Tutynýdyń jańa tehnologiialary qoldanylatyn zamanaýi nysannyń kapsýlasyn salǵan óńir basshysy Janseiit Túimebaev osynaý tarihi sáttiń mańyzdylyǵyna toqtalyp, bolashaq ortalyqtyń josparymen bólisti. Jiynǵa jergilikti túrkistandyq turǵyndar qatysyp, aqsaqaldar jaǵy batasyn berdi.
"Aýdany 50 myń sharshy metrdi qamtityn ǵimarat 4 qabattan turady. Munda zamanaýi tiimdi keńseler, sý men energiiany tiimdi paidalaný júiesi qarastyrylǵan. Iaǵni, iskerlik ortalyq avtomattandyrylǵan "aqyldy ǵimarat" qaǵidasymen jobalanǵan"
- dedi oblys basshysy.
Nysannyń qurylysyn «BI group» jaýapkershiligi shekteýli seriktestigi óz qarajaty esebinen júrgizýdi usynyp otyr. Alǵashqy irgetasy 2019 jyldyń qańtar aiynan bastap qalanatyn ortalyqtyń jospar boiynsha aiaqtalýy 2020 jyldyń naýryz aiyna týra keledi dep kútilýde.
Esterińizde bolsa, QR Prezidentiniń qatysýymen 2018 jylǵy 29 qyrkúiektegi ótken keńeste Elbasy N.Nazarbaev Túrkistan qalasynda salynatyn birqatar nysandardyń qurylysyn biznes ókilderiniń óz qarajaty esebinen júrgizý jóninde tapsyrma bergen bolatyn.
Nátijesinde, sol kezde oblystar men Ulttyq kompaniialar, iri qurylys uiymdary, biznes ókilderi jáne sheteldik investorlar tarapynan birqatar qurylys nysandaryn iske asyrýǵa usynystar engizilip, qoldaý tapqan-dy. Solardyń biri búgingi qurylysy bastalǵaly otyrǵan demeýshisi «BI group» JShS-i bolyp tabylatyn iskerlik ortalyq ǵimaraty bolǵaly otyr.
