قازاقستان قارجىگەرلەرٸ قاۋىمداستىعىنىڭ 2025 جىلعى ناۋرىزداعى كەيبٸر ينديكاتورلارعا قاتىستى قارجى نارىعىنىڭ كەسٸبي قاتىسۋشىلارىنان العان كەزەكتٸ ساۋالناماسىنىڭ نەتيجەلەرٸ جارييالاندى. ساراپشىلار تەڭگە باعامىنىڭ تۇراقتىلىعىنا قاتىستى وڭ پٸكٸر بٸلدٸرٸپ, كەرٸسٸنشە مۇناي مەن بازالىق مٶلشەرلەمەگە قاتىستى جاعداي قيىن ەكەنٸن توپشىلايدى, دەپ حابارلايدى Dalanews.kz.
بۇل ساۋالناما قارجى نارىعىنىڭ كەسٸبي قاتىسۋشىلارىنىڭ, بانك, ساقتاندىرۋ, بروكەرلٸك ۇيىمدار ٶكٸلدەرٸنٸڭ, تالداۋ جەنە قازىناشىلىق بٶلٸمشەلەرٸنٸڭ قىزمەتكەرلەرٸنٸڭ پٸكٸرٸن قامتيتىنىن باسا ايتا كەتەلٸك.
بازالىق مٶلشەرلەمە مەن ينفلياتسييا
ساۋالناماعا قاتىسقان قارجى نارىعىنىڭ ساراپشىلارىنىڭ كٶپشٸلٸگٸ (69%) 7 ناۋرىزدا ۇلتتىق بانك وتىرىسىندا بازالىق مٶلشەرلەمەنٸڭ اعىمداعى دەڭگەيٸ (15,25%) سول كٷيٸندە قالدىرىلادى دەپ بولجايدى. قالعان رەسپوندەنتتەر (31%) ونى ٶسەدٸ دەپ سانايدى.
"مۇنداي بولجامدار كٶبٸنەسە تۇرعىن ٷي كوممۋنالدى قىزمەتتەرٸ مەن جانار-جاعارمايعا قاتىستى رەفورمالار, بيۋدجەت شىعىستارىنىڭ كٶپتٸگٸ, جالاقىنىڭ ۇلعايۋى, جوعارى ينفلياتسييالىق كٷتۋلەردٸڭ ساقتالۋى اياسىندا اقپان ايىندا ەلٸمٸزدەگٸ باعا ٶسٸمٸنٸڭ قارقىن الۋىمەن (بٸر ايدا 1,5% جەنە جىلىنا 9,4%) بايلانىستى تۋىنداۋدا. ساراپشىلار ينفلياتسييانى بٸر جىلدان كەيٸن 10,3%-عا دەيٸن ٷدەيدٸ دەپ باجايلايدى, بۇل مونەتارلىق رەتتەۋشٸنٸڭ بولجامىنان ەدەۋٸر جوعارى كٶرسەتكٸش (2025 جىلى 6,5–8,5% جەنە 2026 جىلى 5,5–7,5%). سونىمەن قاتار, قر ۇلتتىق بانك ناۋرىز ايىنداعى وتىرىسىندا بازالىق مٶلشەرلەمە بويىنشا شەشٸم قابىلداۋدا شەشۋشٸ رٶل اتقارا الاتىن جاڭارتىلعان ەكونوميكالىق بولجامداردى دا جارييالايدى", دەلٸنگەن ساۋالناما قورىتىندىسىندا.
جوعارى ينفلياتسييالىق تەۋەكەلدەر اياسىندا بٸر جىلدان كەيٸنگٸ بازالىق مٶلشەرلەمە بويىنشا كٷتۋلەر 14,75% - عا دەيٸن (بۇرىنعى بولجام - 14,5% بۇرىن) قايتا قارالدى.
1 اقش دوللارى - 510,2 تەڭگە
اقپان ايىندا ۇلتتىق ۆاليۋتا باعامىنىڭ نىعايۋى (3,7% - عا) جەنە اقش پەن رف اراسىنداعى قاتىناستاردىڭ قالىپقا كەلە باستايدى دەپ كٷتٸلگەندٸكتەن تەڭگە باعامى بويىنشا بولجامدار ايتارلىقتاي جاقساردى.
بٸر ايدان كەيٸن 1 اقش دوللارىنىڭ قۇنى 510,2 تەڭگە (بۇرىن 513,9), ال بٸر جىلدان كەيٸن 534,2 (بۇرىنعى بولجام - 551,2) تەڭگە دەڭگەيٸندە بولادى دەپ بولجانادى.
جٸٶ جەنە مۇناي باعاسى
شيكٸزات ٶندٸرٸسٸنٸڭ نەعۇرلىم جوعارى كٶلەمٸ, ەلەۋلٸ بيۋدجەتتٸك ىنتالاندىرۋلار, قۇرىلىمدىق رەفورمالار جەنە ٸرٸ ينۆەستيتسييالىق, ينفراقۇرىلىمدىق جوبالاردى ٸسكە اسىرۋ ەلٸمٸزدەگٸ ەكونوميكالىق ٶسٸمدٸ قولدايدى. بٸر جىلدان كەيٸن جٸٶ ٶسٸمٸ (اقپان ايىنداعى بولجام - 4,1%) 4,3% بولادى دەپ بولجانادى.
سونىمەن قاتار,اق ٷيدٸڭ ساۋدا سوعىسى, ەو مەن قحر-دىڭ ماكروەكونوميكالىق كٶرسەتكٸشتەرٸنٸڭ ناشارلاۋى, وپەك+ ەلدەرٸ شيكٸزاتتارىنىڭ جاھاندىق تاسىمال كٶلەمٸنٸڭ بولجامدى ٶسٸمٸ اياسىندا بٸر جىلدان كەيٸن كٷتٸلەتٸن Brent مۇنايىنىڭ بٸر باررەلٸنٸڭ قۇنى 68,5 دوللارعا دەيٸن (بۇرىنعى بولجام - 69,3) قايتا قارالدى (2025 جىلدىڭ 1 سەۋٸرٸنەن باستاپ مۇناي ٶندٸرٸسٸنٸڭ كٶلەمٸ ۇلعايۋى مٷمكٸن).
بۇعان دەيٸن سايتىمىزدا "2025 جىلدىڭ اياعىندا ەلٸمٸزدە ينفلياتسييا 10%-دى قۇرايدى دەپ كٷتٸلەدٸ - ۇەم" دەگەن ماقالا جارييالانعان بولاتىن. سونداي-اق 2025 جىلى 3 ناۋرىزدا جارييالانعان "ساراپشىلار بيىل بازالىق مٶلشەرلەمە كٶرسەتكٸشٸ تاعى ٶسەدٸ دەپ بولجايدى - ۇلتتىق بانك" دەگەن ماتەريالدى دا بٸزدٸڭ سايتتان وقي الاسىزدار. Halyk Finance اقپان ايىندا ينفلياتسييانىڭ كٷرت ٷدەۋ ىقتيمالدىعىن ەسكەرە وتىرىپ, مونەتارلىق رەتتەۋشٸ ورگان ستاۆكانى 25-50 ب.پ-عا كٶتەرەدٸ دەپ بولجايدى.
