شىعىس قازاقستان وبلىسىندا 2024 جىلى ايماقتىق «جولدار جىلى» باعدارلاماسى قابىلداندى. وبلىستىق جانە اۋداندىق ماڭىزى بار 600 كم جولدى جوندەۋگە ارنالعان بيۋدجەت 31،5 ملرد تەڭگەگە دەيىن ۇلعايتىلدى.

رەسپۋبليكالىق ماڭىزى بار تالدىقورعان – وسكەمەن جولىنىڭ (شقو اۋماعىنداعى) 60 شاقىرىمدىق ۋچاسكەسىن جاڭارتۋ اياقتالدى.

قالباتاۋ – مايقاپشاعاي اۆتوموبيل جولىن جاڭارتۋ جۇمىستارى جالعاسۋدا، ونىڭ 231 شاقىرىمى شقو اۋماعىنان وتەدى. بۇگىنگى تاڭدا اتالعان جولدىڭ 211 شاقىرىمىنا جاڭا اسفالت توسەلىپ، قوزعالىس قامتاماسىز ەتىلگەن، قالعان ۋچاسكەلەر بيىل اياقتالادى.

وسكەمەن – التاي – راحمان قاينارى جولىنداعى 4 كوپىردىڭ كۇردەلى جوندەۋى اياقتالدى.

– مەملەكەت باسشىسى قاسىم-جومارت توقايەۆتىڭ تاپسىرماسىنا سايكەس، بۇقتىرما سۋ قويماسى ارقىلى وتەتىن ورتالىق ازياداعى ەڭ ءىرى كوپىردىڭ قۇرىلىسى اياقتالدى. رەسپۋبليكالىق جولداردى ورتاشا جوندەۋ كولەمى 392 شاقىرىمدى قۇرادى. 2024-2025 جىلدارعا ورتاشا جوندەۋدىڭ 17 نىسانىن جۇزەگە اسىرۋ جوسپارلانىپ، ولارعا 37 ملرد تەڭگە بولىنگەن، – دەدى شىعىس قازاقستان وبلىسى اكىمىنىڭ ءبىرىنشى ورىنباسارى نۇرىمبەت ساقتاعانوۆ.

جوسپارلانعان ۋچاسكەلەردىڭ ىشىندە:
- وسكەمەن – التاي – ۇلكەن نارىن – كاتونقاراعاي – راحمان قاينارى باعىتى بويىنشا 152 كم؛
- وسكەمەن – ريددەر – رەسەي شەكاراسى باعىتى بويىنشا 105 كم؛
- ومبى – مايقاپشاعاي – قالجىر – مارقاكول باعىتى بويىنشا 24 كم؛
- وسكەمەن – سەمەي باعىتى بويىنشا 18 كم؛
- وسكەمەن – شەمونايحا – رەسەي شەكاراسى باعىتى بويىنشا 93 كم.
2024 جىلى 97 كم جول جوندەلدى، تولىق اياقتاۋ وسى جىلعا جوسپارلانعان.

اينالما جولدار مەن كوپىرلەردىڭ قۇرىلىسى جانە جاڭارتىلۋى بەلسەندى جۇرۋدە. وسكەمەندە بازوۆايا كوشەسىن (1،8 كم) جانە جىبەك جولى كوشەسىنىڭ الماتى تراسساسىنا شىعاتىن بولىگىن (5،3 كم) جاڭارتۋ اياقتالدى.

ساتپايەۆ داڭعىلى مەن جىبەك جولى كوشەسىنىڭ قيىلىسىنداعى، سونداي-اق پەرميتين مەن سلاۆسكيي كوشەلەرىندەگى جول ايىرىقتارىنىڭ قۇرىلىسى جالعاسۋدا.
نۇرىمبەت ساقتاعانوۆتىڭ ايتۋىنشا، ەلدى مەكەندەردەگى جولدار مەن كوشەلەردى ورتاشا جانە اعىمداعى جوندەۋگە 21،1 ملرد تەڭگە ءبولىنىپ، 593 كم جولدى جوندەۋگە 108 جوبا جۇزەگە استى.

وبلىستىق ماڭىزى بار جولدار بويىنشا 192 كم جولدى جوندەۋگە 15 جوبا ىسكە اسىرىلدى.
اۋداندىق جولدار مەن كوشەلەر بويىنشا 351 كم جولدى جوندەۋگە 93 جوبا جۇزەگە اسىرىلدى.
شقو اكىمىنىڭ ءبىرىنشى ورىنباسارىنىڭ ايتۋىنشا، وبلىستىڭ 11 اۋىلىنداعى بۇرىن اسفالت توسەلمەگەن كوشەلەرگە العاش رەت اسفالت توسەلدى. وڭىردە وبلىستىق ماڭىزى بار جولداردى جوندەۋ، قالپىنا كەلتىرۋ جانە سالۋ جۇمىستارى جالعاسۋدا. 2026 جىلعا دەيىن تاعى 50 اۋىلدا اسفالت توسەۋ جوسپارلانىپ وتىر.