قوستانايدا ٶتكەن بريفينگتە ەكونوميكالىق تەرگەۋ دەپارتامەنتٸنٸڭ باسشىسى تيمۋر حاسانوۆ ٶڭٸردەگٸ قارجى سالاسىنداعى زاڭ بۇزۋشىلىقتار مەن ولاردى بولدىرماۋ بويىنشا قابىلدانىپ جاتقان شارالار تۋرالى باياندادى,- دەپ حابارلايدى Dalanews.kz
ونىڭ ايتۋىنشا, بيىل وبلىستا قارجى پيراميدالارىنا قاتىستى 6 قىلمىستىق ٸس تٸركەلگەن. كەلتٸرٸلگەن شىعىن 88 ميلليون تەڭگەدەن اسقان. الايدا زارداپ شەككەن ازاماتتارعا قايتارىلعان قاراجات كٶلەمٸ نەبەرٸ 18 ميلليون تەڭگە. ۇيىمداستىرۋشىلاردىڭ كەيبٸرٸ ٸزدەۋدە, ولاردىڭ بٸرقاتارى شەتەلگە قاشقان.
«بۇل — تەك ساندار ەمەس, ادامداردىڭ ٷمٸتٸ مەن تاعدىرى. بٸز تەرگەۋمەن قاتار الدىن الۋ شارالارىنا باسا مەن بەرەمٸز», – دەدٸ تيمۋر حاسانوۆ.
ونىڭ ايتۋىنشا, جىل باسىندا قارجىلىق ساۋاتتىلىقتى ارتتىرۋعا ارنالعان ستۋدەنتتٸك فورۋم ٶتٸپ, 1 000-نان استام قاتىسۋشى قامتىلعان. سونىمەن قاتار وبلىستاعى 400-گە جۋىق مەكتەپتە 51 مىڭنان استام وقۋشىعا قارجىلىق قاۋٸپسٸزدٸك تاقىرىبىندا تٷسٸندٸرۋ جۇمىستارى جٷرگٸزٸلگەن. بۇل – رەسپۋبليكا بويىنشا ەڭ جوعارى كٶرسەتكٸش.
بريفينگ بارىسىندا زاڭسىز ميكروكرەديت ۇيىمدارى مەسەلەسٸ دە كٶتەرٸلدٸ. حاسانوۆتىڭ ايتۋىنشا, كەيبٸر كٶلەڭكەلٸ ۇيىمدار ليتسەنزيياسىز جۇمىس ٸستەپ, حالىققا 120%-عا دەيٸنگٸ ٶسٸممەن نەسيە بەرٸپ كەلگەن. مىسالى, بٸر زەينەتكەر 13 ميلليون تەڭگەگە كەلٸسٸپ, قولىنا تەك 6 ميلليون العان. ونىڭ ٷيٸ كەپٸلگە قويىلعان. قازٸرگٸ ۋاقىتتا بۇل باعىتتا بٸرنەشە ٸس بويىنشا تەرگەۋ جالعاسىپ جاتىر, 150 ميلليون تەڭگەدەن استام مٷلٸككە تىيىم سالىنعان.
دەپارتامەنت سونداي-اق زاڭسىز نيكوتين ٶنٸمدەرٸنە قارسى كٷرەس جٷرگٸزٸپ جاتىر. بيىلدىڭ ٶزٸندە 2 300-دەن استام ەلەكتروندى ۆەيپ پەن باسقا دا نيكوتين ٶنٸمدەرٸ تەركٸلەنگەن. بٸرنەشە قىلمىستىق ٸس قوزعالىپ, قويمالار مەن كٶلٸكتەرگە تىيىم سالىنعان.
«بۇل — تەك زاڭ بۇزۋشىلىقپەن كٷرەس ەمەس. بۇل – ۇلتتىڭ دەنساۋلىعى ٷشٸن كٷرەس. ەسٸرەسە بالالاردى قورعاۋ – بارلىعىمىزدىڭ ورتاق مٸندەتٸمٸز», – دەدٸ حاسانوۆ.
بريفينگ سوڭىندا ول دەپارتامەنتتٸڭ باستى ماقساتى – تەك كٶرسەتكٸشتەر ٷشٸن جۇمىس ٸستەۋ ەمەس, قوعامنىڭ سەنٸمٸنە يە بولۋ ەكەنٸن اتاپ ٶتتٸ.
«بٸزدٸڭ ماقسات — سانداردىڭ سوڭىنان قۋۋ ەمەس. بٸزدٸڭ كٷرەسٸمٸز — حالىقتىڭ سەنٸمٸ ٷشٸن. زاڭ — جاي قاعاز جٷزٸندەگٸ تالاپ ەمەس, كٷندەلٸكتٸ ٶمٸر سٷرۋ نورماسىنا اينالۋى تيٸس. بۇل ورتا — قاۋٸپسٸز, ەدٸلەتتٸ ەرٸ سەنٸمدٸ بولۋ ٷشٸن بٸز قوعاممەن بٸرگە جۇمىس ٸستەۋٸمٸز كەرەك», – دەدٸ تيمۋر حاسانوۆ بريفينگ سوڭىندا.
