اكتەر بەس ايدان بەرى “قازاقفيلم” تىزگىنىن ۇستاپ كەلەدى. مانساپ جولىن تەاتردان باستاعان ونەر يەسى كينو سالاسىندا دا بوي كورسەتتى. ونىڭ ىشىندە قاسىم-جومارت توقايەۆ ءرولىن ەرەكشە اتاپ وتۋگە بولادى. سودان سوڭ ت.ق. جۇرگەنوۆ اتىنداعى قازاق ۇلتتىق ونەر اكادەمياسىن باسقاردى.
ساتىبالدى ءمان-جايدى بىلۋگە كەلگەن ءتىلشىنى بىردەن اۆتوتۇراققا اپارىپ، جاعدايدى ءتۇسىندىردى. اكتەردىڭ ايتۋىنشا، ول زاڭ بويىنشا ورىنداردى جالعا بەرە الادى. ونىڭ ۇستىنە كوپشىلىكتىڭ تالقىسىنا تۇسكەن كولىكتەر كينوستۋديا اۆتوتۇراعىنىڭ اۋماعىندا ورنالاسقان.
“مەنىڭ ەندىگى مىندەتىم - امان قالۋ. ءبىز Krisha.kz سايتىندا ارنايى ورىننىڭ جالعا بەرىلەتىنى تۋرالى حابارلاندىرۋ تاراتتىق. ويتكەنى بىرنەشە ورىندى جالعا بەرە الامىز. ماعان دەيىن دە سولاي بولىپ كەلدى. زاڭ بويىنشا جالعا بەرۋگە تولىق قۇقىعىمىز بار. مەن كينوستۋديانى جالعا بەرمەيمىن. ال اۆتوتۇراعىمىز بوس تۇر. سول سەبەپتى ونى جالعا بەرىپ، 10 قىزمەتكەرىمنىڭ ورنىن ساقتاپ قالعىم كەلدى”، - دەپ ءتۇسىندىردى ديرەكتور.
“ءقازاقفيلمدى” ساقتاپ قالۋعا قانشا قاراجات قاجەت؟” دەگەن سۇراققا ساتىبالدى “قانشالىقتى كوپ بولسا، سونشالىقتى جاقسى” دەپ جاۋاپ بەردى. ءبىراق ناقتى سوماسىن ايتپادى. سونىمەن قاتار Instagram جەلىسىندە كولىكتى نەگە جارنامالاعانى تۋرالى سۇراق تا قويىلدى.
“وعان مەنىڭ قۇقىعىم جوق پا؟ كەيبىر ادامدار وسى جاعدايعا بار نازارىن اۋدارعىسى كەلدى. بۇل قىزمەتكە كىرىسپەس بۇرىن وسى كومپانيامەن دوستىق قارىم-قاتىناستا بولدىم. بۇل ءالى كۇنگە دەيىن جالعاسىن تاۋىپ كەلەدى. ولارعا كومەكتەسىپ تۇرامىن. ەگەر ادام ساۋاتتى بولسا، ول ودان ەش جاماندىق كورمەيدى” - دەپ جاۋاپ بەردى.
ساتىبالدى “قازاقفيلم” جاعدايىن جاقسارتۋدى كوزدەيدى. الايدا ونىڭ الدىندا كينوستۋدياعا باسشىلىق ەتكەن ارىپتەستەرىنىڭ ءىسى ءساتسىز اياقتالعان. سەبەبى بۇگىندە كينوستۋديانىڭ سوڭعى باسشىسى اقان ساتايەۆتىڭ («رەكەتير» جانە «توميريس» فيلمدەرىنىڭ رەجيسسەرى) ۇستىنەن ۇرلىق بويىنشا جانە 400 ميلليون تەڭگەنىڭ جىمقىرىلۋىنا بايلانىستى سوتقا دەيىنگى تەرگەۋ جۇرگىزىلىپ جاتىر.
كينوستۋديانىڭ قازىرگى ديرەكتورى Orda.kz تىلشىسىنە بەرگەن سۇحباتىندا وزىنەن بۇرىن قىزمەت ەتكەن ارىپتەستەرىنىڭ ارەكەتى مەن شەشىمدەرىن تالقىلامايتىنىن جەتكىزدى. قازىرگى تاڭدا ول مادەنيەت مينيسترلىگىمەن بىرلەسىپ، “ءقازاقفيلمنىڭ” بەس جىلعا ارنالعان ستراتەگيالىق دامۋ جوسپارىن دايىنداپ جاتىر. قۇجات قاڭتار ايىنىڭ سوڭىندا جارىققا شىعاتىنىن ايتتى. سوندىقتان مالىمەتتەردى بولىسۋدەن باس تارتتى.
“ءقازاقفيلمنىڭ باستى پروبلەماسى – كينوستۋدياعا مەملەكەت تاراپىنان تىكەلەي قارجىنىڭ بولىنبەۋى. ءبىز فيلمدەر تۇسىرۋگە جانە انيماسياعا بارلىق قارجىنى ۇلتتىق كينەماتوگرافيانى قولداۋ مەملەكەتتىك ورتالىعى (2019 جىلى قۇرىلعان ۇلتتىق كينەماتوگرافيانى قولداۋ مەملەكەتتىك ورتالىعى – اۆتوردىڭ ەسكەرتپەسى) ارقىلى الامىز. ەندى تىكەلەي قارجى الۋ ءۇشىن زاڭعا وزگەرتۋلەر ەنگىزگىمىز كەلەدى. ويتكەنى “قازاقفيلم” عىلىمي-زەرتتەۋ قىزمەتىمەن اينالىسۋى كەرەك. ءبىز قازاقستاننىڭ كينويندۋسترياسىنىڭ “مۇزجارعىشى” بولۋىمىز قاجەت. قوعامعا قانداي تاقىرىپتىڭ وزەكتى بولاتىنىن جانە كورەرمەندەر قاي جانرعا ءجيى باراتىنىن باقىلاۋىمىز قاجەت”، - دەپ ءسوزىن جالعادى ساتىبالدى.
"قازاقفيلم" سۋرەتى - egemen.kz سايتىنان الىندى.
كوللاج: Dalanews.kz
https://dalanews.kz/sadak/97570-smayylovta-minez-zhoq-deputat-bapi
