اكىم دە، پروكۋرور دا، پوليسەي دە ءبارى “پارا الىپ جاتىپ” ۇستالا قالادى. جەمقورلىقپەن كۇرەس اگەنتتىگىنىڭ مىقتىلىعىنا قايران قالا جازدايسىڭ. تاماشا جۇمىس ىستەپ جاتقانداي-اق، تاڭداي قاقتىرادى.
ءبىراق، ءبارى بولماسا دا، ءىشىنارا ارانداتۋشىلىق تا قىلاڭ بەرىپ قالاتىن سەكىلدى.
ايتەۋىر، قالاي دا ءبىر جەمقوردى تاۋىپ قۇرىقتاۋ كەرەك دەگەن ناۋقانشىلىقتىڭ قۇربانى بولىپ كەتەتىندەر دە قوساق اراسىندا بوس كەتىپ، جازىقسىز جاپا شەگىپ جاتقان جوق پا ەكەن دەگەن دە كۇمان بار.
بۇل تۋرالى بيىك مىنبەردەن دە ايتىلىپ جاتادى ەكەن.
مىسالى، ق ر سەنات ءتورايىمى ءداريعا نازاربايەۆا: "ۆ ەتوي سۆيازي سەناتۋ پري پرينياتيي زاكونوۆ نەوبحوديمو وبەسپەچيت رەشەنيە سلەدۋيۋششيح ۆوپروسوۆ. پوۆىشەنيە گارانتيي زاششيتى پراۆ گراجدان. دولجنا بىت ۋسيلەنا وتۆەتستۆەننوست سوترۋدنيكوۆ پراۆووحرانيتەلنىح ورگانوۆ يلي سپەسيالنىح گوسۋدارستۆەننىح ورگانوۆ زا پروۆوكاسيوننىە دەيستۆيا، (دولجەن بىت. - پريم.) ۋستانوۆلەن زاپرەت نا پريۆلەچەنيە ك ۋگولوۆنوي وتۆەتستۆەننوستي ي وسۋجدەنيە تولكو ليش نا وسنوۆە سۆيدەتەلسكيح پوكازانيي ي نەپودتۆەرجدەننىح دوستاتوچنوي سوۆوكۋپنوستيۋ دوستوۆەرنىح دوكازاتەلستۆ.
ۆۆەدەنيە ادمينيستراتيۆنوي يۋستيسيي، وبەسپەچەنيە تولكوۆانيا ۆسەح پروتيۆورەچيي ۆ زاكونوداتەلستۆە ۆ پولزۋ گراجدان ي بيزنەسا، سوزدانيە دليا نيح راۆنىح ۋسلوۆيي ۆو ۆزايمووتنوشەنياح س گوسۋدارستۆەننىمي ورگانامي. راسشيرەنيە ساموستوياتەلنوستي ي وتۆەتستۆەننوستي رايوننىح، گورودسكيح ي سەلسكيح ۋروۆنەي ۆلاستي پري رەشەنيي سوسيالنو-ەكونوميچەسكيح زاداچ مەستنوگو زناچەنيا"، - دەيدى.
راسىندا، وتكەن جىلدىڭ اياعىندا ءدال وسىنداي جاعدايدىڭ قوعام ومىرىندە بار ەكەندىگىن ءوزىم قاتىسقان ءبىر سوت پروسەسىندە كوزبەن كوردىم.
اقمولا وبلىسى قورعالجىن اۋدانىنىڭ پروكۋرورى بولعان “بولاشاق” باعدارلاماسىمەن شەتەلدە ءبىلىم العان زاڭگەر دۋلات ورازالى ۇلى وماردىڭ سوتىنا قاتىستىم.
نۇر-سۇلتان قالاسى بايقوڭىر اۋداندىق سوتىندا ك. يماشيەۆتىڭ توراعالىعىمەن وتكەن سوتتا كوپتەگەن دەرەك-دايەكتەردىڭ شيكىلىگىنە قاراماستان سۋديا ونى 4 جىلعا باس بوستاندىعىنان ايىردى.
قورعالجىن اۋداندىق پروكۋراتۋرادا باسشىلىق ەتىپ جۇرگەن دۋلات وماردى پارا الدى دەگەن كۇدىكپەن ءىستى ەتۋ ءۇشىن سىبايلاس جەمقورلىقپەن كۇرەس قىزمەتىنىڭ ۇيىمداستىرعان وپەراسياسىنىڭ ءوزى قىلمىسكەردى قۇرىقتاۋدان گورى كىناسىز جاندى قالاي دا ارانداتىپ، تەك ورعا جىعۋدى عانا كوزدەگەندەي سيپاتتا جۇزەگە اسىرىلعانى كورىنىپ تۇردى.
وعان دۋلات وماردىڭ ەكى بىردەي قورعاۋشىسى م.مۇتالييەۆ پەن س.ءومىرقۇلوۆ تا جەتكىلىكتى دالەلدەمەلەر ۇسىندى.
قانشاما ۇسىنىستار جاسادى. سوت جينالىسى بارىسىندا وعان ءتوراعالىق ەتۋشى سۋديا بارلىق ۋاجدەرگە قۇلاق اسىپ وتىرعانداي كورىنگەن. الايدا، جەمە-جەمگە كەلگەندە مەملەكەتتىك ايىپتاۋشىنىڭ ىعىنا جىعىلا سالعانداي اسەر قالدىردى.
ادۆوكاتتار اتاپ كورسەتكەندەي، “دالەلدەردى بۇرمالاۋ، قىزمەتتىك جالعان قۇجات جاساۋ، زاتتىق ايعاقتاردى جويۋ، پارا الدى دەپ ارانداتۋ، پروسەسسۋالدىق ءتارتىپ بۇزۋشىلىقتاردىڭ كوپتىگىن” جانە “شاعىمدانۋشى تاراپىنان جالعان كۋاگەرلىكتىڭ بولعانى ايقىن كورىنىپ تۇرعانىنا قاراماستان” سوت سىبايلاس جەمقورلىققا قارسى قىزمەتتىڭ قىلمىستىق ارەكەتىن بۇركەمەلەۋگە تىرىسقانداي-اق، دۋلات وماردى ءتورت جىلعا باس بوستاندىعىنان ايىرۋ جازاسىنا كەسۋدى سۇراعان مەملەكەتتىك ايىپتاۋشى جاقتاپ شىقتى.
ەندىگى، كەزەكتە قالالىق سوت پەن جوعارعى سوت بۇل ىسكە قاتىستى اپپەلياسيالىق ارىزدى قالاي قارايتىنى قىزىق بولىپ تۇر. اۋداندىق سوتتىڭ ىعىنا جىعىلا سالا ما، الدە، ءىستىڭ شيكىلىگىن انىقتاپ، ارانداتۋشىلىققا توسقاۋىل جاساي ما؟ ونى ۋاقىت كورسەتەر.
قۋاندىق شاماحاي ۇلى،
جۋرناليست
