قازاقستان قارجىگەرلەرٸ قاۋىمداستىعى (ققق) قارجى نارىعىنا قاتىسۋشىلار مەن ساراپشىلار اراسىندا جٷرگٸزەتٸن اي سايىنعى ساۋالناماسىنىڭ قورىتىندىسىن جارييالادى. وعان سەيكەس, مۇناي ٶندٸرٸسٸ كٶلەمٸنٸڭ قىسقارۋى ەرٸ باعانىڭ تٶمەندەۋٸ جەنە جوعارى پايىزدىق مٶلشەرلەمەلەر سالدارىنان ٸسكەرلٸك بەلسەندٸلٸكتٸڭ باياۋلاۋى سالدارىنان 2025 جىلى جٸٶ ٶسٸمٸنٸڭ تەجەلەتٸنٸ بولجانادى, دەپ جازادى Dalanews.kz.
2025 جىلى 1 اقش دوللارى - 524,1-545,2 تەڭگە
"قارجى نارىعى ساراپشىلارىنىڭ ۇلتتىق ۆاليۋتا باعامىنا قاتىستى كٷتٸلەتٸن بولجامدى قاراشادا ايىندا تەڭگەنٸڭ ەلسٸرەۋٸ اياسىندا ايتارلىقتاي ناشارلاتتى (+5%): بٸر ايدان كەيٸن, ياعني 2025 جىلدىڭ باسىندا تەڭگەگە شاققانداعى 1 اقش دوللارى 524,1 تەڭگە (قازٸر - 513,62 تەڭگە) بولۋى مٷمكٸن دەپ بولجانادى. سونىمەن قاتار, الداعى 12 اي بويىندا تەڭگەنٸڭ نىعايۋ ٷردٸسٸ كٷتٸلمەيدٸ, كەرٸسٸنشە ۇلتتىق ۆاليۋتاعا شاققاندا دوللار 6%-عا نىعايىپ, جىل بويىندا 545,2 تەڭگەگە دەيٸن جەتۋٸ مٷمكٸن", - دەيدٸ قازاقستان قارجىگەرلەرٸ قاۋىمداستىعى ساۋالناما نەتيجەسٸنە سٷيەنە وتىرىپ.
بٸر ايتا كەتەرلٸگٸ, اتالعان ساۋالناما جەلتوقسان ايىنىڭ باسىندا ٶتكٸزٸلگەندٸكتەن, ساراپشىلاردىڭ پٸكٸرٸنە قاراشا ايىنداعى ۆاليۋتا نارىعىندا بولعان جاعداي ەسەر ەتۋٸ مٷمكٸن ەكەنٸ دە ەسكەرتٸلەدٸ.
مۇنايدىڭ بٸر باررەلٸنٸڭ باعامى 71,7 دوللارعا دەيٸن تٶمەندەۋٸ مٷمكٸن
"رەسەي رۋبلٸنٸڭ ٸشكٸ فاكتورلارى مەن قۇبىلمالىلىعىنان بٶلەك, الداعى جىلى تەڭگەگە مۇناي باعاسىنىڭ ايتارلىقتاي تٶمەندەۋٸ كەرٸ ەسەر ەتۋٸ مٷمكٸن: بٸر جىلدان كەيٸن اقش-تا مۇناي ٶندٸرٸسٸنٸڭ ۇلعايۋى سالدارىنان قىتاي مەن ەۋروپانىڭ شيكٸزاتقا دەگەن سۇرانىسىنىڭ تٶمەندەۋٸنە بايلانىستى "قارا التىننىڭ" بٸر باررەلٸ 71,7 دوللار (77,4 - اي بۇرىن) دەڭگەيٸندە بولادى دەپ كٷتٸلەدٸ. سونداي-اق, 2025 جىلى وپەك+ ەلدەرٸ (مۇناي ٶندٸرٸسٸ كٶلەمٸن ەرٸكتٸ قىسقارتۋ جەنە ٶتەماقى جوسپارى) الدىندا قابىلداعان مٸندەتتەمەلەرٸ شەڭبەرٸندە قر-دا مۇناي ٶندٸرٸسٸنٸڭ كٶلەمٸ قىسقارتىلۋى مٷمكٸن".
