Besqaraǵai aýdanynda jańa saýyqtyrý kesheni boi kóteredi
Ákimniń aitýynsha «Qojageldi» emdeý-saýyqtyrý kesheni eki qabattan turady. Saýyqtyrý kesheni bir mezigilde 250 týristi qabyldaityn múmkindikke ie. Sonymen qatar keshen janynan 22 oryndy kotedj, 220 adamǵa arnalǵan ashana da salynady.
Keshen iske qosylǵan sátte demalýshylar pantovanna, shipaly balshyq jáne qymyz arqyly em qabyldaý múmkindigine ie bolady. Sonymen qatar saýyqtyrý kesheninde fitobóshkeler men massaj jasaityn kabinetter de demalýshylarǵa qyzmet kórsetetin bolady.
– Keshen bir kúnde 200 adamdy qabyldap, bir mezgilde 300-ge jýyq adamdy tamaqtandyrady. Bul joba aiasynda jańdan 80 turaqty jumys oryny ashylmaqshy. Semeiden bar bolǵany 7-8 shaqyrym qashyqtyqta boi kóteretin nysanǵa kelýshilerdiń qarasy kóp bolady dep úmittenýdemiz, – dedi aýdan ákimi.
Jýrnalistermen júzdesýde Besqaraǵai aýdanynyń ákimi aldaǵy ýaqytta Shoshqakól aýmaǵynda jaǵajai týrizmin damytý isin de qolǵa alyp jatqandaryn alǵa tartty.
