بٷگٸن قالالىق مەدەنيەت جەنە دەمالىس ساياباعىندا دٷنيەجٷزٸلٸك قورشاعان ورتانى قورعاۋ كٷنٸ مەن ەكولوگتار كٷنٸنە ارنالعان سالتاناتتى جيىن ٶتتٸ. ٸس-شاراعا مەملەكەتتٸك مەكەمەلەردٸڭ, ٶندٸرٸس ورىندارىنىڭ ەكولوگ ماماندارى, ارداگەرلەر مەن قوعام ٶكٸلدەرٸ قاتىستى,- دەپ حابارلايدى Dalanews.kz
ٸس-شارا اياسىندا قالا مەكتەپتەرٸنٸڭ وقۋشىلارى اراسىندا ۇيىمداستىرىلعان «قايتا ٶڭدە – قايتا ٶمٸر سىيلا» اتتى شىعارماشىلىق كٶرمە كٶرەرمەن نازارىنا ۇسىنىلدى. كٶرمەدە بالالار تۇرمىستىق قالدىقتار مەن قايتا ٶڭدەلەتٸن ماتەريالداردان جاسالعان بۇيىمدارىن كٶپشٸلٸك نازارىنا ۇسىندى.
وقۋشىلار ٶز قييالدارى مەن ەكولوگييالىق بٸلٸمٸن ۇشتاستىرا وتىرىپ, پلاستيك بٶتەلكەلەردەن جاسالعان گٷلدەر, كارتوننان قۇراستىرىلعان ماكەتتەر, قاعازدان جاسالعان سەندٸك بۇيىمدار مەن تۇرمىستىق قولدانۋعا ارنالعان ىدىستاردى كٶرسەتتٸ. بۇل كٶرمە – بالالاردىڭ تابيعاتتى قورعاۋعا, قالدىقتاردى سۇرىپتاپ پايدالانۋعا دەگەن كٶزقاراسىن قالىپتاستىرۋعا باعىتتالعان ماڭىزدى باستاما بولدى.
قاتىسۋشىلار مەن كٶرەرمەندەر بالالاردىڭ ەڭبەگٸنە جوعارى باعا بەرٸپ, قورشاعان ورتانى ايالاۋعا ٷلەس قوسىپ جٷرگەن جاس ۇرپاقتىڭ بەلسەندٸلٸگٸن اتاپ ٶتتٸ.
سالتاناتتى جيىن بارىسىندا قورشاعان ورتانى قورعاۋ سالاسىنا ٷلەس قوسىپ جٷرگەن بٸرقاتار ماماندار قازاقستان رەسپۋبليكاسى ەكولوگييا جەنە تابيعي رەسۋرستار مينيسترلٸگٸ تاراپىنان ماراپاتتالدى:
- «ەڭبەك ارداگەرٸ» مەدالٸمەن بقو ەكولوگييا دەپارتامەنتٸنٸڭ زەينەتكەرٸ ٶتەپبەرگەن يحسانۇلى مۇقانوۆ;
- «ەكولوگييا سالاسىنىڭ ٷزدٸگٸ» تٶسبەلگٸسٸمەن – باس ماماندار تٶلەگەن ساعىنعاليۇلى باقتىعاليەۆ پەن ايناگٷل ساعيدوللاقىزى كەنجينا;
- قۇرمەت گراموتالارىمەن «جايىقمۇناي» جشس-نٸڭ دەپارتامەنت ديرەكتورى دەۋلەت ماراتۇلى تٶلەگەنوۆ جەنە «كپو ب.ۆ.» كومپانيياسىنىڭ بٶلٸم باسشىسى ەلەنا الەكساندروۆنا پوچيتالينا;
- العىس حاتتارمەن – «جايىقجىلۋقۋات» اق ينجەنەر-ەكولوگى التىناي بازاربايقىزى شۇناەۆا, «ALTRA TYRES» جشس ەكولوگى ديانا راۆيلەۆنا تلەفتينوۆا, سونداي-اق «ەكولوگييا-گەوگرافييالىق قوعامىنىڭ» باسشىسى دارحان سٷندەتقاليۇلى ساريەۆ پەن بقو تابيعي رەسۋرستار باسقارماسىنىڭ باس مامانى جادىرا امانجولقىزى قويشەكەنوۆا ماراپاتتالدى.
جيىن بارىسىندا باتىس قازاقستان وبلىسى ەكٸمٸنٸڭ ورىنباسارى قالييار شادييارۇلى ايتمۇحامبەتوۆ سٶز سٶيلەپ, قورشاعان ورتانى قورعاۋداعى ەڭبەگٸ ٷشٸن بٸرقاتار سالا ماماندارىنا وبلىس ەكٸمٸنٸڭ العىس حاتتارىن تابىستادى. اتاپ ايتقاندا:
- تابيعات قورعاۋ شارالارى بٶلٸمٸنٸڭ باس مامانى مايرا عالىمجانقىزى مايحارينا;
- جەنٸبەك اۋدانى ەكٸمدٸگٸ ٶكٸلٸ ارمان سەرٸكۇلى تٷيەباەۆ ماراپاتتالدى.
مەملەكەت باسشىسى قاسىم-جومارت توقاەۆتىڭ“تازالىق ەر ادامنان, ەر ٷيدەن, ەربٸر كٶشە مەن ەر قالادان باستالۋى كەرەك. ٶيتكەنٸ «تازا قازاقستان» – بۇل بٸر كٷندٸك ناۋقان ەمەس, بۇل – بٸزدٸڭ ٶمٸر سالتىمىز” دەگەن سٶزٸ ٸس-شارانىڭ مازمۇندى ۇرانىنا اينالدى.
مەرەكەلٸك جيىن ەكولوگييانى قورعاۋعا ٷندەۋ رەتٸندە تانىلىپ, قاتىسۋشىلار اراسىندا تابيعاتقا دەگەن جاۋاپكەرشٸلٸك سەزٸمٸن ارتتىردى.
