28 تامىزدا قۇرىلتايدىڭ ٸسكە قوسىلۋى قازاقستان پارلامەنتٸ تاريحىنداعى جاڭا كەزەڭنٸڭ باستالعانىن بٸلدٸرەدٸ. ساياساتتانۋشى عازيز ەبٸشەۆ وسىلاي دەپ باعالاپ, بۇل ٶزگەرٸستەر پرەزيدەنت قاسىم-جومارت توقاەۆ باستاماشى بولعان كونستيتۋتسييالىق رەفورمالاردىڭ ناقتى ينستيتۋتسيونالدىق كٶرٸنٸسٸنە اينالىپ وتىرعانىن ايتتى, دەپ حابارلايدى dalanews.kz.
ساراپشىنىڭ پٸكٸرٸنشە, سوڭعى جىلدارى جٷرگٸزٸلگەن ساياسي رەفورمالار قازاقستاننىڭ مەملەكەتتٸك ينستيتۋتتارىن قالىپتاستىرۋداعى دەربەستٸگٸن كٷشەيتتٸ.
ول بۇل رەتتە «ماعىنالىق ەگەمەندٸك» ۇعىمىنا ەرەكشە توقتالدى. ياعني مەملەكەت نەگٸزگٸ ساياسي ينستيتۋتتاردى قۇرۋ مەن شەشٸم قابىلداۋ جٷيەسٸن سىرتقى ٷلگٸلەرگە ەمەس, ٶز قاجەتتٸلٸكتەرٸ مەن ۇلتتىق ەرەكشەلٸكتەرٸنە سٷيەنە وتىرىپ قالىپتاستىرىپ كەلەدٸ.
ەبٸشەۆتٸڭ ايتۋىنشا, تٷرلٸ گەوساياسي قاۋٸپ-قاتەرلەر تۋرالى بولجامدارعا قاراماستان, قازاقستان ماڭىزدى مەملەكەتتٸك شەشٸمدەردٸ قابىلداۋدىڭ ٶزٸندٸك تەتٸكتەرٸن قالىپتاستىرا الدى. سونىمەن قاتار زاڭ شىعارۋ جٷيەسٸ مەن پارلامەنتتٸك دەستٷرلەر دە بٸرتٸندەپ ورنىعىپ, ينستيتۋتسيونالدىق جادى قالىپتاستى.
«بۇل جٷيەلەر ەڭ الدىمەن قازاقستاننىڭ مٷددەسٸ مەن ۇلتتىق ەليتالارىنىڭ سۇرانىسىنا باعىتتالعان», – دەيدٸ ساياساتتانۋشى.
ساراپشى قازٸرگٸ بٸر پالاتالى پارلامەنت مودەلٸن جاڭا تەجٸريبە رەتٸندە باعالادى. ونىڭ ايتۋىنشا, 145 دەپۋتاتتان تۇراتىن بٸرىڭعاي پالاتا فورماتى بۇرىننان بەرٸ قولدانىلماعاندىقتان, ۋاقىت ٶتە كەلە ونىڭ تيٸمدٸلٸگٸنە باعا بەرٸلٸپ, قاجەت بولعان جاعدايدا جەتٸلدٸرۋ جۇمىستارى جٷرگٸزٸلەدٸ.
سونىمەن قاتار جاڭا پارلامەنتتٸك مودەل بٸرقاتار جاڭاشىلدىقتاردى قامتيدى. مەسەلەن, مەملەكەتتٸك ورگانداردىڭ ٶكٸلدەرٸ ٶز سالاسىنا قاتىستى دەپۋتاتتىق تىڭداۋلارعا مٸندەتتٸ تٷردە قاتىسۋى تيٸس. بۇل تالاپتان جالتارۋعا جول بەرٸلمەيدٸ. ال دەپۋتاتتاردىڭ قىزمەتٸ ناقتى جازىلعان ەتيكالىق نورمالارمەن رەتتەلمەك.
عازيز ەبٸشەۆ پارلامەنت قۇرىلىمىن ودان ەرٸ دامىتۋ مەسەلەسٸنە دە نازار اۋداردى. ونىڭ پٸكٸرٸنشە, بولاشاقتا سەگٸزٸنشٸ كوميتەت قۇرىلۋى مٷمكٸن.
«مىسالى, تسيفرلاندىرۋ جەنە جاڭا تەحنولوگييالار جٶنٸندەگٸ كوميتەت قۇرىلسا, بۇل ۋاقىت تالابىنا ساي شەشٸم بولار ەدٸ. بۇل سالا ٶتە قارقىندى دامىپ كەلەدٸ ەرٸ جاڭا سىن-قاتەرلەرگە جەدەل جاۋاپ بەرۋدٸ قاجەت ەتەدٸ. ەسٸرەسە جاساندى ينتەللەكت يندۋستريياسىن تيٸمدٸ رەتتەۋ مەن ىنتالاندىرۋ ٷشٸن تەرەڭ ساراپتاما قاجەت», – دەپ جازدى ول.
ساياساتتانۋشىنىڭ پٸكٸرٸنشە, قازاقستاندىق پارلامەنتاريزمنٸڭ جاڭا كەزەڭٸ ەل تاريحىنداعى عانا ەمەس, ەلەمدٸك دەڭگەيدەگٸ ماڭىزدى ٶزگەرٸستەرمەن تۇسپا-تۇس كەلٸپ وتىر. سوندىقتان الداعى ۋاقىتتا جاڭا ساياسي ينستيتۋتتاردىڭ تيٸمدٸلٸگٸ مەن ولاردىڭ قوعام سۇرانىسىنا جاۋاپ بەرۋ قابٸلەتٸ باستى نازاردا بولادى.
