جالىنعا ورانعان پەتەردەن بالالاردى امان الىپ شىقتى
سونداي ٸرٸ جٷرەكتٸ ازاماتتاردىڭ بٸرٸ – جەتٸسۋ وبلىسى تٶتەنشە جاعدايلار دەپارتامەنتٸنٸڭ قىزمەتكەرٸ, سەرجانت نۇرسۇلتان بايمۇحامبەتوۆ. ول 2019 جىلدان باستاپ ٶرت سٶندٸرۋشٸ بولىپ جۇمىس ٸستەيدٸ. ونى ٶز مٸندەتٸن ابىرويمەن اتقارىپ, ٷلكەن جاۋاپكەرشٸلٸكپەن قارايتىن ٷزدٸك مامانداردىڭ بٸرٸ دەپ اتاۋعا دا ەبدەن بولادى.
«2020 جىلدىڭ 14 ماۋسىمىندا ساعات 23:50-دە بٸزدٸڭ بٶلٸمشەگە «بولاشاق» شاعىن اۋدانىنداعى پەتەردە ٶرت شىعىپ جاتقانى تۋرالى حابارلاما تٷستٸ. نۇرسۇلتان بايمۇحامبەتوۆ بٸردەن بٸرٸنشٸ جاساقپەن 5-قاباتتاعى پەتەر ٶرتەنٸپ جاتقان اۋماققا باردى. وسى كەزدە ٶرت سٶندٸرۋشٸلەر بٸردەن ناقتى ەرٸ ۋاقىتىلى تاپسىرمانى ورىنداۋعا كٸرٸسٸپ, قىزىل جالىننان ەكٸ ادامدى قۇتقارىپ, جەدەل جەردەم قىزمەتكەرلەرٸنٸڭ قولىنا تاپسىردى.
2021 جىلدىڭ 14 قاڭتارىندا بٸزگە «مٷشەلتوي» شاعىن اۋدانىنداعى تۇرعىن ٷيدٸڭ 4-قاباتىنداعى پەتەردە ٶرت شىققانى تۋرالى قوڭىراۋ تٷستٸ. ول كەزدە دە نۇرسۇلتان بايمۇحامبەتوۆ وقيعا ورنىنا العاشقىلاردىڭ بٸرٸ بولىپ جەتٸپ, دەرەۋ قۇتقارۋ جەنە ٶرت سٶندٸرۋ جۇمىستارىنا كٸرٸسٸپ كەتتٸ.
بۇل كەزدە پەتەردە كەمەلەتكە تولماعان بالالار بولعان. بايمۇحامبەتوۆ مۇنى بٸلگەن بويدا تەۋەكەلگە بەل بۋىپ, پەتەرگە بٸرٸنشٸ بولىپ كٸرەدٸ. ونىڭ باتىل ەرەكەتٸنٸڭ ارقاسىندا بالالار دٸن امان قالىپ, ولارعا مەديتسينالىق كٶمەك كٶرسەتٸلدٸ», - دەيدٸ ٶرت سٶندٸرۋ بٶلٸمٸنٸڭ باستىعى شوقان نۇرتازين.
2021 جىلى قازاقستان رەسپۋبليكاسى تٶتەنشە جاعدايلار مينيسترلٸگٸنٸڭ بۇيرىعىمەن بەلسەندٸ قىزمەتٸ جەنە اۆارييالىق-قۇتقارۋ جۇمىستارىنا بەلسەنە قاتىسقانى ٷشٸن نۇرسۇلتان بايمۇحامبەتوۆ «تٶتەنشە جاعدايداعى ەرلٸگٸ ٷشٸن» مەدالٸمەن ماراپاتتالدى. ال 2022 جىلى جەتٸسۋ وبلىسى ەكٸمٸنٸڭ «كٶشباسشى – 2022» جاستار سىيلىعىنىڭ «ٷزدٸك جاس قاھارمان» اتالىمىنىڭ لاۋرەاتى اتاندى.
مۇنداي قىزمەت قانشالىقتى قاۋٸپتٸ بولسا, قوعام ٷشٸن سوعۇرلىم پايدالى جەنە قۇندى. ٶمٸرٸنە قاۋٸپ تٶنٸپ, ٶزگەنٸڭ ٶمٸرٸن ساقتاپ قالعاندار قىزىل جالىن قۇتىرعان سايىن ەرلٸك جاسايدى.
جاسىنان ٶرت سٶندٸرۋشٸ بولۋدى ارمانداعان
قاراعاندى وبلىسى تٶتەنشە جاعدايلار دەپارتامەنتٸ ٶرت سٶندٸرۋ جەنە اۆارييالىق-قۇتقارۋ جۇمىستارى قىزمەتٸنٸڭ ٶرت سٶندٸرۋشٸ-قۇتقارۋشىسى ازاماتتىق قورعاۋ كٸشٸ سەرجانتى ەرلان ارىنوۆ تا كٷن سايىن ٶز ٶمٸرٸنە تٶنگەن قاۋٸپپەن بەتپە-بەت كەلەدٸ. كٶپتەگەن ٸرٸ جالىنداردى اۋىزدىقتاۋ كەزٸندە الدىڭعى شەپتە جٷرٸپ, ٶزٸنٸڭ باتىلدىعىن بٸرنەشە رەت دەلەلدەگەن.
