جينالعان قاۋىمدى وبلىس ەكٸمٸ اماندىق باتالوۆ قۇتتىقتاپ, تەۋەلسٸزدٸكتٸڭ ارقاسىندا قول جەتكٸزگەن جەتٸستٸكتەرگە توقتالىپ ٶتتٸ.
– قىمباتتى جەتٸسۋلىقتار! سٸزدەردٸ ۇلىق مەرەكەمٸز – تەۋەلسٸزدٸك كٷنٸمەن شىن جٷرەكتەن قۇتتىقتايمىن! تەۋەلسٸزدٸك – بابالاردىڭ ارمانى مەن اماناتى, حالىقتىڭ ەڭ كيەلٸ قۇندىلىعى. 2021 جىلى رۋحى اسقاق, تۇعىرى بيٸك ەل تەۋەلسٸزدٸگٸنە 30 جىل تولادى. بۇل – بٸزدٸڭ جاس مەملەكەتٸمٸز ٷشٸن ٷلكەن تاريحي بەلەس. وسى جىلدار ٸشٸندە قازاقستان ٶزٸن تەۋەلسٸز مەملەكەت رەتٸندە ورنىقتىردى. بٸزدٸڭ تەۋەلسٸزدٸك تاريحىنىڭ ەر پاراعىندا ەلباسىمىزدىڭ ۇشان-تەڭٸز ەڭبەگٸ, جانكەشتٸ ەرلٸگٸ, جاسامپاز ٸستەرٸ جاتىر. پرەزيدەنتٸمٸز قاسىم-جومارت كەمەلۇلى توقاەۆتىڭ بايسالدى ساياساتى ەلباسىنىڭ سىندارلى جولىمەن جالعاسىپ كەلەدٸ. وسى جىلداردا ەلٸمٸزدٸڭ جەتكەن جەتٸستٸكتەرٸنە جەتٸسۋلىقتاردىڭ دا قوسقان ٷلەسٸ مول.
تەۋەلسٸزدٸكتٸڭ العاشقى ون جىلدىعىندا وبلىس بيۋدجەتٸ 20 ملرد تەڭگەنٸڭ اينالاسىندا بولسا, بيىلعى جىلى بۇل كٶرسەتكٸش 770 ملرد تەڭگەگە جەتتٸ. بٸز ەلباسىنىڭ تاپسىرماسىنا سەيكەس, قانت قىزىلشاسىن ٶسٸرۋدٸ قايتا جاڭعىرتىپ, توقتاپ تۇرعان اقسۋ, كٶكسۋ قانت زاۋىتتارىن ٸسكە قوستىق. يرريگاتسييالىق جٷيەلەردٸ قالپىنا كەلتٸرۋدٸ باستادىق.
ەت جەنە سٷت ٶڭدەۋ جولعا قويىلدى. «مارەۆەن فۋد», «لۋكويل» سيياقتى 9 ترانسۇلتتىق كومپانييانى تارتا وتىرىپ, ينۆەستيتسييالىق ٸرٸ جوبالار جٷزەگە اسىرىلدى. حالىقتىڭ ٶمٸر سٷرۋ ساپاسىن جاقسارتۋ ماقساتىندا ٶڭٸرگە تابيعي گاز تارتىلدى. رەسپۋبليكالىق «تالدىقورعان – ٶسكەمەن» اۆتوكٶلٸك جولى جٶندەلٸپ جاتىر. جىل سوڭىنا قاراي ٶنەركەسٸپ ٶنٸمٸنٸڭ كٶلەمٸ 1 ترلن. تەڭگەدەن اسادى, ال اۋىل شارۋاشىلىعىندا بۇل كٶرسەتكٸش 900 ملرد. تەڭگەگە جەتپەك, – دەپ اتاپ ٶتتٸ ا. باتالوۆ.
وسى كٷنٸ التى ازاماتقا «الماتى وبلىسىنىڭ قۇرمەتتٸ ازاماتى» اتاعى بەرٸلدٸ. اتاپ ايتقاندا, پارلامەنت سەناتىنىڭ دەپۋتاتى لەززات سٷلەيمەنوۆا, ەڭبەك ارداگەرٸ ەلەۋسٸز سۇلتانعازيەۆ, «اينالايىن» بالالار ٷيٸنٸڭ ەدٸسكەرٸ نەسٸپجامال بايماديەۆا, «ايۋ تاس» جشس قۇرىلتايشىسى الپىسباي راحيموۆ, بەلگٸلٸ كينورەجيسسەر تالعات تەمەنوۆ, «ZHERSU» ينۆەستيتسييالىق-ٶندٸرٸستٸك كورپوراتسيياسىنىڭ باقىلاۋ كەڭەسٸنٸڭ تٶراعاسى باۋىرجان وسپانوۆ «الماتى وبلىسىنىڭ قۇرمەتتٸ ازاماتى» اتاندى.
ٶزٸنە كٶرسەتٸلگەن قۇرمەتكە ريزاشىلىعىن بٸلدٸرگەن سەنات دەپۋتاتى لەززات سٷلەيمەنوۆا:
– ەڭ الدىمەن وبلىس ەكٸمٸ اماندىق عابباسۇلىن ەلباسىمىزدىڭ قولىنان «قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى نۇرسۇلتان نازارباەۆ» وردەنٸن الۋىمەن شىن جٷرەكتەن قۇتتىقتايمىن. وسى قۋانىشپەن بارلىق جەرلەستەرٸمدٸ دە قۇتتىقتايمىن. ٶيتكەنٸ بۇل – بارشا جەتٸسۋلىقتارعا بەرٸلگەن ٷلكەن ماراپات دەپ ەسەپتەيمٸن. مەن ٷشٸن الماتى وبلىسىنىڭ ورنى بٶلەك. ازامات رەتٸندە قالىپتاسۋىم, مەملەكەتتٸك قىزمەتتەگٸ جولىم وسى ٶلكەدەن باستالعان. سوندىقتان بٷگٸنگٸ «الماتى وبلىسىنىڭ قۇرمەتتٸ ازاماتى» اتاعىن الۋ – مەن ٷشٸن بيٸك مەرتەبە. وسى اتاققا ۇسىنىپ, قولداپ, قۇرمەت كٶرسەتكەن مەسليحات دەپۋتاتتارىنا, بارشا قاۋىمعا ريزاشىلىعىمدى ايتامىن. وسى قۇرمەتتٸ ەرقاشان اقتاپ جٷرۋگە, لايىقتى بولۋعا سٶز بەرەمٸن, – دەدٸ ل. سٷلەيمەنوۆا.
شارا سوڭى مەرەكەلٸك كونتسەرتكە ۇلاستى.
