Allur avtomobil kompaniiasynyń quramyna kiretin JAC Motors Qazaqstan JAC Drive | The New JAC JS6 is-sharasy aiasynda jańartylǵan JAC JS6 modelin tanystyrdy, dep habarlaidy dalanews.kz.
Is-shara barysynda brendtiń barlyq modeldik qatary boiynsha aýqymdy test-draiv uiymdastyryldy. Al basty oqiǵa jańartylǵan JAC JS6 krossoveriniń tusaýkeseri boldy. Qonaqtar Qazaqstanda alǵashqylardyń biri bolyp jańa modelmen tanysyp, prezentatsiiadan keiin JS6 kóligin arnaiy trassada synap kórip, onyń múmkindikterin qozǵalys ústinde baǵalaýǵa múmkindik aldy.
Jańartylǵan JAC JS6 174 at kúshine ie, kólemi 1,5 litrlik benzindi týrboqozǵaltqyshpen jabdyqtalǵan. Qozǵaltqyshtyń eń joǵary ainalý momenti – 280 N·m. Krossover aldyńǵy jetek júiesimen, keń salonymen jáne kólemi 1 080 litrge deiin jetetin júksalǵyshymen erekshelenedi. Modeldiń ólshemderi – 4 605 × 1 890 × 1 700 mm, al dońǵalaq bazasy 2 720 mm-ge teń.
Avtokóliktiń aldyńǵy bamperi radiator torymen biriktirilgen jańa dizainǵa ie boldy. Sonymen qatar kúndizgi júris shamdarynyń dizainy men artqy bamperi jańartylǵan.
Kólik qańqasynyń 70%-y joǵary berik bolattan jasalǵan. Artqy qatardaǵy jolaýshylarǵa arnalǵan oryndyqtardy jylytý fýnktsiiasy jáne USB Type-C porttary qarastyrylǵan.
Modelge Apple CarPlay jáne Android Auto júielerin symsyz qosýǵa múmkindik beretin jańa mýltimedia júiesi, sondai-aq smartfondy symsyz qýattaý fýnktsiiasy ornatylǵan. Eki aimaqty klimat-baqylaý júiesin basqarýǵa arnalǵan fizikalyq batyrmalar da bar.
Avtokólik jańa 7 satyly robottandyrylǵan berilis qorabymen jabdyqtalǵan.
Qazaqstanda jańartylǵan JAC JS6 eki jinaqtamada qoljetimdi:
Luxury — 9 590 000 teńge;
Intelligent — 9 990 000 teńge.
Avtokólik, onyń jinaqtamalary, satyp alý sharttary men qoljetimdiligi týraly ózekti aqparatty elimiz boiynsha jumys isteitin JAC resmi dilerlik ortalyqtarynan alýǵa bolady.
Is-shara aiasynda JAC kompaniiasy óz modeldik qatarynyń barlyq kóligin test-draivqa usyndy. Synaqtar úsh arnaiy alańda ótti: jolsyz jerge arnalǵan trassada (offroýd), karting alańynda jáne drift trassasynda.
Qatysýshylardyń erekshe qyzyǵýshylyǵyn jarys formaty týdyrdy. Qonaqtar kedergileri bar arnaiy daiyndalǵan trassany eń qysqa ýaqytta júrip ótýge tyrysty. Jarys qorytyndysy boiynsha úzdik nátije kórsetken úsh finalist anyqtalyp, olarǵa estelik syilyqtar tabystaldy.
JAC Drive formaty qonaqtarǵa jańa modelmen tanysyp qana qoimai, kólik júrgizýdiń tolyq tájiribesin alýǵa múmkindik berdi. Qatysýshylar avtokólikterdi ártúrli trassalarda synap, olardyń múmkindikterin ózderi baǵalai aldy.
