قازاقستاننىڭ باس پروكۋراتۋراسى داريعا نازاربايەۆانىڭ كۇيەۋى قايرات شارىپبايەۆقا قاتىستى مالىمدەمە جاسادى، - دەپ حابارلايدى Dalanews.kz.
باس پروكۋراتۋرانىڭ مالىمەتىنشە، 5 ساۋىردە Kaztag.kz سايتىندا "باس پروكۋراتۋرا داريعا نازاربايەۆانىڭ كۇيەۋىمەن بايلانىستى بو بويىنشا قىلمىستىق ءىستى توقتاتتى" دەگەن ماقالا جاريالانعان.
ءبىراق پروكۋراتۋرانىڭ دەرەگى بويىنشا، قايرات شارىپبايەۆقا قاتىستى تەرگەۋ جۇرگىزۋگە قاتىستى بۇقارالىق اقپارات قۇرالدارىندا جاريالانعان ماقالا شىندىققا جاناسپايدى.
شىنىندا دا 3 ساۋىردە باس پروكۋراتۋرا «QazaqGaz» ۇك» اق باسشىلىعىنا قاتىستى قىلمىستىق قۇقىق بۇزۋشىلىق قۇرامىنىڭ بولماۋىنا بايلانىستى «بايتەرەك SA» ج ش س مۇددەسىندە لاۋازىمدىق وكىلەتتىكتەردى تەرىس پايدالانۋ فاكتىسى بويىنشا سوتقا دەيىنگى تەرگەۋدى توقتاتقان ەكەن.
الايدا، بۇل قىلمىستىق ءىس «قازترانسگاز ونىمدەرى» اق جانە ج ش س (اق ەنشىلەس ۇيىمى) قولدانىستاعى باسشىلىعىنا قاتىستى تەرگەلدى.
وسى سوتقا دەيىنگى تەرگەۋ اياسىندا اق بۇرىنعى باسشىسى ك. شارىپبايەۆتىڭ قاتىسۋى تەكسەرىلمەگەن، ويتكەنى تەكسەرۋ كەزەڭى 2022 جىلدان 2023 جىلعا دەيىن، ياعني «بولاشاق» بو عيماراتىن مەملەكەتتىك مەنشىككە بەرگەننەن كەيىن بولعان.
بۇعان دەيىن DALA INSIDE كوپتەگەن ب ا ق داريعا نازاربايەۆانىڭ ەكىنشى كۇيەۋى دەپ اتايتىن، ەسكى قازاقستان داۋىرىندە "قازترانسگاز" ۇلتتىق كومپانياسىن بيلەگەن قايرات شارىپبايەۆقا قاراستى «APL Construction» فيرماسى اكىمدىكتە تۇرعىن ءۇي كەزەگىندە تۇرعان، جاعدايى تومەن جانە قينالىپ جۇرگەن استاناداعى وتباسىلارعا جاڭا جك سالىپ، پاتەرلەردى تەگىن تاراتىپ بەرمەك ەكەنىن جازعان بولاتىن. بارلىعى 100 پاتەر وسى جىلدىڭ اياعىندا سالىنىپ بىتەتىنى ايتىلعان.
سونىمەن قاتار، اكەجان قاجىگەلدين مەن سەرىك مەدەتبەكوۆتىڭ قولىندا قازاقستاندى 30 جىل بيلەگەن كلەپتوكراتيالىق رەجيمنىڭ شەتەلدەگى اكتيۆتەرى بويىنشا تولىق اقپارات بارى ايتىلعان بولاتىن. ول بويىنشا، قۇلىبايەۆتار، ءنۇرالى الييەۆ، داريعا نازاربايەۆا، قايرات شارىپبايەۆ، ديماش دوسان، ءاليا نازاربايەۆالاردىڭ اكتيۆتەرىنە قۇرىق سالىپ، ەلگە قايتارۋعا بولادى.
