تۇتىنۋدىڭ جاڭا تەحنولوگيالارى قولدانىلاتىن زاماناۋي نىساننىڭ كاپسۋلاسىن سالعان ءوڭىر باسشىسى جانسەيىت تۇيمەبايەۆ وسىناۋ تاريحي ءساتتىڭ ماڭىزدىلىعىنا توقتالىپ، بولاشاق ورتالىقتىڭ جوسپارىمەن ءبولىستى. جيىنعا جەرگىلىكتى تۇركىستاندىق تۇرعىندار قاتىسىپ، اقساقالدار جاعى باتاسىن بەردى.
"اۋدانى 50 مىڭ شارشى مەتردى قامتيتىن عيمارات 4 قاباتتان تۇرادى. مۇندا زاماناۋي ءتيىمدى كەڭسەلەر، سۋ مەن ەنەرگيانى ءتيىمدى پايدالانۋ جۇيەسى قاراستىرىلعان. ياعني، ىسكەرلىك ورتالىق اۆتوماتتاندىرىلعان "اقىلدى عيمارات" قاعيداسىمەن جوبالانعان"
- دەدى وبلىس باسشىسى.
نىساننىڭ قۇرىلىسىن «BI group» جاۋاپكەرشىلىگى شەكتەۋلى سەرىكتەستىگى ءوز قاراجاتى ەسەبىنەن جۇرگىزۋدى ۇسىنىپ وتىر. العاشقى ىرگەتاسى 2019 جىلدىڭ قاڭتار ايىنان باستاپ قالاناتىن ورتالىقتىڭ جوسپار بويىنشا اياقتالۋى 2020 جىلدىڭ ناۋرىز ايىنا تۋرا كەلەدى دەپ كۇتىلۋدە.
ەستەرىڭىزدە بولسا، ق ر پرەزيدەنتىنىڭ قاتىسۋىمەن 2018 جىلعى 29 قىركۇيەكتەگى وتكەن كەڭەستە ەلباسى ن.نازاربايەۆ تۇركىستان قالاسىندا سالىناتىن ءبىرقاتار نىسانداردىڭ قۇرىلىسىن بيزنەس وكىلدەرىنىڭ ءوز قاراجاتى ەسەبىنەن جۇرگىزۋ جونىندە تاپسىرما بەرگەن بولاتىن.
ناتيجەسىندە، سول كەزدە وبلىستار مەن ۇلتتىق كومپانيالار، ءىرى قۇرىلىس ۇيىمدارى، بيزنەس وكىلدەرى جانە شەتەلدىك ينۆەستورلار تاراپىنان ءبىرقاتار قۇرىلىس نىساندارىن ىسكە اسىرۋعا ۇسىنىستار ەنگىزىلىپ، قولداۋ تاپقان-دى. سولاردىڭ ءبىرى بۇگىنگى قۇرىلىسى باستالعالى وتىرعان دەمەۋشىسى «BI group» ءجشس-ى بولىپ تابىلاتىن ىسكەرلىك ورتالىق عيماراتى بولعالى وتىر.