«جۇمىس بارىسىندا 2021 جىلى مونشا كەشەنٸندە بولعان ٷلكەن ٶرت وقيعاسى ەسٸمنەن كەتپەيدٸ. ٶرت ورنىنا بٸرٸنشٸ بولىپ بٸر جاساق جەتتٸ. ٶرتەنٸپ جاتقان عيماراتتا ادامدار بار ەكەنٸن بٸلٸپ, گاز-تٷتٸننەن قورعاۋ قىزمەتٸنٸڭ قۇرامىندا بەس ادامدى ەۆاكۋاتسييالاپ ٷلگەردٸك. باسقا ٶرت سٶندٸرۋ بٶلٸمشەلەرٸ كەلە سالىپ, ٶرتتٸ سٶندٸرۋگە كٸرٸستٸ. مەن بۇل ماماندىقتى تاڭداعانىما ٶكٸنبەيمٸن, ٶيتكەنٸ مەن ادامدارعا كٶمەكتەسكەندٸ جەنە مەملەكەتٸمە پايدامنىڭ تيگەنٸن جاقسى كٶرەمٸن. ٶرت سٶندٸرۋ قىزمەتٸنٸڭ ماماندارى ٷشٸن ەربٸر قۇتقارىلعان ادام ٷلكەن قۋانىش ەكەلەدٸ», - دەيدٸ ەرلان ارىنوۆ.
ەرلان بۇل سالادا تٶرت جىلدان بەرٸ ەڭبەك ەتٸپ كەلەدٸ. قىزمەت ەتۋ مەرزٸمٸ قىسقا بولسا دا, بٷگٸندە جاۋاپتى دا ەرجٷرەك مامانداردىڭ بٸرٸ. ول باتىلدىعىمەن جەنە قايسارلىعىمەن ەرەكشەلەنەدٸ.
– بٸزدە ٶتە تاتۋ ۇجىم بار جەنە جٸگٸتتەر بٸر-بٸرٸنە قىزمەتتە عانا ەمەس, ودان تىس ۋاقىتتا دا كٶمەكتەسۋگە ەزٸر. مەن مۇنى ماقتانىش تۇتاتىمن. جالپى جۇمىسقا كەلسەك, قىزمەت كٶرسەتۋ بٸزدٸڭ تٸكەلەي جۇمىسىمىز, ەركٸم ٶز ورنىندا بولۋى تيٸس. بٸز ەرقاشان ساقاداي سايمىز جەنە كەز كەلگەن ۋاقىتتا ەشبٸر ەسٸرەلەۋسٸز كٶمەك كٶرسەتۋگە دايىنبىز, – دەپ اتاپ ٶتتٸ ول.
ەرلاننىڭ جۇمىسقا دەگەن ىنتاسىن وياتاتىنى – تاباندىلىق تانىتىپ, قيىنشىلىققا تاپ بولعان ادامدارعا كٶمەكتەسۋ مٷمكٸندٸگٸ. ٶرت سٶندٸرۋشٸ بولۋ وڭاي جۇمىس ەمەس ەكەنٸن جاقسى بٸلەدٸ. تٶزٸم مەن سابىرعا ەرٸك بەرۋ قاجەت, كەسٸبي جەنە دەنە دايىندىعى جوعارى بولۋى تيٸس. مۇنداي ٷدەدەن بارلىعى بٸردەي شىعا بەرمەيدٸ. ەرلان ٶمٸر بويى سپورتپەن اينالىسقان, سوندىقتان ول ٶرت سٶندٸرۋشٸ بولاتىنىنا سەنٸمدٸ بولدى, ٶيتكەنٸ سپورتشىعا دا وسىنداي تالاپتار قويىلادى.
«مەن كەسٸبي تٷردە دامىعىم كەلەدٸ. قازٸر مەن كٶپ جۇمىس ٸستەپ, بٸر ورىندا تۇرىپ قالماۋعا تىرىسامىن جەنە جاسٶسپٸرٸم كەزٸمدە ٶمٸرٸمدٸ بايلانىستىرۋدى ۇيعارعان ماماندىعىم بويىنشا ٷنەمٸ ٸزدەنٸس ٷستٸندەمٸن», - دەيدٸ ٶرت سٶندٸرۋشٸ-قۇتقارۋشى.
