Bolgarıanyń Býrgas qalasyndaǵy reseılik "Lýkoılǵa" tıesili munaı óńdeý zaýyty 1 mlrd dollarǵa satylǵaly jatqanyn, odan úmitti kompanıalar arasynda bizdiń "QazMunaıGazdyń" da baryn Bloomberg basylymy kúni keshe jazǵan bolatyn. Osyǵan qatysty ulttyq kompanıa túsiniktemesi jarıalandy, dep jazady Dalanews.kz.

"Býrgastaǵy MÓZ-di satyp alý baıqaýyna "QazMunaıGaz" UK" AQ LÝKOIL kompanıasynan shaqyrtý aldy. Kelisim jaıttary naqtylanýda", dep Interfaks-Qazaqstan kompanıa túsiniktemesin keltiredi.

QMG Rýmynıada "Vega" jáne "Petromıdıa" syndy qos MÓZ-ge ıe ekenderin, sondyqtan endi Blograıadaǵy zaýytta salyp alsa, bul halyqaralyq energetıkalyq naryqtaǵy óz yqpaldaryn keńeıtýge jol ashatyn jaqsy múmkindik bolatynyn naqtylaıdy.

Sondaı-aq Bloomberg bul zaýytty satyp alýdan majarlyq Mol Nyrt kompanıasy da úmitti ekenin jazady. Al 2024 jyly qarashada Financial Times QMG-ny Býrgastaǵy zaýytty satyp alǵysy keletinder qataryna jatqazyǵan, alaıda amerıkalyq basylym bul rette qatar-brıtan konsorsıýmyna enetin Oryx Global fırmasy men DL Hudson saýda úıiniń múmkindigi joǵary ekenin atap kórsetken. 

Aıta ketsek, "QazMunaıGaz" munaı-gaz salasyndaǵy memleket múddesin tanytýshy kómirsýtekterdi barlaý, óndirý, óńdeý jáne tasymaldaý jónindegi otandyq ulttyq operator bolyp tabylady.

Buǵan deıin saıtymyzda "QMG Bolgarıadaǵy "Lýkoılǵa" tıesili MÓZ-di satyp alýǵa nıetti" degen maqala jarıalanǵan.