الماتىداعى دەنساۋلىق ساقتاۋ ۇيىمدارىنىڭ باسى داۋعا قالدى. 19 سەۋٸردەن باستاپ قالاداعى 24 مەملەكەتتٸك اۋرۋحانا مەن ەمحانا بٸر اپتا ٸشٸندە نيۋ-يورك قالاسىنا ساپارعا شىعاتىن بولعان. ەر ۇيىم بۇل ٸسساپارعا 6 ميلليون تەڭگەگە دەيٸن جۇمسايتىنى بەلگٸلٸ بولدى. كەيبٸر مەكەمەلەردٸڭ شىعىنى سەل تٶمەن بولعانىمەن, جالپى سوما قوماقتى, دەپ حابارلايدى Dalanews.kz.
بۇل تۋرالى جەلٸدە يۋلييا بلاجنوۆا جازدى.
بۇل اقپارات اشىق دەرەككٶزدەردە قولجەتٸمدٸ. ايتا كەتەرلٸگٸ, الماتىنىڭ دەنساۋلىق ساقتاۋ ۇيىمدارى شەتەلگە بۇعان دەيٸن دە بارىپ جٷرگەن. بٸراق 2024 جىلدان باستاپ ساپارلاردىڭ قۇنى ەكٸ ەسەگە قىمباتتاعان. سونىمەن قاتار, تاڭدالعان قالالار مەن ٸسساپار باعدارلامالارى كٶپ كٷمەن تۋدىرۋدا.
مەسەلەن, 2024 جىلدىڭ كٷزٸندە لوس-اندجەلەس قالاسىنا ۇيىمداستىرىلعان ساپاردىڭ مازمۇنى مەن قۇندىلىعى قوعامدا رەزونانس تۋدىرعان.
ەڭ سوراقىسى – مۇنداي ساپارلار مەملەكەتتٸك ساتىپ الۋ كونكۋرستارىن ٶتكٸزبەي, ەردايىم بٸر عانا جەتكٸزۋشٸمەن تٸكەلەي كەلٸسٸمشارت ارقىلى رەسٸمدەلٸپ كەلەدٸ.
مەملەكەتتٸك ساتىپ الۋلار پورتالىنداعى رەسمي اقپاراتقا سەيكەس, تەك بٸر عانا دەنساۋلىق ساقتاۋ ۇيىمى 2024–2025 جىلدارى وسى جەتكٸزۋشٸمەن 166 ملن 620 مىڭ تەڭگەگە تٸكەلەي كەلٸسٸمشارت جاساعان. بۇل تەك بٸر مەكەمە عانا. ال جالپى كٶلەمٸن كەز كەلگەن ادام پورتالدا قاراپ, كٶز جەتكٸزە الادى, دەلٸنگەن حابارلامادا.
ساپارلار كەزٸندە ەربٸر دەلەگاتسييانى الماتى قالالىق دەنساۋلىق ساقتاۋ باسقارماسىنىڭ بٸر قىزمەتكەرٸ ٸلەسٸپ جٷرەدٸ. بۇل دەرەكتٸ باسقارمانىڭ ٶزٸ راستاعان. وسىعان بايلانىستى قوعامدا:
— نەگە دەنساۋلىق ساقتاۋ باسقارماسى 2024 جىلدان بەرٸ بيۋدجەتتٸ ٷنەمدەۋدٸ توقتاتتى?
— نەگە ساپا مەن كونكۋرس تالابىن ەلەمەيدٸ? دەگەن سۇراقتار تۋىنداۋدا.
بريتاندىق Global Conferences كومپانيياسى الماتىعا لوندون قالاسىنا ارنالعان بٸلٸكتٸلٸكتٸ ارتتىرۋ باعدارلامالارىن ۇسىنىپ كٶرگەن. ونىڭ بٸرٸ – ۇيىم باسشىلارىنا, ەكٸنشٸسٸ – انا مەن بالا دەنساۋلىعى باعىتىندا. باعاسى – 2 ملن 850 مىڭ تەڭگە. الايدا دەنساۋلىق ساقتاۋ باسقارماسى بۇل ۇسىنىستاردى قاراماي, سول باياعى 6 ميلليوندىق باعدارلامالاردى تاڭداۋدى جالعاستىرعان.
كومپانييا بۇل تۋرالى رەسمي ساۋال دا جولداعان. الايدا 10 كٷن ٶتسە دە, جاۋاپ بەرٸلمەگەن.
