Quryltai depýtattaryn sailaý naýqany zań talaptaryna tolyq sáikes jáne tynysh jaǵdaida ótken. Bul týraly Bas prokýratýra málimdedi, dep habarlaidy dalanews.kz.
Vedomstvonyń habarlaýynsha, prokýratýra organdary sailaýdyń barlyq kezeńinde zańdylyqtyń saqtalýyna qadaǵalaý júrgizgen. Nátijesinde sailaý komissiialary tarapynan zań buzýshylyqtar, biýlletenderdi zańsyz berý, basqa adamnyń ornyna daýys berý nemese biýlletenderdi jappai tastaý faktileri tirkelmegen.
Sailaý barysynda barlyǵy 15 quqyq buzýshylyq anyqtalǵan. Onyń úsheýi zańsyz saýalnama júrgizýge qatysty bolsa, 12-si úgit-nasihat júrgizýge tyiym salynǵan kezeńde úgit jumystaryn uiymdastyrý faktileri bolǵan.
Salystyrmaly túrde alǵanda, 2023 jylǵy sailaý kezinde ákimshilik quqyq buzýshylyqtardyń segiz quramy boiynsha 69 zań buzýshylyq anyqtalǵan edi. Bas prokýratýraǵa jalpy sany 12 ótinish túsken. Olardyń barlyǵy partiialyq tizimderdi tirkeý jáne sailaýaldy úgit máselelerine qatysty bolǵan. Al 2023 jyly mundai ótinishterdiń sany 113-ke jetken.
Sondai-aq ótken sailaý naýqanynda kandidattar sotqa 82 talap-aryz túsirse, biyl kandidattar tarapynan sotqa eshqandai shaǵym berilmegen. Bas prokýratýra sailaý úderisi tolyqtai quqyqtyq alańda ótkenin jáne zańdylyqtyń saqtalýy qamtamasyz etilgenin atap ótti.
