كومپانيانىڭ 100% اكسياسى مەملەكەت مەنشىگىنە بەرىلگەنى، كەلىسسوز قۇنى 35،4 ملرد تەڭگەگە باعالانعانى بەلگىلى بولدى.
كاسىپورىن وتكەن ايدا قورشاعان ورتاعا زيان كەلتىرگەنى ءۇشىن مەملەكەت ەسەبىنە 1،2 ملرد تەڭگە وتەگەن بولاتىن، بۇدان بولەك ەڭبەك زاڭناماسىن ەسكەرمەگەنى ءۇشىن 70 ملن تەڭگە وتەماقى تولەگەن.
بورانبايەۆ بايلانىستى دەلىنگەن كومپانيانىڭ زاڭدى بەلدەن باستاپ، باقىلاۋشى ورگانداردىڭ ەسكەرتۋىنە قۇلاق اسپاعانى قوعامنىڭ نارازىلىعىن تۋعىزعان. كومپانيا قىزمەتكەرلەرى ءوز كەزەگىندە باسشىلىق تاراپىنان ورىن العان كوپتەگەن زاڭبۇزۋشىلىققا شاعىمدانعان بولاتىن.
Phystech II تۋرالى نە بەلگىلى؟
eGov مالىمەتى بويىنشا، «Phystech II» اق 2015 جىلى تىركەلگەن. شيكى مۇناي جانە ىلەسپە گاز وندىرۋمەن اينالىسادى. قۇرىلتايشىلارى كورسەتىلمەگەن، ونىڭ جەتەكشىسى بايجالييەۆ ەرنار بەرىكباي ۇلى ەكەنى بەلگىلى. مۇناي ماڭعىستاۋ وبلىسىنداعى سولتۇستىك قاراجانباس كەن ورنىندا وندىرىلەدى.
KASE سايتىندا كومپانيانىڭ 100% قاتىسۋ ۇلەسى بار جالعىز اكسيونەرى – «قازتۋربورەمونت» حولدينگ كومپانياسى» ج ش س ەكەنى جازىلعان.
بورانبايەۆتىڭ بۇل كومپانياعا قانداي قاتىسى بار؟
2021 جىلى Forbes Kazakhstan باسىلىمى نازاربايەۆتاردىڭ بۇرىنعى قۇداسى، ميلليونەر قايرات بورانبايەۆتى «قازتۋربورەمونت» حولدينگتىك كومپانياسى» جشس-نە يەلىك ەتەتىنىن، ول ارقىلى Phystech II مۇناي كومپانياسىنداعى ۇلەسىنە يەلىك ەتەتىنىن جازعان.
بۇل تۋرالى كومپانيانىڭ 2020 جىلعى قارجىلىق ەسەبىندە دە جازىلعان. قۇجاتتا «2020 جىلدىڭ 31 ناۋرىزىنداعى جاعداي بويىنشا كومپانيا اكسيالارى 100% «قازتۋربورەمونت» حولدينگتىك كومپانياسىنا (ق ر رەزيدەنتى) تيەسىلى» ەكەنى كورستىلگەن.
«تۇپكىلىكتى باقىلاۋعا يە تاراپتار: قازاقستان رەسپۋبليكاسىنىڭ ازاماتى وسەروۆ اسحات ءعابدۋالى ۇلى؛ قازاقستان رەسپۋبليكاسىنىڭ ازاماتى بورانبايەۆ قايرات سوۆەتا ۇلى»، – دەلىنگەن قۇجاتتا.
...
بۇعان دەيىن قارجى مونيتورينگ اگەنتىگى (قما) كاسىپكەر قايرات بورانبايەۆ قۇنى 120 ملرد تەڭگە بولاتىن اكتيۆىن مەملەكەتكە قايتارعانىن مالىمدەگەن.
"تەرگەۋ شەڭبەرىندە جالپى قۇنى 90 ملرد تەڭگەدەن اساتىن اكتيۆتى، ونىڭ ىشىندە: مۇناي كەن ورنىن، گاز تاراتۋ كومپانياسىن، سەرۆيس سالاسىنداعى كاسىپورىندى، قوناق ءۇي جانە ساۋدا-ويىن-ساۋىق كەشەندەرىن، فيتنەس ورتالىقتار جەلىسىن، كەڭسە ءۇي-جايلارىن جانە باسقا دا اكتيۆتەردى مەملەكەت مەنشىگىنە ەرىكتى تۇردە قايتارۋ جونىندە شارالار قابىلداندى. سونىمەن بىرگە قايرات بورانبايەۆ ءبىلىم بەرۋ ينفراقۇرىلىمىن قولداۋ قورىنا 30 ملرد تەڭگە اۋداردى" دەپ جازىلعان حابارلامادا.
ۆەدومستۆونىڭ حابارلاۋىنشا، بۇل نىسانداردىڭ بارلىعى مەملەكەتتىك ورگاندار مەن كومپانيالاردىڭ بالانسىنا بەرىلەدى، ال قاراجات ءبىلىم بەرۋ ينفراقۇرىلىمدارىن جاقسارتۋعا پايدالانىلماق.
"بۇعان دەيىن قايرات بورانبايەۆ تابيعي گاز يمپورتى كەزىندە قاراجاتتى جىمقىرۋ ەپيزودى بويىنشا تەرگەۋ اياسىندا 14،5 ملرد تەڭگە كولەمىندە ماتەريالدىق شىعىندى وتەگەن. اگەنتتىك زاڭسىز اكتيۆتەردى ىزدەۋ جانە قايتارۋ بويىنشا جۇمىستى جالعاستىرىپ جاتىر" دەپ جازىلعان حابارلامادا.
بيىل تامىزدا جەرگىلىكتى ب ا ق بورانبايەۆتىڭ ادۆوكاتىنا سۇيەنە وتىرىپ، كاسىپكەر تەرگەۋ ورگاندارىمەن پروسەسسۋالدىق كەلىسىم جاساۋعا كەلىسكەنىن، باس بوستاندىقتان ايىرىلۋ جازاسىنىڭ ورنىنا كىنانى مويىنداپ، شىعىندى وتەۋگە كەلىسكەنىن جازعان.
Forbes باسىلىمى بورانبايەۆتى قازاقستانداعى ەڭ ىقپالدى بەس كاسىپكەردىڭ قاتارىنا جاتقىزعان. ول ەلدەگى "ەسەنتاي مولل"، "ريتسكارلتون"، "راحاتپالاس"، "المالى" سىندى قوناق ءۇي، ساۋدا ورتالىقتارىنا تولىق جانە جارتىلاي يەلىك ەتكەن. شەتەلدە دە جىلجىمايتىن مۇلىكتەرى بار.
