سەبيدٸڭ اتا-اناسىن قۇتتىقتاعان وبلىس باسشىسى بەيبٸت يساباەۆ:
– ايسۇلتان بالامىزدىڭ باۋى بەرٸك بولسىن. ايسۇلتان تەك سٸزدەردٸڭ عانا ەمەس, ەلٸمٸزدٸڭ مەرتەبەسٸن ٶسٸرەتٸن ازامات بولسىن. جاڭارىپ جاتقان قازاقستاننىڭ, ەلٸمٸزدٸڭ جاقسىلىعى مەن قۋانىشىنىڭ كۋەگەرٸ بولىپ, امان-ەسەن ەر جەتسٸن. سەبيدٸڭ ٶزٸنە دە, اتا-اناسى, سٸزدەرگە دە دەنساۋلىق تٸلەيمٸن. پرەزيدەنتتٸڭ ارنايى قۇتتىقتاپ جولداعان سىيلىعىن تاپسىرۋعا رۇقسات ەتٸڭٸزدەر, – دەپ وتباسىنا بالانىڭ ەرەكشە ٷلگٸدەگٸ تۋۋ تۋرالى كۋەلٸگٸن, پرەزيدەنت جولداعان سىي-سيياپات – بالاعا قاجەتتٸ بۇيىمدار, سول سيياقتى اربا سىيعا تارتتى.
سونىمەن قاتار «وتباسى بانك» اق جەتٸسۋ وبلىسى فيليالىنىڭ ديرەكتورى جاسۇلان قۇرمانعاليەۆ ەزٸمباەۆتارعا 2 ملن تەڭگەنٸڭ سەرتيفيكاتىن ۇسىندى. ج. قۇرمانعاليەۆتٸڭ ايتۋىنشا, بۇل سوما بالانىڭ بولاشاقتاعى يگٸلٸگٸ ٷشٸن بانكتٸڭ دەپوزيتٸنە سالىنىپ, ونى كەيٸن ايسۇلتاننىڭ وقۋىنا نەمەسە باسپانا الۋعا پايدالانا الادى.
اتاپ ٶتسەك, ايسۇلتان سەبدەنباي 14 قاراشادا تاڭعى 8-دەر شاماسىندا دٷنيەگە كەلدٸ. اناسى ديانا ەزٸمباەۆا, ەكەسٸ مۇحتار ەزٸمباەۆ. بۇعان دەيٸن 1 قىز, 2 ۇل ٶسٸرگەن ەرلٸ-زايىپتىلار ەندٸ كٶپ بالالى وتباسى بولىپ وتىر. وسى قۋانىشتى كٷندە جۋرناليستەرمەن تٸلدەسكەن م. ەزٸمباەۆ:
– مەن تالدىقورعان قالاسىنداعى № 21751 ەسكەري بٶلٸمٸندە جاقىن ايماقتاعى ۇشۋ باسشىسى بولىپ قىزمەت ەتەمٸن. ٶزٸم شىمكەنت ٶڭٸرٸنەنمٸن, وسى ەسكەري جۇمىسىما بايلانىستى جەتٸسۋ جەرٸنە تۇراقتادىم. تالدىقورعان ەسكەري بٶلٸمٸندە قىزمەت ەتٸپ كەلە جاتقانىما ون جىلدان استى. وسى ٶڭٸردە شاڭىراق كٶتەردٸم, بالالارىم وسىندا ٶمٸرگە كەلدٸ. بٷگٸن, مٸنە, كٶپ بالالى بولىپ جاتىرمىن. سوندىقتان جەتٸسۋ جەرٸ ماعان ەردايىم ىستىق, – دەدٸ.
ەسكە سالساق, حالىقتىڭ دەرەكتەر بازاسىنىڭ كٶرسەتكٸشتەرٸنە سەيكەس, 2023 جىلعى 14 قاراشادا تاڭعى ساعات 8.10-دا تۋعان 5 بالا ەلٸمٸزدٸڭ 20 ميلليونىنشى تۇرعىنى اتاندى. قازاقستاننىڭ مەرەيلٸ ازاماتتارى - 3 ۇل جەنە 2 قىز ۇلىتاۋ, جەتٸسۋ, اتىراۋ, اقمولا جەنە تٷركٸستان وبلىستارىندا دٷنيە ەسٸگٸن اشتى.
جالپى جەتٸسۋ وبلىسىندا ٶتكەن 10 ايدا 10 527 بالا ٶمٸرگە كەلدٸ.
