Atalaǵan saitta jaryq kórgennen keiin, bul máselege qatysty pikir aitýshylar kóp bolady.
Oiy taza, ultjandy azamattar bizdiń kótergen máselemizdi qoldasa, eti ólip, kónbis kúige túsken biraz adam «ákimniń budan basqa jumysy joq pa» dep bizdiń bastamamayzdy jaratpaǵan syńai tanytty. Endi biri Pasterdiń maitalman ǵalym ekenin aityp, eń alǵash azyq-túlik ónimderin pasterlengen qaptama oilap tapqanyn, mundai ǵalymnyń atymen káýaphananyń atyn ataýdy qoldaityndaryn aityp, múlde «qýyp» ketipti.
Birden aitaiyq, bizdiń Pastermen alty alasymyz, bes beresimiz joq. Bizdiń janymyzǵa batqany Maqataev kóshesiniń boiyndaǵy káýaphananyń kósheniń burynǵy ataýymen ataǵan kásipkerdiń eldigimiz ben táýelsizdigimizge bei-jai qaraǵan soń, qolymyzǵa qalam alǵanbyz.
Kerek deseńiz sol káýaphananyń qojaiyny Pasterdiń kim ekenin jetik bilmeýi múmkin. Tipti, onyń mundai qadamǵa barǵanda qazaqty kemsiteiin (men solai oilaimyn) degen «jaman oiy» bolmaǵan da shyǵar. Biraq biz Muqaǵali Maqataev kóshesiniń boiyndaǵy «Na Pastera» káýaphanasyn kórip turyp, kórmegendei bolyp ainalyp óte almadyq.
Eń soraqysy Almaty turǵyndarynyń mundai mańyzdy máselege mán bermeitin kúige túskenine arqamyzǵa aiazdai batty. Sodan keiin osy maqalany Almaty qalasy ákimi Baýyrjan Baibekke qaratyp jazýymyzǵa týra keldi.
Bizdiń qýanyshymyzǵa orai, qala basshysy áldekimder aitqandai «budan basqa jumysym joq pa» demei, bul máseleni aityp aýyz jiǵansha sheship bergenine riza bolyp, kóńilimiz marqaidy.
Sondyqtan Almaty qalasy ákimi Baýyrjan Baibek myrzaǵa «Qala men Dala» gazetiniń oiy sergek, ultjandy oqyrmandary atynan alǵys aitamyz!
Aitpaqshy, káýaphananyń iesi «Na Pastera» degen jazýdy alyp qana qoimai, sonymen qatar káýaphananyń dýalyna «Maqataev 29» dep jazyp ta qoiypty. Endi tabysker kásipkerimiz óziniń káýaphanasy qai kósheniń boiynda ornalasqanyn bilip júretin boldy. Bul úshin Baýkeńe rahmet!
Baýyrjan Qadyrǵaliuylana aq iyq aqyn Muqaǵali Maqataevtyń árýaǵy riza bolǵan shyǵar?!
Nurlan JUMAHAN, jýrnalist.
