«بەەزا, امونا, بەەزا, يمونا بات...»
مەنسٸز, ماعىناسىز ەن ايتاتىن سايلاۋبەكتٸڭ بالدىر-باتپاعىن تىڭداعاندا ونى سٶز قىلىپ جٷرگەن ادامدارعا قاتتى تاڭقالعان ەدٸم. ٸشكٸلٸككە سالىنىپ, بٸر باسىن الىپ جٷرە الماعان سايلاۋبەك جايىندا نە ايتۋعا بولادى? بٸراق ويلانا كەلە, سايلاۋبەككە «راحمەت ايتۋ كەرەك» دەگەن توقتامعا كەلدٸم. ٶيتكەنٸ, ول بٸزدٸڭ قوعامنىڭ قانشالىقتى رۋحاني دەگراداتسيياعا تٷسكەنٸن قولمەن قويعانداي كٶرسەتٸپ بەردٸ. قازٸر دوللاردىڭ كٷن سايىن ٶسٸپ بارا جاتقانى كٶپشٸلٸگٸمٸزدٸ (ەسٸرەسە جاستاردى) ويلاندىرمايدى. ونىڭ ەسەسٸنە سايلاۋبەكتٸڭ تٷسٸنٸكسٸز ەربٸر ەنسىماعىن اسىعا كٷتەمٸز. تٷسٸنٸكسٸز تٸلدە ايتىلعان ەسسٸز ەندٸ جاستار ۇيالى تەلەفوندارىنا جٷكتەپ الىپ, مەز-مەيرام بولىپ تىڭدايمىز. بولماشى ەنگە ەلتٸپ, ەسالاڭ ادامشا بيلەگەن جاستاردان نە كٷتۋگە بولادى. ەشتەڭە.
ەندٸ ەلگٸ ەلەۋمەتتٸك جەلٸدە قولدان-قولعا تارالىپ كەتكەن پوست سۋرەتكە كەلسەك. فوتودا سايلاۋبەكتٸ ۇلت ٷشٸن وتقا تٷسكەن ماحامبەت, مٸرجاقىپ دۋلاتوۆتارمەن قاتار قويعانى شىمبايىمىزعا شوق تٷسٸرگەندەي بولدى. ەل مٷددەسٸ ٷشٸن جانىن پيدا ەتكەن ازاماتتارمەن سايلاۋبەكتٸ قاتار قويۋ بۇل ۇلتقا قارسى جاسالعان قىلمىس, ٷلكەن قييانات دەپ قابىلداعان جٶن شىعار. بٸراق بٸزدەر بۇل پوست-سۋرەتتٸ جەردەن جەتٸ قويان تاپقانداي قولدان-قولعا تارتىپ مەز بولدىق.
مەنٸڭشە, بۇل پوست-سۋرەتتٸ پيعىلى جامان توپتار ەدەيٸ ۇيىمداستىرىپ, بۇعان قازاقتاردىڭ قانداي رەاكتسييا بەرەتٸنٸن بٸلۋ ٷشٸن ەلەۋمەتتٸك جەلٸگە ەدەيٸ تاراتىپ جٸبەرۋٸ مٷمكٸن. ەيتپەسە ەسٸ دۇرىس ادام سايلاۋبەكتٸ ۇلتشىل-پاتريوت ازاماتتارمەن قاتار قويىپ, قازٸرگٸ قوعامنىڭ تامىر سوعىسىن بايقاپ كٶرۋگە ەرەكەتتەنبەسٸ انىق. پوست-سۋرەتتٸ كٸم جاساسا دا قازاق قوعامىنا قاتىستى بٸراز جايتتىڭ بەتٸن اشىپ تاستادى. بٷگٸندە ساۋىقشىل, ەنقۇمار, مەملەكەتپەن ٸسٸ جوق جاستار ويىن بٸلٸپ, تالاي ادام شوشىپ وتىرعانى انىق.
قازاق جاستارىنىڭ (ورىستٸلدٸ جاستار سايلاۋبەككە مەن بەرمەيدٸ) وسىنداي ويسىز, جٸگەرسٸز, ىنجىق, ساۋىقشىل دەڭگەيگە تٷسۋٸنە وتاندىق تەلەارنالار كٶپ «ەڭبەك» سٸڭٸرگەنٸن مويىنداۋىمىز كەرەك. رەيتينگ قۋعان تەلەارنالار شەتەلدٸڭ سەريالدارى مەن ساۋىقتىق باعدارلامالاردى كٶرسەتۋدٸ كٷن سايىن ٷدەتۋدە. تۇششىنىپ كٶرەتٸن بٸر تەلەارنا قالعان جوق. ساپتاياقتىڭ باسىنا قاراۋىل قويعان كەڭەس زامانىندا قازاق تەلەۆيزيياسى بۇلايشا قۇلدىراماعان ەدٸ. قازٸر كەڭەس زامانىنداعىداي تسەنزۋرا جوق. بٸراق تەلەارنالار قوعامدىق-ساياسي تاقىرىپتاردى اينالىپ ٶتۋدە. نەلٸكتەن? ٶيتكەنٸ تەلەارنالاردا جٸبٸ تٷزۋ جۋرناليستەردٸڭ بەرٸ كەتٸپ قالعان. قازٸرگٸ زاماننىڭ بەينەسٸن ەنشٸ-ەرتٸستەر قالىپتاستىرىپ جاتىر. الداعى بٸر جىلدا قازاق تەلەارناسىنىڭ ارقاسىندا سايلاۋبەك ەرٸككەن جاستارىنىڭ «ەرمەگٸنە» اينالاتىنى سٶزسٸز. كٷنٸ كەشە عانا «ايتۋعا وڭاي» بٸرٸنشٸ بولىپ سايلاۋبەككە تٶردەن ورىن بەرٸپ, ەڭگٸمەسٸن تىڭداپ, رەيتينگٸسٸن بٸر كٶتەرٸپ تاستاعانىنا كۋە بولدىق. ەندٸ باسقا بٸر ارنا ونى باسقا قىرىنان كٶرسەتۋگە جانىن سالىپ جاتقانى انىق.
قازٸرگٸ قازاق قوعامى ايناعا قاراپ, سايلاۋبەكتٸ كٶرٸپ, مەز-مەيرام بولىپ جاتىر... مەرەكە-دۋمانىمىز قاشانعا دەيٸن جالعاساتىنىن بٸر قۇداي بٸلەر. سول اينا قاشان كٷلپارشاسى شىعىپ شاعىلادى ەكەن. سول كٷندٸ اسىعا كٷتۋدەمٸن.
نۇرلان جۇماحان
