ءماجىلىس دەپۋتاتتارى ق ر پرەمەر-مينيسترى لاۋازىمىنا ولجاس بەكتەنوۆتىڭ كانديداتۋراسىن قولدادى، - دەپ حابارلايدى Dalanews.kz.
تالقىلاۋ بارىسىندا ماجىلىستەگى فراكسيا ءتوراعالارى AMANAT پارتياسى ۇسىنعان كانديداتۋراعا داۋىس بەردى.
كەشە توقايەۆ ۇكىمەتتى وتستاۆكاعا جىبەرگەن ەدى. ال بۇگىن AMANAT پارتياسى پرەمەر-مينيسترلىككە كانديدات ۇسىندى.
بۇعان دەيىن مەملەكەت باسشىسى قاسىم-جومارت توقايەۆ قازاقستان رەسپۋبليكاسى پارلامەنتى ماجىلىسىندەگى ساياسي پارتيالار فراكسيالارىنىڭ جەتەكشىلەرىمەن كەزدەسۋىندە كونستيتۋسيانىڭ 44-بابىنا سايكەس پرەمەر-مينيستر لاۋازىمىنا ۇسىنىلعان ولجاس بەكتەنوۆتىڭ كانديداتۋراسى جونىندە فراكسيا باسشىلارىمەن كەڭەسۋگە ءتيىس ەكەنىن ايتتى.
تالقىلاۋعا "Amanat" پارتياسى فراكسياسىنىڭ جەتەكشىسى ەلنۇر بەيسەنبايەۆ، قازاقستان حالىق پارتياسى فراكسياسىنىڭ جەتەكشىسى ماگەررام ماگەرراموۆ، "اق جول" پارتياسى فراكسياسىنىڭ جەتەكشىسى ازات پەرۋاشيەۆ، جالپىۇلتتىق سوسيال-دەموكراتيالىق پارتياسى فراكسياسىنىڭ جەتەكشىسى اسحات راقىمجانوۆ، "اۋىل" پارتياسى فراكسياسىنىڭ جەتەكشىسى سەرىك ەگىزبايەۆ، "Respublica" پارتياسى فراكسياسىنىڭ جەتەكشىسى ايداربەك حودجانازاروۆ قاتىستى.
