلانديياداعى تٶتەنشە جەنە ٶكٸلەتتٸ ەلشٸسٸ ەرلان ىدىرىسوۆ قاتىسىپ, قازاقستان تاريحى مەن حالقىنىڭ ٶمٸرٸنە قاتىستى وسى كٸتاپتىڭ ەل تەۋەلسٸزدٸگٸنٸڭ 30 جىلدىعى قارساڭىندا اۋدارىلىپ, باسىلىپ شىعۋىنىڭ مەنٸ زور ەكەنٸن اتاپ ٶتتٸ.
– مۇنداي شارالار تەۋەلسٸز ەكٸ ەل اراسىنداعى رۋحاني بايلانىستى ودان ەرٸ نىعايتۋعا ىقپال ەتەتٸن باستاما دەپ بٸلەمٸن. قوس جيناق دەرەككٶز رەتٸندە قازاق وقىرماندارىنا ماڭىزى ەلەۋلٸ, ەرٸ قىزىقتى شىعارما بولادى دەپ ويلايمىن, – دەدٸ ەرلان ىدىرىسوۆ.
كەزدەسۋدە «توماس, ليۋسي جەنە الاتاۋ» كٸتابىنىڭ اۆتورى دجون مەيسەن ستيۋارت ٶز ەسەرٸن جەتكٸزدٸ.
– ساپارىمدا مەن قازاقستاننىڭ ٶزٸمە جاقىندىعىن سەزٸندٸم. سوندىقتان شىعارمامنىڭ كٶپشٸلٸك قاۋىمعا كەڭ تارالاتىنىنا قۋانىشتىمىن. وسى سالتاناتتى شارانى پايدالانا وتىرىپ, بارشا قازاقستاندىقتاردى تەۋەلسٸزدٸك كٷنٸمەن قۇتتىقتايمىن! – دەدٸ بريتاندىق اۆتور.
ەسكە سالساق, دجون ماسسي ستيۋارتتىڭ «توماس, ليۋسي جەنە الاتاۋ» كٸتابى حٸح عاسىرداعى قازاق حالقىنىڭ تۇرمىس-سالتىن, مەدەنيەتٸن, تابيعاتىنىڭ تاماشاسىن بەينەلەپ جازعان ساياحاتشىلاردىڭ كٷندەلٸكتەرٸ نەگٸزٸندە جازىلعان. مۇندا, ەسٸرەسە كيەلٸ سۋ سانالاتىن تامشىبۇلاق جايلى ەرەكشە تولعانىسپەن ايتىلادى. تابيعات ەسەمدٸگٸ ساياحاتشىلار توماس پەن ليۋسيدٸ تاڭعالدىرعانى سونداي الاتاۋدىڭ ەتەگٸندە دٷنيەگە كەلگەن ۇلدارىنا الاتاۋ تامشىبۇلاق دەپ ات قويعان.
بەينەبايلانىستا «ۇلى دالا ساياحاتشىلارى» كٸتابىنىڭ اۆتورى نيك فيلدينگ تە سٶز الىپ, ريزاشىلىعىن جەتكٸزدٸ.
– بٸرٸنشٸ كەزەكتە كٸتابىمدى اۋدارۋعا نيەت تانىتقاندارىڭىزعا جەنە ونى باسىپ شىعارىپ, تانىستىرىپ جاتقاندارىڭىزعا شىن جٷرەكتەن قۋانىشتىمىن. قازاقستانعا جاساعان ساپارىم ەلٸ ەسٸمدە. ونداعى حالىقتىڭ قوناقجايلىعى ەسٸمدە ساقتالىپ قالدى. سٸزدەردٸڭ ەلدٸڭ حالقى, دەستٷر-سالتى ماعان ٷلكەن ەسەر ەتتٸ, – دەدٸ نيك فيلدينگ.
شارا بارىسىندا وبلىس ەكٸمٸنٸڭ ورىنباسارى باتىرجان بايجۇمانوۆ:
– «رۋحاني جاڭعىرۋ» باعدارلاماسىنىڭ «100 جاڭا وقۋلىق» جوباسى – قازاقستاننىڭ اقىل-وي مەن بٸلٸمگە ۇمتىلعان, ەلەۋمەتتٸك جاعىنان جاۋاپكەرشٸلٸگٸ مول جاستاردى قالىپتاستىرۋعا باعىتتالعان تىڭ باستاما. سونىڭ ارقاسىندا بٸز تاريحي مۇرالارىمدى ساقتاۋعا, جاستارعا رۋحاني تەربيە بەرۋگە باعىتتالعان جوبانى قولعا الىپ, اۋدارىپ باسىپ وتىرمىز, – دەدٸ.
بۇعان دەيٸن 2016 جىلى توماس اتكينسوننىڭ ۇرپاقتارى قازاقستانعا كەلٸپ, ەرتەدەگٸ وقيعالاردىڭ تىنىسىن سەزٸنٸپ, اتا-بابالارى جٷرگەن جولدارمەن جٷرٸپ ٶتتٸ. كەيٸن اتكينسونداردىڭ ساياحاتى تۋرالى ەكٸ كٸتاپ – دجون ماسسي ستيۋارتتىڭ «توماس, ليۋسي جەنە الاتاۋ: اتكينسونداردىڭ سٸبٸردە جەنە شىعىس قازاقستاندا باسىنان كەشكەندەرٸ» جەنە نيك فيلدينگتٸڭ «ۇلى دالانىڭ وڭتٷستٸگٸنە: توماس جەنە ليۋسي اتكينسونداردىڭ شىعىس قازاقستانعا ساپارلارى» كٸتاپتارى جازىلدى.
