اكىمنىڭ ايتۋىنشا «قوجاگەلدى» ەمدەۋ-ساۋىقتىرۋ كەشەنى ەكى قاباتتان تۇرادى. ساۋىقتىرۋ كەشەنى ءبىر مەزىگىلدە 250 ءتۋريستى قابىلدايتىن مۇمكىندىككە يە. سونىمەن قاتار كەشەن جانىنان 22 ورىندى كوتەدج، 220 ادامعا ارنالعان اسحانا دا سالىنادى.
كەشەن ىسكە قوسىلعان ساتتە دەمالۋشىلار پانتوۆاننا، شيپالى بالشىق جانە قىمىز ارقىلى ەم قابىلداۋ مۇمكىندىگىنە يە بولادى. سونىمەن قاتار ساۋىقتىرۋ كەشەنىندە فيتوبوشكەلەر مەن ماسساج جاسايتىن كابينەتتەر دە دەمالۋشىلارعا قىزمەت كورسەتەتىن بولادى.
– كەشەن ءبىر كۇندە 200 ادامدى قابىلداپ، ءبىر مەزگىلدە 300-گە جۋىق ادامدى تاماقتاندىرادى. بۇل جوبا اياسىندا جاڭدان 80 تۇراقتى جۇمىس ورىنى اشىلماقشى. سەمەيدەن بار بولعانى 7-8 شاقىرىم قاشىقتىقتا بوي كوتەرەتىن نىسانعا كەلۋشىلەردىڭ قاراسى كوپ بولادى دەپ ۇمىتتەنۋدەمىز، – دەدى اۋدان اكىمى.
جۋرناليستەرمەن جۇزدەسۋدە بەسقاراعاي اۋدانىنىڭ اكىمى الداعى ۋاقىتتا شوشقاكول اۋماعىندا جاعاجاي ءتۋريزمىن دامىتۋ ءىسىن دە قولعا الىپ جاتقاندارىن العا تارتتى.
