مارقۇم بولات نازارباەۆتىڭ ۇلى حانبولات استاناداعى سوت شەشٸمٸمەن بۇزىلۋعا مٸندەتتەلگەن قۇرىلىس نىسانىن اعاسى دانييار كەسٸكباەۆقا سىيعا تارتتى, دەپ حابارلايدى Dalanews.kz Nege.Aqsha-عا سٸلتەمە جاساپ.
ايتا كەتەلٸك, بىلتىرعى جىلدىڭ 20 اقپاندا ەكٸمشٸلٸك قۇقىقبۇزۋشىلىق جٶنٸندەگٸ اۋدانارالىق سوت بولات نازارباەۆتىڭ مايرا قۇرمانعاليەۆادان تۋعان ۇلىنا استاناداعى تەۋەلسٸزدٸك داڭعىلىنىڭ بويىنداعى ويىن-ساۋىق ورتالىعىن زاڭسىز سالعانى ٷشٸن 103 500 تەڭگە ايىپپۇل سالعان.
حانبولات نازارباەۆ بۇل ۋچاسكەنٸ 2020 جىلى اقپاندا كەمەلەتكە تولۋىنا وراي سىي رەتٸندە العان. وسىلايشا بۇرىن بۇل جەردە ورنالاسقان قوناقٷي كەشەنٸن بۇزىپ, ونىڭ ورنىنا ساۋدا ويىن-ساۋىق ورتالىعىن قۇرىلىس رۇقساتىنسىز جەنە الدىن-الا ەسكەرتۋسٸز جٷرگٸزە باستاعان.
سوت ەكس-پرەزيدەنتتٸڭ (نۇرسۇلتان نازارباەۆتىڭ — ەسك.) نەمەرە ٸنٸسٸنە ايىپپۇل تٶلەتٸپ قانا قويماي, زاڭسىز قۇرىلىستى بۇزۋعا مٸندەتتەگەن ەدٸ. حانبولات نازارباەۆ بۇل شەشٸمگە قارسىلىق بٸلدٸرٸپ, عيماراتتى بۇزباۋعا رۇقسات سۇراعانىمەن, قالالىق سوت ونىڭ ٶتٸنٸشٸن قابىلداماعان.
جاقىندا بەلگٸلٸ بولعانداي, حانبولات نازارباەۆ بۇل نىساندى ٶز اعاسى دانييار كەسٸكباەۆقا سىيعا تارتقان. اعايىندىلار بٸر انادان تۋعان, الايدا ەكەلەرٸ بٶلەك
استانا قالاسىنىڭ ورتا ساپاسى جەنە باقىلاۋ باسقارماسىنىڭ باسشىسى عاني تەجيەۆتٸڭ ايتۋىنشا, عيماراتتى مەجبٷرلەپ بۇزۋ تۋرالى قاۋلى قر ەدٸلەت مينيسترلٸگٸنٸڭ استانا قالاسىنداعى ەدٸلەت دەپارتامەنتٸنە جٸبەرٸلگەن.
دەپارتامەنتتٸڭ مەلٸمەتٸنشە, حانبولات نازارباەۆ بۇل نىساندى دانييار كەسٸكباەۆقا سىيعا تارتۋ شارتىن رەسٸمدەگەن. وسىعان بايلانىستى باسقارما سىيعا تارتۋ شارتىن زاڭسىز دەپ تانۋ تۋرالى تالاپ-ارىز جولداعان. باسقارما بۇل ەرەكەتتٸ سوت شەشٸمٸن ورىنداۋدان جالتارۋ دەپ ساناپ, ونى زاڭسىز دەپ تانۋدى تالاپ ەتۋدە.
Dalanews-تىڭ پايىمداۋىنشا حانبولات نازارباەۆ مەنشٸك يەسٸن اۋىستىرۋ ارقىلى سوت شەشٸمٸن ورىنداۋدى قيىنداتۋ نەمەسە ونى سوزا تٷسۋدٸ جوسپارلاپ وتىر. سىيعا تارتۋ شارتىن جاڭا مەنشٸك يەسٸنە بايلانىستى سوت ارقىلى قايتا قاراۋ – پروتسەستٸ سوزۋدىڭ ىقتيمال تەسٸلٸ.
حانبولات نازارباەۆ 22 جاسىندا بٸرنەشە كومپانييانىڭ قۇرىلتايشىسى بولىپ ٷلگەرگەن. ولاردىڭ قاتارىندا Newkazgroup development جەنە امانات-building قۇرىلىس فيرمالارى, Imexpharma فارماتسەۆتيكالىق كومپانيياسى جەنە BN HAN invest group ينۆەستيتسييالىق فيرماسى بار.