قۇتقارۋشى بولىپ جٷرگەنٸنە جيىرما جىلعا جۋىقتادى
تاعى بٸر كەيٸپكەرٸمٸز – سايات رۋستامبەكوۆ ازاماتتىق قورعاۋ ورگاندارىندا 2004 جىلدىڭ تامىز ايىنان بەرٸ قىزمەت ەتٸپ كەلەدٸ. بٷگٸندە جامبىل وبلىسى تٶتەنشە جاعدايلار دەپارتامەنتٸ ٶرت سٶندٸرۋ جەنە اۆارييالىق-قۇتقارۋ جۇمىستارى قىزمەتٸ جەدەل-قۇتقارۋ جاساعى سٷڭگۋٸر-قۇتقارۋ بٶلٸمٸنٸڭ باس قۇتقارۋشىسى.
سايات رۋستامبەكوۆ قىزمەتكە كٸرٸسكەن العاشقى كٷننەن-اق ۇجىم ٶمٸرٸنە بەلسەنە ارالاسىپ, كەسٸبي شەبەرلٸگٸن كٷندە شىڭداپ كەلەدٸ. 20 جىل بويى ەڭبەك ەتٸپ, تالاي ادامنىڭ ٶمٸرٸن ساقتاپ قالدى, كٶپتەگەن سۋ استىنداعى ٸزدەستٸرۋ-قۇتقارۋ جۇمىستارىنا قاتىستى.
«سٷڭگۋٸر ەر سەكۋند سايىن ٶمٸرٸن قاتەرگە تٸگٸپ, قيىن جاعدايدا جۇمىس ٸستەيدٸ. باستاپقىدا سٷڭگۋٸر مۇز استىنا تٷسكەندە, مۇنى ٶزٸنٸڭ ٶمٸرٸ ەكەنٸن تٷسٸنەدٸ. قانداي دا بٸر الاڭداۋشىلىق سەزٸمٸنٸڭ بولاتىنىن دا جاسىرا المايمىن. تابيعي ەمەس جاعدايداعى تىنىس الۋ ەرٸ سول جابدىققا دەگەن سەنٸمسٸزدٸك بەرٸبٸر ويدى سان-ساققا جٷگٸرتەدٸ. ال مۇنداي سەزٸمدٸ جەڭۋ ٷشٸن تەمٸردەي ۇستامدىلىق قاجەت, ەرينە, ٶز ٸسٸڭٸزگە دەگەن ٷلكەن سٷيٸسپەنشٸلٸكتٸڭ دە بولۋى اسا ماڭىزدى. ەيتپەسە, سٷڭگۋٸر بولىپ ۇزاق ۋاقىت ەڭبەك ەتە المايسىز. ال مەنٸڭ وسى سالادا جٷرگەنٸمە جيىرما جىلعا جۋىقتاپ قالدى», - دەدٸ ول.
سايات كٶپتەگەن ادامداردىڭ ٶمٸرٸن ساقتاپ قالعان. مەسەلەن, ٶتكەن جىلدىڭ 31 مامىرىندا قۇتقارۋشىلار تالاس ٶزەنٸنە 10 جاسار بالانىڭ باتىپ بارا جاتقانىن بايقاپ قالادى. قاتتى اعىسقا قاراماستان سايات رۋستامبەكوۆ پەن ەرٸپتەسٸ ەش ويلانباستان, بٸر مينۋتتى بوسقا ٶتكٸزبەي, سۋعا قويىپ كەتتٸ. ەزەر دەگەندە, ولار بالانى امان الىپ قالدى. قۇتقارۋشىلار الدىن الۋ جۇمىستارىن جٷرگٸزبەگەندە, ونىڭ تاعدىرى نە بولارىن ەلەستەتۋ تٸپتٸ قيىن ەدٸ.
تاڭداعان ماماندىعىنا ساي بولۋ ٷشٸن, ٶزٸنٸڭ ەزٸرلٸك قالپىن ساقتاپ قالۋ ٷشٸن قۇتقارۋشىلار كٶپ جاتتىعادى. بٶلٸمشەلەردە ٶرت سٶندٸرۋ كەزٸندە تۋىنداۋى مٷمكٸن جاعدايلاردى پىسىقتاۋعا ارنالعان بٶلمەلەر جابدىقتالعان. سونداي-اق, بۇل ماماندىقتاعى ازاماتتار كٶپ جىلعى تەجٸريبەسٸنە, بٸلٸكتٸلٸگٸنە قاراماستان, ولار ٶز جۇمىستارىندا كٶپ ۋاقىت ٶتكٸزەدٸ, ٶرت سٶندٸرۋدٸڭ قىر-سىرىمەن تانىسادى, ناقتى مىسالدار مەن وقيعالاردى پايدالانا وتىرىپ, ٶرت ەلەمەنتٸمەن كٷرەسۋدەگٸ كٷردەلٸ جاعدايلاردى تالدايدى, تالقىلايدى.
بٸز ەلٸمٸزدە وسىنداي باتىرلار كٶپ بولعانىن قالايمىز, ەڭ باستىسى, وسىنداي كەسٸپقويلار قىزمەتكە كەلگەندە بالالارىمىز بەن جاقىندارىمىزدىڭ قاۋٸپسٸزدٸگٸنە الاڭدامايمىز.
اسحات قويشىعاراۇلى