قاڭتار ايىندا بازالىق مٶلشەرلەمە تاعى كٶتەرٸلەدٸ مە?
"قاراشا ايىنداعى وتىرىستا بازالىق مٶلشەرلەمەنٸ بٸردەن 100 ب.ت-عا ارتتىرىپ, 15,25%-عا دەيٸن كٶتەرۋ اقشا ايىرباس باعامىن تۇراقتاندىرۋ جەنە باعانىڭ ٶسٸمٸن تەجەۋ بويىنشا قابىلدانعان شارالاردىڭ بٸرٸ بولدى. وسىعان قاراماستان, ساۋالناماعا قاتىسقان قارجى نارىعى ساراپشىلارى قاڭتار ايىندا بازالىق مٶلشەرلەمە تاعى جوعارىلايدى دەپ بولجايدى: 55%-ى - اعىمداعى دەڭگەيٸ ساقتالادى دەسە, 25%-ى 25-100 ب.ت-عا تٶمەندەيدٸ, ال 20%-ى - 25-75 ب.ت-عا جوعارىلايدى دەپ سانايدى. يمپورتتالاتىن ينفلياتسييانىڭ ەلدەگٸ باعانىڭ ٶسۋٸ, مۇناي باعاسىنىڭ جەنە ۇلتتىق ۆاليۋتا باعامىنىڭ قايتا تٶمەندەتۋٸ مٷمكٸن. وسىنىڭ اياسىندا ينفلياتسييالىق كٷتٸلەتٸن بولجام ٶسٸمدٸ كٶرسەتەدٸ: بٸر جىلدان كەيٸن ينفلياتسييا 9,5% -دى قۇراۋى ىقتيمال. بۇل ەلدەگٸ قاتاڭ مونەتارلىق شارتتاردىڭ ۇزاققا ساقتاۋدى تالاپ ەتۋٸ مٷمكٸن: بٸر جىلدا بازالىق مٶلشەرلەمە 14,25% (بٸر اي بۇرىن 13,0%) دەڭگەيٸندە قالىپتاسادى دەپ بولجانادى".
بٸر جىلدا ينفلياتسييا بٸر اي بۇرىنعى بولجامداعى 8,4%-دىڭ ورنىنا 9,5%-عا جەتۋٸ مٷمكٸن.
مۇناي ٶندٸرٸسٸ كٶلەمٸنٸڭ قىسقارۋى, ونىڭ باعاسىنىڭ تٶمەندەۋٸ جەنە جوعارى پايىزدىق مٶلشەرلەمەلەر سالدارىنان ٸسكەرلٸك بەلسەندٸلٸكتٸڭ باياۋلاۋى 2025 جىلى جٸٶ ٶسٸمٸ قارقىنىنا تەرٸس ەسەر ەتۋٸ مٷمكٸن: 2025 جىلدىڭ اياعىندا جٸٶ ٶسٸمٸ ۇلتتىق بانكتٸڭ 4,5–5,5% جەنە ۇلتتىق ەكونوميكا مينيسترلٸگٸنٸڭ 5,6% بولجامىمەن سالىستىرعاندا 4,4% بولادى دەپ كٷتٸلەدٸ.
بۇعان دەيٸن ۇلتتىق بانكتٸڭ 2024 جىلدىڭ قاراشا ايىنداعى اقشا-كرەديت ساياساتى تۋرالى كەزەكتٸ قۇجاتتى جارييالادى.مۇندا ەل ەكونوميكاسىنىڭ نەگٸزگٸ ماكروەكونوميكالىق كٶرسەتكٸشتەرٸ ناشارلاۋ تۇرعىسىندا قايتا قاراستىرىلعان. مەسەلەن, ونداعى پەسسيميستٸك ستسەناريي بولجامىنا سەيكەس, مۇنايدىڭ بٸر باررەلٸنٸڭ قۇنى 2025 جىلى 50 دوللار بولۋى ىقتيمال. سونداي-اق Bank of America مۇناي باعاسىنىڭ 65 دوللارعا دەيٸن تٶمەندەيتٸنٸن بولجادى.
