قازاقستاننىڭ حالىق جازۋشىسى, بەلگٸلٸ دراماتۋرگ جەنە تالانتتى سازگەر يسرايل ساپارباي 85 جاسقا قاراعان شاعىندا ٶمٸردەن وزدى, دەپ حابارلايدى Dalanews.kz.
قارالى حاباردى جازۋشىلار وداعى تٶراعاسىنىڭ ورىنباسارى قاسىمحان بەگمانوۆ Facebook پاراقشاسىندا حابارلادى.
"بٷگٸن تاڭسەرٸدە سۋىق حابار جەتتٸ. تاڭعى تٶرتتٸڭ شاماسىندا يسرايل ساپارباي اعامىز قاسكەلەڭدەگٸ قارا شاڭىراعىندا, وتباسى مەن بالا-شاعاسىنىڭ كٶز الدىندا اۋىر ناۋقاستان قايتىس بولدى. بۇل جايىندا ماعان ۇلى نۇرلان يسرايلۇلى حابارلادى", – دەپ جازدى بەگمانوۆ.
تەۋەلسٸز «پلاتينالى تارلان» سىيلىعىنىڭ لاۋرەاتى, قازاق پوەزيياسىنىڭ كٶرنەكتٸ ٶكٸلٸ يسرايل ساپاربايدىڭ ارتىندا سىرشىل ٶلەڭدەرٸ, جٷرەككە جول تاپقان سازدى ەندەرٸ مەن تەاتر ساحناسىندا ٶز ورنىن تاپقان پەسالارى قالدى. ول قازاق ەدەبيەتٸندە ٶزٸندٸك قولتاڭباسىن قالدىرعان, ەسٸمٸ ەل جادىندا ساقتالاتىن تۇلعا.
