قۇرىلتاي دەپۋتاتتارىن سايلاۋ ناۋقانى زاڭ تالاپتارىنا تولىق سەيكەس جەنە تىنىش جاعدايدا ٶتكەن. بۇل تۋرالى باس پروكۋراتۋرا مەلٸمدەدٸ, دەپ حابارلايدى dalanews.kz.
ۆەدومستۆونىڭ حابارلاۋىنشا, پروكۋراتۋرا ورگاندارى سايلاۋدىڭ بارلىق كەزەڭٸندە زاڭدىلىقتىڭ ساقتالۋىنا قاداعالاۋ جٷرگٸزگەن. نەتيجەسٸندە سايلاۋ كوميسسييالارى تاراپىنان زاڭ بۇزۋشىلىقتار, بيۋللەتەندەردٸ زاڭسىز بەرۋ, باسقا ادامنىڭ ورنىنا داۋىس بەرۋ نەمەسە بيۋللەتەندەردٸ جاپپاي تاستاۋ فاكتٸلەرٸ تٸركەلمەگەن.
سايلاۋ بارىسىندا بارلىعى 15 قۇقىق بۇزۋشىلىق انىقتالعان. ونىڭ ٷشەۋٸ زاڭسىز ساۋالناما جٷرگٸزۋگە قاتىستى بولسا, 12-سٸ ٷگٸت-ناسيحات جٷرگٸزۋگە تىيىم سالىنعان كەزەڭدە ٷگٸت جۇمىستارىن ۇيىمداستىرۋ فاكتٸلەرٸ بولعان.
سالىستىرمالى تٷردە العاندا, 2023 جىلعى سايلاۋ كەزٸندە ەكٸمشٸلٸك قۇقىق بۇزۋشىلىقتاردىڭ سەگٸز قۇرامى بويىنشا 69 زاڭ بۇزۋشىلىق انىقتالعان ەدٸ. باس پروكۋراتۋراعا جالپى سانى 12 ٶتٸنٸش تٷسكەن. ولاردىڭ بارلىعى پارتييالىق تٸزٸمدەردٸ تٸركەۋ جەنە سايلاۋالدى ٷگٸت مەسەلەلەرٸنە قاتىستى بولعان. ال 2023 جىلى مۇنداي ٶتٸنٸشتەردٸڭ سانى 113-كە جەتكەن.
سونداي-اق ٶتكەن سايلاۋ ناۋقانىندا كانديداتتار سوتقا 82 تالاپ-ارىز تٷسٸرسە, بيىل كانديداتتار تاراپىنان سوتقا ەشقانداي شاعىم بەرٸلمەگەن. باس پروكۋراتۋرا سايلاۋ ٷدەرٸسٸ تولىقتاي قۇقىقتىق الاڭدا ٶتكەنٸن جەنە زاڭدىلىقتىڭ ساقتالۋى قامتاماسىز ەتٸلگەنٸن اتاپ ٶتتٸ.
