اتالاعان سايتتا جارىق كورگەننەن كەيىن، بۇل ماسەلەگە قاتىستى پىكىر ايتۋشىلار كوپ بولادى.
ويى تازا، ۇلتجاندى ازاماتتار ءبىزدىڭ كوتەرگەن ماسەلەمىزدى قولداسا، ەتى ءولىپ، كونبىس كۇيگە تۇسكەن ءبىراز ادام «اكىمنىڭ بۇدان باسقا جۇمىسى جوق پا» دەپ ءبىزدىڭ باستاماماىزدى جاراتپاعان سىڭاي تانىتتى. ەندى ءبىرى پاستەردىڭ مايتالمان عالىم ەكەنىن ايتىپ، ەڭ العاش ازىق-تۇلىك ونىمدەرىن پاستەرلەنگەن قاپتاما ويلاپ تاپقانىن، مۇنداي عالىمنىڭ اتىمەن كاۋاپحانانىڭ اتىن اتاۋدى قولدايتىندارىن ايتىپ، مۇلدە «قۋىپ» كەتىپتى.
بىردەن ايتايىق، ءبىزدىڭ پاستەرمەن التى الاسىمىز، بەس بەرەسىمىز جوق. ءبىزدىڭ جانىمىزعا باتقانى ماقاتايەۆ كوشەسىنىڭ بويىنداعى كاۋاپحانانىڭ كوشەنىڭ بۇرىنعى اتاۋىمەن اتاعان كاسىپكەردىڭ ەلدىگىمىز بەن تاۋەلسىزدىگىمىزگە بەي-جاي قاراعان سوڭ، قولىمىزعا قالام العانبىز.
كەرەك دەسەڭىز سول كاۋاپحانانىڭ قوجايىنى پاستەردىڭ كىم ەكەنىن جەتىك بىلمەۋى مۇمكىن. ءتىپتى، ونىڭ مۇنداي قادامعا بارعاندا قازاقتى كەمسىتەيىن (مەن سولاي ويلايمىن) دەگەن «جامان ويى» بولماعان دا شىعار. ءبىراق ءبىز مۇقاعالي ماقاتايەۆ كوشەسىنىڭ بويىنداعى «نا پاستەرا» كاۋاپحاناسىن كورىپ تۇرىپ، كورمەگەندەي بولىپ اينالىپ وتە المادىق.
ەڭ سوراقىسى الماتى تۇرعىندارىنىڭ مۇنداي ماڭىزدى ماسەلەگە ءمان بەرمەيتىن كۇيگە تۇسكەنىنە ارقامىزعا ايازداي باتتى. سودان كەيىن وسى ماقالانى الماتى قالاسى اكىمى باۋىرجان بايبەككە قاراتىپ جازۋىمىزعا تۋرا كەلدى.
ءبىزدىڭ قۋانىشىمىزعا وراي، قالا باسشىسى الدەكىمدەر ايتقانداي «بۇدان باسقا جۇمىسىم جوق پا» دەمەي، بۇل ماسەلەنى ايتىپ اۋىز جيعانشا شەشىپ بەرگەنىنە ريزا بولىپ، كوڭىلىمىز مارقايدى.
كۇندەلىكتى كىربىڭ تىرشىلىكپەن ءومىرىن وتكىزىپ جۇرگەندەر ءۇشىن بۇل «بولماشى دۇنيە»، ال ويى سەرگەك ازامات ءۇشىن بۇل «ۇلكەن قاتەلىك» ەكەنى داۋسىز شىندىق. ەڭ باستىسى قالا باسشىسى باۋىرجان بايبەك ويى سەرگەك، ۇلتتىق ماسەلەلەرگە بەي-جاي قارامايتىن باسشى ەكەنىن ناقتى ىسپەن دالەلدەدى.
سوندىقتان الماتى قالاسى اكىمى باۋىرجان بايبەك مىرزاعا «قالا مەن دالا» گازەتىنىڭ ويى سەرگەك، ۇلتجاندى وقىرماندارى اتىنان العىس ايتامىز!
ايتپاقشى، كاۋاپحانانىڭ يەسى «نا پاستەرا» دەگەن جازۋدى الىپ قانا قويماي، سونىمەن قاتار كاۋاپحانانىڭ دۋالىنا «ماقاتايەۆ 29» دەپ جازىپ تا قويىپتى. ەندى تابىسكەر كاسىپكەرىمىز ءوزىنىڭ كاۋاپحاناسى قاي كوشەنىڭ بويىندا ورنالاسقانىن ءبىلىپ جۇرەتىن بولدى. بۇل ءۇشىن باۋكەڭە راحمەت!
باۋىرجان قادىرعاليۇىلانا اق يىق اقىن مۇقاعالي ماقاتايەۆتىڭ ءارۋاعى ريزا بولعان شىعار؟!
نۇرلان جۇماحان، جۋرناليست.
