Májilis depýtattary QR premer-mınıstri laýazymyna Oljas Bektenovtiń kandıdatýrasyn qoldady, - dep habarlaıdy Dalanews.kz.
Talqylaý barysynda Májilistegi fraksıa tóraǵalary AMANAT partıasy usynǵan kandıdatýraǵa daýys berdi.
Keshe Toqaev Úkimetti otstavkaǵa jibergen edi. Al búgin AMANAT partıasy premer-mınıstrlikke kandıdat usyndy.
Buǵan deıin Memleket basshysy Qasym-Jomart Toqaev Qazaqstan Respýblıkasy Parlamenti Májilisindegi saıası partıalar fraksıalarynyń jetekshilerimen kezdesýinde Konstıtýsıanyń 44-babyna sáıkes premer-mınıstr laýazymyna usynylǵan Oljas Bektenovtiń kandıdatýrasy jóninde fraksıa basshylarymen keńesýge tıis ekenin aıtty.
Talqylaýǵa "Amanat" partıasy fraksıasynyń jetekshisi Elnur Beısenbaev, Qazaqstan Halyq partıasy fraksıasynyń jetekshisi Magerram Magerramov, "Aq jol" partıasy fraksıasynyń jetekshisi Azat Perýashev, Jalpyulttyq sosıal-demokratıalyq partıasy fraksıasynyń jetekshisi Ashat Raqymjanov, "Aýyl" partıasy fraksıasynyń jetekshisi Serik Egizbaev, "Respublica" partıasy fraksıasynyń jetekshisi Aıdarbek Hodjanazarov qatysty.
