Qazaqstannyń Bas prokýratýrasy Darıǵa Nazarbaevanyń kúıeýi Qaırat Sháripbaevqa qatysty málimdeme jasady, - dep habarlaıdy Dalanews.kz.
Bas prokýratýranyń málimetinshe, 5 sáýirde Kaztag.kz saıtynda "Bas prokýratýra Darıǵa Nazarbaevanyń kúıeýimen baılanysty BO boıynsha qylmystyq isti toqtatty" degen maqala jarıalanǵan.
Biraq prokýratýranyń deregi boıynsha, Qaırat Sháripbaevqa qatysty tergeý júrgizýge qatysty buqaralyq aqparat quraldarynda jarıalanǵan maqala shyndyqqa janaspaıdy.
Shynynda da 3 sáýirde Bas prokýratýra «QazaqGaz» UK» AQ basshylyǵyna qatysty qylmystyq quqyq buzýshylyq quramynyń bolmaýyna baılanysty «Báıterek SA» JSHS múddesinde laýazymdyq ókilettikterdi teris paıdalaný faktisi boıynsha sotqa deıingi tergeýdi toqtatqan eken.
Alaıda, bul qylmystyq is «QazTransGaz Ónimderi» AQ jáne JSHS (AQ enshiles uıymy) qoldanystaǵy basshylyǵyna qatysty tergeldi.
Osy sotqa deıingi tergeý aıasynda AQ burynǵy basshysy K. Sháripbaevtyń qatysýy tekserilmegen, óıtkeni tekserý kezeńi 2022 jyldan 2023 jylǵa deıin, ıaǵnı «Bolashaq» BO ǵımaratyn memlekettik menshikke bergennen keıin bolǵan.
Buǵan deıin DALA INSIDE kóptegen BAQ Darıǵa Nazarbaevanyń ekinshi kúıeýi dep ataıtyn, Eski Qazaqstan dáýirinde "QazTransGaz" ulttyq kompanıasyn bılegen Qaırat Sháripbaevqa qarasty «APL Construction» fırmasy ákimdikte turǵyn úı kezeginde turǵan, jaǵdaıy tómen jáne qınalyp júrgen Astanadaǵy otbasylarǵa jańa JK salyp, páterlerdi tegin taratyp bermek ekenin jazǵan bolatyn. Barlyǵy 100 páter osy jyldyń aıaǵynda salynyp bitetini aıtylǵan.
Sonymen qatar, Ákejan Qajygeldın men Serik Medetbekovtyń qolynda Qazaqstandy 30 jyl bılegen kleptokratıalyq rejımniń sheteldegi aktıvteri boıynsha tolyq aqparat bary aıtylǵan bolatyn. Ol boıynsha, Qulybaevtar, Nuráli Álıev, Darıǵa Nazarbaeva, Qaırat Sháripbaev, Dımash Dosan, Álıa Nazarbaevalardyń aktıvterine quryq salyp, elge qaıtarýǵa bolady.
