بۇگىن ورال قالاسىنداعى سالتانات سارايىندا قازاقستان حالقى اسسامبلەياسى مەن اسسامبلەيا جاستارى ۇيىمى، سونداي-اق دەمەۋشىلەردىڭ قولداۋىمەن «مەكتەپكە جول» قايىرىمدىلىق اكسياسى ءوتتى.
ءوڭىردىڭ مەكتەپ وقۋشىلارىنا 350 جيىنتىق (نوۋتبۋكتەر، ماۋسىمدىق جانە سپورتتىق كيىمدەر، ريۋكزاكتار) ساتىپ الىندى.
مەكتەپكە ارنالعان جيىنتىقتار ورال قالاسى مەن ءبورلى، بايتەرەك، قاراتوبە، سىرىم، تەرەكتى اۋداندارىنىڭ وقۋشىلارىنا بەرىلەدى.
ءىس-شاراعا ءوڭىر باسشىلىعىنىڭ، قازاقستان حالقى اسسامبلەياسى جانە «Freedom شاپاعات» قورىنىڭ وكىلدەرى قاتىسادى. ەرىكتىلەر اكسياعا قاتىسۋشى وتباسىلاردىڭ ۇيلەرىن ارالايدى.
قايىرىمدىلىق باستاماسى از قامتىلعان وتباسىلاردان شىققان بالالاردى مەكتەپكە دايارلاۋ بويىنشا جالپىۇلتتىق ناۋقاندى جالعاستىرۋدا.
قازاقستان حالقى اسسامبلەياسىنىڭ «مەكتەپكە جول» اكسيالارى قازاقستاننىڭ بارلىق قالالارىندا وتەدى. ەرتەڭ بۇل شارا ساعات 11.00-دە قاراتوبە اۋدانى قورجىن اۋىلىنداعى "اققوزى" مەكتەپ-بوبەكجاي-بالاباقشاسىندا جالعاسىن تابادى.
