Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Batalov: «Táýelsizdik jyldary Almaty oblysynyń biýdjeti 20 mlrd teńgeden 770 mlrd teńgege deiin ulǵaidy»

Dalanews
Batalov: «Táýelsizdik jyldary Almaty oblysynyń biýdjeti 20 mlrd teńgeden 770 mlrd teńgege deiin ulǵaidy»
Taldyqorǵandaǵy B.Rimova atyndaǵy drama teatrynda Táýelsizdik kúnine arnalǵan saltanatty jiyn ótti. Osy sharada memlekettik jáne qoǵamdyq qyzmettegi sińirgen eńbegi úshin, eldiń áleýmettik-ekonomikalyq jáne mádeni damýyna, halyqtar arasyndaǵy dostyq pen yntymaqtastyqty nyǵaitýǵa qosqan eleýli úlesi úshin oblystyń jetpisten astam azamatyna memlekettik nagradalar tapsyryldy.

Jinalǵan qaýymdy oblys ákimi Amandyq Batalov quttyqtap, táýelsizdiktiń arqasynda qol jetkizgen jetistikterge toqtalyp ótti.

– Qymbatty jetisýlyqtar! Sizderdi ulyq merekemiz – Táýelsizdik kúnimen shyn júrekten quttyqtaimyn! Táýelsizdik – babalardyń armany men amanaty, halyqtyń eń kieli qundylyǵy. 2021 jyly rýhy asqaq, tuǵyry biik el Táýelsizdigine 30 jyl tolady. Bul – bizdiń jas memleketimiz úshin úlken tarihi beles. Osy jyldar ishinde Qazaqstan ózin táýelsiz memleket retinde ornyqtyrdy. Bizdiń Táýelsizdik tarihynyń ár paraǵynda Elbasymyzdyń ushan-teńiz eńbegi, jankeshti erligi, jasampaz isteri jatyr. Prezidentimiz Qasym-Jomart Kemeluly Toqaevtyń baisaldy saiasaty Elbasynyń syndarly jolymen jalǵasyp keledi. Osy jyldarda elimizdiń jetken jetistikterine jetisýlyqtardyń da qosqan úlesi mol.

Táýelsizdiktiń alǵashqy on jyldyǵynda oblys biýdjeti 20 mlrd teńgeniń ainalasynda bolsa, biylǵy jyly bul kórsetkish 770 mlrd teńgege jetti. Biz Elbasynyń tapsyrmasyna sáikes, qant qyzylshasyn ósirýdi qaita jańǵyrtyp, toqtap turǵan Aqsý, Kóksý qant zaýyttaryn iske qostyq. Irrigatsiialyq júielerdi qalpyna keltirýdi bastadyq.


Et jáne sút óńdeý jolǵa qoiyldy. «Mareven Fýd», «Lýkoil» siiaqty 9 Transulttyq kompaniiany tarta otyryp, investitsiialyq iri jobalar júzege asyryldy. Halyqtyń ómir súrý sapasyn jaqsartý maqsatynda óńirge tabiǵi gaz tartyldy.  Respýblikalyq «Taldyqorǵan – Óskemen» avtokólik joly jóndelip jatyr. Jyl sońyna qarai ónerkásip óniminiń kólemi 1 trln. teńgeden asady, al aýyl sharýashylyǵynda bul kórsetkish 900 mlrd. teńgege jetpek, – dep atap ótti A. Batalov.

