اباي وبلىسىنىڭ ەكٸمٸ بەرٸك ۋەلي ورىنباسارى د.گاريكوۆ, تٶتەنشە جاعداي دەپارتامەنتٸ باسشىسىنىڭ ورىنباسارى ا.شتىكەلمەن بٸرگە بورودۋليحا, جاڭا سەمەي اۋداندارى مەن سەمەي قالاسىنىڭ سۋ باسۋ قاۋپٸ بار اۋماقتارىن ەۋەدەن تەكسەردٸ,- دەپ حابارلايدى Dalanews.kz
تٸكۇشاقپەن بارلاۋ بارىسىندا شٷلبٸ سۋ ەلەكتر ستانتسيياسىنداعى گيدرولوگييالىق جاعدايعا, كٶكتەمدە ەرتٸس پەن ۋبا ٶزەندەرٸندەگٸ سۋ دەڭگەيٸ كٶتەرٸلەتٸن قاۋٸپتٸ ورىندارعا دەن قويىلدى. مۇز جارۋ جۇمىسى جٷرگٸزٸلگەن ەلدٸ مەكەندەر دە نازاردان تىس قالمادى.
ايماق باسشىسى بورودۋليحا اۋدانىنداعى كراسنىي يار, پەرەمەنوۆكا اۋىلدارى مەن جەزكەنت كەنتٸ اۋماعىنداعى قار دەڭگەيٸن ەۋەدەن باقىلادى. اتالعان ەلدٸ مەكەندەر ماڭىندا جىل سايىن مۇز جارۋ جۇمىسى جٷرگٸزٸلەدٸ. ٶيتكەنٸ, گيدروقۇرىلىمدار جاقىن ورنالاسقان.
"بٷگٸن ٶزەندەردە مۇز جارۋ جۇمىسىن جٷرگٸزۋگە دايىندىق بارىسى دا تەكسەرٸلدٸ. وبلىستىڭ باسقا دا اۋداندارىنداعى تاسقىن قاۋپٸ بار ەلدٸ مەكەندەردٸ تۇراقتى باقىلاۋدا ۇستاپ وتىرمىز. كٷندەلٸكتٸ مونيتورينگ جٷرگٸزەمٸز. ايماق باسشىسىنا ٶڭٸردەگٸ احۋالدى تولىق باياندادىم", - دەدٸ اباي وبلىسى ەكٸمٸنٸڭ ورىنباسارى ديميتريي گاريكوۆ.
ەرتٸس ٶزەنٸ مەن ەلدٸ مەكەندەردٸ تٸكۇشاقپەن بارلاۋ بارىسىندا قاردىڭ قالىڭدىعى بايقالعانىمەن قاردىڭ ەرۋٸ انىقتالمادى. ەرتٸس پەن ۋبا ٶزەندەرٸندە مۇز سٷڭگٸلەرٸ جوق. الايدا ەرتٸس ٶزەنٸنٸڭ سەمەي قالاسى حولودنىي كليۋچ ەلدٸ مەكەنٸ اۋماعىندا مۇز كەسەگٸنٸڭ جينالۋى بايقالادى.
ەكٸ اۋدان مەن وبلىس ورتالىعىنداعى گيدرولوگييالىق جاعدايدى باعامداعان وبلىس ەكٸمٸ ٶزەندەردەگٸ سۋ دەڭگەيٸن, ٶڭٸردەگٸ بارلىق سۋ بٶگەندەرٸن, سۋ ٶتكٸزۋ قۇرىلعىلارىن جٸتٸ باقىلاۋدا ۇستاۋدى تاپسىردى.
"الداعى ۋاقىتتا بەسقاراعاي اۋدانىنىڭ جەتٸجار, كريۆينكا اۋىلدارى مەن سەمەي قالاسى اۋماعىنداعى ەرتٸس ٶزەنٸندە مۇز جارۋ جۇمىسى جٷرگٸزٸلەدٸ. بۇل جۇمىستى جالعاستىرۋ قاجەت. جاقىن ارادا بەسقاراعاي, ٷرجار, ماقانشى, اقسۋات اۋداندارىنا بارىپ, سۋ تاسقىنىنا دايىندىق بارىسىن كٶرەمٸن. قازٸرگٸ تاڭدا ٶڭٸردەگٸ احۋال تۇراقتى", - دەدٸ وبلىس ەكٸمٸ.
