– وزىڭىزبەن بىرگە تالاي جىل قاتار قىزمەت ىستەدىك، قالاي تىنىمسىز ەڭبەك ەتكەنىڭىزدى كوزىمىز كوردى. جول سالاسىنداعى ەڭ تاجىريبەلى، الدىڭعى قاتارداعى مىقتى مامانسىز، ەلىمىزدىڭ پاتريوتىسىز. ءسىزدىڭ وبلىستىڭ، تالدىقورعان قالاسىنىڭ كولىكتىك ينفراقۇرىلىمىن دامىتۋداعى ۇلەسىڭىز زور. مول تاجىريبەڭىز، ءومىر جولىڭىز بارىمىزگە ۇلگى، اسىرەسە، جاستارعا بەرەرى مول. 70 جاسىڭىزبەن قۇتتىقتاپ، سىزگە زور دەنساۋلىق، ۇزاق عۇمىر تىلەيمىن، – دەدى ا.باتالوۆ.
مۇنان سوڭ وبلىستىق ءماسليحاتتىڭ حاتشىسى سۇلتان دۇيسەمبىنوۆ تە ىزگى نيەتىن جەتكىزدى. وبلىس باسشىسى مەرەيتوي يەسىنىڭ يىعىنا شاپان جاۋىپ، ەستەلىك سىيلىق تاپسىردى. لەونيد ميحنو ءوز كەزەگىندە وبلىس باسشىلىعىنا راحمەت ايتىپ، ەل ءۇشىن ەتكەن ەڭبەكتەرىنىڭ جەمىستى بولۋىنا تىلەكتەستىگىن ءبىلدىردى.
اتاپ وتسەك، لەونيد ۆاسيليەۆيچ ميحنو – ەڭبەك ارداگەرى، كەيىنگە دەيىن «تالدىقورعانجولدارى» اق ديرەكتورى قىزمەتىندە بولدى.