Saltanatty jiyndy oblys basshysy budan ári marapattaý rásimimen jalǵastyrdy. Talǵar aýdandyq Qoǵamdyq keńesiniń tóraǵasy Qalimolda Baibolov, Almaty kópsalaly aýrýhanasynyń bólim meńgerýshisi Álima Kópbaeva, Jambyl aýdanyndaǵy «Zhambyl Keramzit Company» JShS direktory Marat Myrzaǵaliuly jáne basqa da bir top azamat «Qurmet» ordenin ielense, III dárejeli «Eńbek dańqy» ordenin alǵandar qatarynda Sarqan aýdanyndaǵy «Aq-Bulaq prodýkt» JShS jumysshysy Baýyrjan Qalimoldanov, Talǵar aýdanyndaǵy «Zeta» óndiristik kompaniiasynyń qurastyrýshysy Dáýlet Namazbaev, «Tekeliiskii energokompleks» JShS mashinisi Aqan Hairýllin bar. Sol siiaqty «Eren eńbegi úshin», «Shapaǵat» medaldarymen, Qazaqstan Respýblikasynyń Qurmet gramotasymen, Qazaqstan Respýblikasy Prezidentiniń Qurmet gramotasymen densaýlyq saqtaý, áleýmettik sala, bilim berý, memlekettik qyzmet, turǵyn úi-kommýnaldyq sharýashylyǵy, qurylys, ónerkásip jáne basqa da ekonomikanyń mańyzdy salalarynda eńbek etip júrgen birqatar jetisýlyqtar marapattaldy.

Osy kúni alty azamatqa «Almaty oblysynyń Qurmetti azamaty» ataǵy berildi. Atap aitqanda, Parlament Senatynyń depýtaty Lázzat Súleimenova, eńbek ardageri Eleýsiz Sultanǵaziev, «Ainalaiyn» balalar úiiniń ádiskeri Nesipjamal Baimadieva, «AIý TAS» JShS quryltaishysy Alpysbai Rahimov, belgili kinorejisser Talǵat Temenov, «ZHERSU» investitsiialyq-óndiristik korporatsiiasynyń baqylaý keńesiniń tóraǵasy Baýyrjan Ospanov «Almaty oblysynyń Qurmetti azamaty» atandy.

Ózine kórsetilgen qurmetke rizashylyǵyn bildirgen Senat depýtaty Lázzat Súleimenova:

– Eń aldymen oblys ákimi Amandyq Ǵabbasulyn Elbasymyzdyń qolynan «Qazaqstan Respýblikasynyń Tuńǵysh Prezidenti – Elbasy Nursultan Nazarbaev» ordenin alýymen shyn júrekten quttyqtaimyn. Osy qýanyshpen barlyq jerlesterimdi de quttyqtaimyn. Óitkeni bul – barsha jetisýlyqtarǵa berilgen úlken marapat dep esepteimin. Men úshin Almaty oblysynyń orny bólek. Azamat retinde qalyptasýym, memlekettik qyzmettegi jolym osy ólkeden bastalǵan. Sondyqtan búgingi «Almaty oblysynyń Qurmetti azamaty» ataǵyn alý – men úshin biik mártebe. Osy ataqqa usynyp, qoldap, qurmet kórsetken máslihat depýtattaryna, barsha qaýymǵa rizashylyǵymdy aitamyn. Osy qurmetti árqashan aqtap júrýge, laiyqty bolýǵa sóz beremin, – dedi L. Súleimenova.

Shara sońy merekelik kontsertke ulasty.

Esterińizge sala keteiik, jaqynda Elbasynyń qatysýymen ótken saltanatty sharada Qazaqstan Prezidenti Qasym-Jomart Toqaev elimizdiń áleýmettik-ekonomikalyq jáne mádeni damýyna, halyqtar arasyndaǵy dostyq pen yntymaqtastyqty nyǵaitýǵa qosqan úlesi, belsendi qoǵamdyq qyzmeti úshin Almaty oblysynyń ákimi Amandyq Batalovqa memlekettik nagradany tabys etti.
Talǵar Amandyq Batalov Taldyqorǵan Aqsý Táýelsizdik kúni B.Rimova atyndaǵy drama teatr «Qurmet» ordeni Batalov Mareven Fýd Baýyrjan Qalimoldanov Kóksý qant zaýyttary Marat Myrzaǵaliuly Álima Kópbaeva Eleýsiz Sultanǵaziev ZHERSU Baýyrjan Ospanov Nesipjamal Baimadieva Zhambyl Keramzit Company Dáýlet Namazbaev Aqan Hairýllin Lázzat Súleimenova Madina Sádýaqasova

Oqi otyryńyz