– Ózińizben birge talaı jyl qatar qyzmet istedik, qalaı tynymsyz eńbek etkenińizdi kózimiz kórdi. Jol salasyndaǵy eń tájirıbeli, aldyńǵy qatardaǵy myqty mamansyz, elimizdiń patrıotysyz. Sizdiń oblystyń, Taldyqorǵan qalasynyń kóliktik ınfraqurylymyn damytýdaǵy úlesińiz zor. Mol tájirıbeńiz, ómir jolyńyz bárimizge úlgi, ásirese, jastarǵa bereri mol. 70 jasyńyzben quttyqtap, sizge zor densaýlyq, uzaq ǵumyr tileımin, – dedi A.Batalov.
Munan soń oblystyq máslıhattyń hatshysy Sultan Dúısembinov te izgi nıetin jetkizdi. Oblys basshysy mereıtoı ıesiniń ıyǵyna shapan jaýyp, estelik syılyq tapsyrdy. Leonıd Mıhno óz kezeginde oblys basshylyǵyna rahmet aıtyp, el úshin etken eńbekteriniń jemisti bolýyna tilektestigin bildirdi.
Atap ótsek, Leonıd Vasılevıch Mıhno – eńbek ardageri, keıinge deıin «Taldyqorǵanjoldary» AQ dırektory qyzmetinde boldy.
