قر پرەزيدەنتٸ قاسىم-جومارت كەمەلۇلى توقاەۆ كەشەگٸ حالىققا ٷندەۋٸندە «سۋ تاسقىنى بولعان ايماقتاردا بٸردە-بٸر ادام ەسكەرۋسٸز قالمايدى, بارلىعىنا مەملەكەت تاراپىنان كٶمەك بولادى» دەگەن ەدٸ. وسى تاپسىرماعا سەيكەس, بقو-دا سۋ تاسقىنىنان زارداپ شەككەن وتباسىلاردىڭ بالالارى رەسپۋبليكالىق ساۋىقتىرۋ لاگەرلەرٸندە دەمالاتىن بولدى, – دەپ حابارلايدى Dalanews.kz بقو ەكٸمٸنٸڭ باسپاسٶز قىزمەتٸنە سٸلتەمە جاساپ.
– بالانىڭ اتى بالا عوي. ەۆاپۋنكتتە ٸشتەرٸ پىسادى. ەندٸ ولار لاگەرلەرگە بارىپ, كٶڭٸلدەرٸ سەرگٸپ, جاقسى دەمالىپ قايتاتىن بولدى. بالالار وتباسىنا ورالعانشا تاسقىننىڭ بەتٸ قايتىپ, قالىپتى تٸرلٸگٸمٸزگە قايتا ورالارمىز. بار جاعدايىمىزدى جاساۋعا تىرىسقانى ٷشٸن بيلٸك ٶكٸلدەرٸنە, وتانداستارىمىزعا ٶتە ريزامىن. ەلٸمٸز امان, جۇرتىمىز تىنىش بولعاي! – دەپ جانسۇلۋ تٶرەشوۆا ەسٸمدٸ اتا-انا العىسىن بٸلدٸردٸ.
باتىس قازاقستان وبلىستىق بٸلٸم باسقارماسىنىڭ بٶلٸم باسشىسى حاجاربيبٸ يسكاندەروۆا بەرگەن مەلٸمەتكە سەنسەك, دەمالىس ورىندارىنا 185 وقۋشى بارادى دەپ جوسپارلانعان. ولار – بٶرلٸ, قاراتٶبە, سىرىم, تەرەكتٸ اۋداندارى مەن ورال قالاسىنىڭ بالالارى.
قازٸرگٸ تاڭدا دەمالىس ورنىنا جولدانعان بالاداردىڭ العاشقى لەگٸ جولعا شىقتى. بٸرٸنشٸ لەكپەن اتتانعان 70 بالا 10-24 سەۋٸر ارالىعىندا الماتى وبلىسىنداعى "تاۋ جاناشار" ساۋىقتىرۋ لاگەرٸندە دەمالادى.
ال 13 بالا 10-30 سەۋٸر ارالىعىندا الماتى قالاسىنداعى "بٶبەك" ساۋىقتىرۋ ورتالىعىندا دەمالادى. ودان بٶلەك 102 بالا قىزىلوردا وبلىسى قازالى قالاسىنداعى "كامباش" ساۋىقتىرۋ ورتالىعىنا جولداندى. ول جاقتا وقۋشىلار 10 كٷن دەمالاتىن بولادى,-دەدٸ بٸلٸم باسقارماسىنىڭ بٶلٸم باسشىسى حاجاربيبٸ يسكاندەروۆا.
– بٸزدٸڭ ٷي سۋ كٸرەتٸن بولعان سوڭ بٸزدەردٸ اۆتوبۋسپەن سپورت زالعا جەتكٸزدٸ. ال, بٷگٸن بٸزدەردٸ الماتىعا لاگەرگە جٸبەرٸپ جاتىر. قاسىمدا ەۆاكۋتسييالىق پۋنكتتە تانىسقان دوستارىم دا بار. مەن بۇرىن الماتىدا بولماعان ەدٸم, ول جاقتاعى دەمالىسىمىز جاقسى ٶتەدٸ دەگەن ويدامىن. بٸزدەردٸ الماتى قالاسىنا جٸبەرگەن اعا-اپالارعا, اتا-اناما ريزامىن, – دەيدٸ قۋانىشىن جاسىرا الماعان ج. دوسمۇحامەدوۆ اتىنداعى مببك وقۋشىسى ورازبەك سىرىمبەك.
