Shyǵys Qazaqstan oblysynda 2024 jyly aimaqtyq «Joldar jyly» baǵdarlamasy qabyldandy. Oblystyq jáne aýdandyq mańyzy bar 600 km joldy jóndeýge arnalǵan biýdjet 31,5 mlrd teńgege deiin ulǵaityldy.
Respýblikalyq mańyzy bar Taldyqorǵan – Óskemen jolynyń (ShQO aýmaǵyndaǵy) 60 shaqyrymdyq ýchaskesin jańartý aiaqtaldy.
Qalbataý – Maiqapshaǵai avtomobil jolyn jańartý jumystary jalǵasýda, onyń 231 shaqyrymy ShQO aýmaǵynan ótedi. Búgingi tańda atalǵan joldyń 211 shaqyrymyna jańa asfalt tóselip, qozǵalys qamtamasyz etilgen, qalǵan ýchaskeler biyl aiaqtalady.
Óskemen – Altai – Rahman qainary jolyndaǵy 4 kópirdiń kúrdeli jóndeýi aiaqtaldy.
– Memleket basshysy Qasym-Jomart Toqaevtyń tapsyrmasyna sáikes, Buqtyrma sý qoimasy arqyly ótetin Ortalyq Aziiadaǵy eń iri kópirdiń qurylysy aiaqtaldy. Respýblikalyq joldardy ortasha jóndeý kólemi 392 shaqyrymdy qurady. 2024-2025 jyldarǵa ortasha jóndeýdiń 17 nysanyn júzege asyrý josparlanyp, olarǵa 37 mlrd teńge bólingen, – dedi Shyǵys Qazaqstan oblysy ákiminiń birinshi orynbasary Nurymbet Saqtaǵanov.
Josparlanǵan ýchaskelerdiń ishinde:
- Óskemen – Altai – Úlken Naryn – Katonqaraǵai – Rahman qainary baǵyty boiynsha 152 km;
- Óskemen – Ridder – Resei shekarasy baǵyty boiynsha 105 km;
- Omby – Maiqapshaǵai – Qaljyr – Marqakól baǵyty boiynsha 24 km;
- Óskemen – Semei baǵyty boiynsha 18 km;
- Óskemen – Shemonaiha – Resei shekarasy baǵyty boiynsha 93 km.
2024 jyly 97 km jol jóndeldi, tolyq aiaqtaý osy jylǵa josparlanǵan.
Ainalma joldar men kópirlerdiń qurylysy jáne jańartylýy belsendi júrýde. Óskemende Bazovaia kóshesin (1,8 km) jáne Jibek joly kóshesiniń Almaty trassasyna shyǵatyn bóligin (5,3 km) jańartý aiaqtaldy.
Sátpaev dańǵyly men Jibek joly kóshesiniń qiylysyndaǵy, sondai-aq Permitin men Slavskii kóshelerindegi jol aiyryqtarynyń qurylysy jalǵasýda.
Nurymbet Saqtaǵanovtyń aitýynsha, eldi mekenderdegi joldar men kóshelerdi ortasha jáne aǵymdaǵy jóndeýge 21,1 mlrd teńge bólinip, 593 km joldy jóndeýge 108 joba júzege asty.
Oblystyq mańyzy bar joldar boiynsha 192 km joldy jóndeýge 15 joba iske asyryldy.
Aýdandyq joldar men kósheler boiynsha 351 km joldy jóndeýge 93 joba júzege asyryldy.
ShQO ákiminiń birinshi orynbasarynyń aitýynsha, oblystyń 11 aýylyndaǵy buryn asfalt tóselmegen kóshelerge alǵash ret asfalt tóseldi. Óńirde oblystyq mańyzy bar joldardy jóndeý, qalpyna keltirý jáne salý jumystary jalǵasýda. 2026 jylǵa deiin taǵy 50 aýylda asfalt tóseý josparlanyp otyr.
