بولگاريانىڭ بۋرگاس قالاسىنداعى رەسەيلىك "لۋكويلعا" تيەسىلى مۇناي وڭدەۋ زاۋىتى 1 ملرد دوللارعا ساتىلعالى جاتقانىن، ودان ءۇمىتتى كومپانيالار اراسىندا ءبىزدىڭ "قازمۇنايگازدىڭ" دا بارىن Bloomberg باسىلىمى كۇنى كەشە جازعان بولاتىن. وسىعان قاتىستى ۇلتتىق كومپانيا تۇسىنىكتەمەسى جاريالاندى، دەپ جازادى Dalanews.kz.
"بۋرگاستاعى ءموز-دى ساتىپ الۋ بايقاۋىنا "قازمۇنايگاز" ۇك" اق لۋكويل كومپانياسىنان شاقىرتۋ الدى. كەلىسىم جايتتارى ناقتىلانۋدا"، دەپ ينتەرفاكس-قازاقستان كومپانيا تۇسىنىكتەمەسىن كەلتىرەدى.
قمگ رۋمىنيادا "ۆەگا" جانە "پەتروميديا" سىندى قوس موز-گە يە ەكەندەرىن، سوندىقتان ەندى بلوگراياداعى زاۋىتتا سالىپ السا، بۇل حالىقارالىق ەنەرگەتيكالىق نارىقتاعى ءوز ىقپالدارىن كەڭەيتۋگە جول اشاتىن جاقسى مۇمكىندىك بولاتىنىن ناقتىلايدى.
سونداي-اق Bloomberg بۇل زاۋىتتى ساتىپ الۋدان ماجارلىق Mol Nyrt كومپانياسى دا ءۇمىتتى ەكەنىن جازادى. ال 2024 جىلى قاراشادا Financial Times قمگ-نى بۋرگاستاعى زاۋىتتى ساتىپ العىسى كەلەتىندەر قاتارىنا جاتقازىعان، الايدا امەريكالىق باسىلىم بۇل رەتتە قاتار-بريتان كونسورسيۋمىنا ەنەتىن Oryx Global فيرماسى مەن DL Hudson ساۋدا ءۇيىنىڭ مۇمكىندىگى جوعارى ەكەنىن اتاپ كورسەتكەن.
ايتا كەتسەك، "قازمۇنايگاز" مۇناي-گاز سالاسىنداعى مەملەكەت مۇددەسىن تانىتۋشى كومىرسۋتەكتەردى بارلاۋ، ءوندىرۋ، وڭدەۋ جانە تاسىمالداۋ جونىندەگى وتاندىق ۇلتتىق وپەراتور بولىپ تابىلادى.
بۇعان دەيىن سايتىمىزدا "قمگ بولگارياداعى "لۋكويلعا" تيەسىلى ءموز-دى ساتىپ الۋعا نيەتتى" دەگەن ماقالا جاريالانعان.
