انىعىندا, تالعام بار جەردە, تاڭداۋ بار. تاڭداۋ بار جەردە تالعام بار. بٸزدە ەكەۋٸ دە جوق. ساياساتىمىز قانداي بولسا, ساحنامىز دا سونداي ەكەن. ٶزگەشە پٸكٸر بٸلدٸرگەندەردٸ, ٶز جولىمەن جٷرگٸسٸ كەلگەندەردٸ كٶتەرمەيدٸ. بەلكٸم, كٶرە المايدى.
ەيتپەسە, Ninety One ساعان نە جازدى, رينات? بەرٸن باستاپ بەرگەن سەن ەدٸڭ. اتارعا وق, سىنارعا سٶز تابا الماي جٷرگەندەر جامىراسا كەتتٸ. بەرٸن باستاپ بەرگەن سەن ەدٸڭ. ولاردى كٶگٸلدٸر قىلعان دا, ولاردى ۇلتتان بەزدٸرگەن دە, جالپى ولارعا قاراتا نەشە تٷرلٸ جامان سٶز ايتتىرعان دا ٶزٸڭ ەدٸڭ رينات.
سوندا سەنٸڭشە ٶنەر دەگەن نە? كافەدەگٸ ٷش جٸگٸتتٸڭ باسىن قۇراپ «مۋزارتتىڭ» كٶشٸرمەلەرٸن قۇرۋ ما? ەلدە قىرعىز-ٶزبەكتٸڭ ەندەرٸن ۇرلاپ قولدان حيت جاساۋ ما?
بايقايسىڭ با, بٸزدە اۋىردىڭ ٷستٸ, جەڭٸلدٸڭ استىمەن جٷرەتٸن ەنشٸلەر كٶپ. ولار تىڭدارماندى ويلامايدى. ٶزٸن ويلايدى. ٶزٸنٸڭ نەسٸبەسٸن ويلايدى. تويدى ويلايدى. تويداعى بيدٸ ويلايدى.
ايتالىق, بٸزدٸڭ تالعامىمىز توي ەندەرٸن قابىلداي المايدى. قايناعاعا, قارىنداسقا, قۇداشاعا ارنالعان ەندەر بٸزدٸڭ تاڭداۋىمىزبەن سەيكەسپەيدٸ ەكەن. نە ٸستەيمٸز سوندا? كٸمدٸ تىڭدايمىز, رينات ايتشى?
Ninety One كٸمگە, نە جازدى? سەنٸڭ باستاپ بەرگەنٸڭ سول جەر-جەردٸڭ بەرٸندە «انتي 91» اكتسييالارى ٶتتٸ. توپ حالىق جاۋىنا اينالدى. كٷلكٸلٸسٸ سولتٷستٸك جاقتا توپتىڭ كەشٸن ٶتكٸزۋگە قارسى بٸر توپ اعا-اپالارىمىز ميني-ميتينگ ٶتكٸزٸپتٸ.
«توپ قازاققا قاۋٸپتٸ. ۇلتقا قاتەر تٶندٸرٸپ وتىر» دەپتٸ. كٷلگەنٸمٸز-اي. سولتٷستٸكتە بۇدان باسقا مەسەلە جوق ەكەن. ولاردىڭ Ninety One-عا شاماسى جەتەدٸ. ال كۋتۋزوۆ پەن سۋۆوروۆتىڭ كٶشەلەرٸن, پاۆلودار مەن پەتروپاۆلدىڭ اتتارىن اۋىستىرۋ قاجەتتٸگٸن ايتا المايدى. ولاردى سولتٷستٸكتەگٸ تٸلدٸڭ تاعدىرى تولعاندىرمايدى, ولار ٷشٸن Ninety One قاۋٸپتٸ. انىعىندا, ولار Ninety One-دى نە ٷشٸن جەككٶرەتٸندەرٸن بٸلمەيدٸ. ولار سەنٸڭ سٶزدەرٸڭە الدانىپ قالعان, رينات. سەن سٶزدٸڭ مايىن تامىزاسىڭ عوي, ٶيتكەنٸ.
سٶزدٸڭ مايىن تامىزاتىن ادام اقساقتى تىڭداي, ٶتٸرٸكتٸ شىنداي جەتكٸزبەۋشٸ مە ەدٸ?
توپتىڭ اتىن پايدالانىپ ٶزٸڭە جارناما جاساعاندى دوعارۋ كەرەك شىعار. ورىنسىز جالا, دٶرەكٸ تيٸسۋ. انىقتاپ كەلگەندە, سٶزدەرٸڭنٸڭ بٸردە-بٸرٸنە دەلەل جوق. بٸراق, حالىقتىڭ تابيعاتى سونداي. ەرتەگٸگە سەنەدٸ, پافوسقا الدانىپ قالادى.
ەيتپەسە, سەن جىرلايتىن مەسەلە از با? تٸلدٸ ايتشى, جەردٸ ايتشى. قايدا بارامىز, قايدا كەلەمٸز? كٸم ەدٸك, قانداي بولدىق? وسى تۋرالى ايتشى. جۇرت تىڭدايدى سەنٸ. Ninety One-عا تيٸسكەنٸڭدٸ دوعارشى. سەندەي اقىنعا سٶز ەتۋگە تۇرمايتىن دٷنيەمەن الىسقان ۇيات. جوق, راس.
ٶتكەندە وسى توپتىڭ پروديۋسەرٸ ەربولاتتىڭ سٶزٸن تىڭدادىق. «ماقساتىم قازاق تٸلٸن ترەندكە اينالدىرۋ» دەدٸ. قالاي? ەن ارقىلى, ٶنەر ارقىلى. باسقا جول جوق. باسقالاي ٷيرەنبەيدٸ. باتىستا «جۇمساق كٷش » دەگەن تٷسٸنٸك بار. ولاردا بٸزدٸ سولاي جاۋلاعان. ەندەشە بۇل جٸگٸتتەر ٶز جولىمەن جٷرۋگە, ٶنەرٸن جاساۋعا مۇرسات بەر. سەن ولارعا بەرٸبٸر كەدەرگٸ بولا المايسىڭ…
ال فرەدو
