2025 جىلعى 1 قىركۇيەكتەگى جاعداي بويىنشا، اكسيالار نارىعىن كاپيتالداندىرۋ 39،6 ترلن تەڭگەنى قۇراپ (2025 جىلدىڭ باسىنان باستاپ 20،4%-عا ءوستى) تامىزدا 5،1%-عا ءوستى. نەگىزىنەن ول KASE يندەكسىنىڭ، Kaspi.kz (+6،6%)، "قازاتومونەركاسىپ" ۇاك (+8،7%) جانە ForteBank (+15،5%) سىندى وكىلدىك تىزىمىنە كىرەتىن اكسيالار باعاسىنىڭ ءوسۋى ەسەبىنەن ورىن الدى، دەپ حابارلايدى Dalanews.kz قارجى نارىعىن رەتتەۋ جانە دامىتۋ اگەنتتىگى ۇسىنعان مالىمەتتەرگە سۇيەنە وتىرىپ.
KASE يندەكسى 2025 جىلعى تامىزدا 9،0%-عا 6 993،05 تارماققا دەيىن ۇلعايدى (2025 جىلدىڭ باسىنان باستاپ 25،4%-عا ءوستى).
اكسيالارمەن ساۋدا-ساتتىق كولەمى نەگىزىنەن ForteBank جانە "قازاتومونەركاسىپ" ۇاك اكسيالارىمەن ساۋدا-ساتتىق كولەمىنىڭ تومەندەۋى ەسەبىنەن ءبىر ايدا 12،2%-عا ازايىپ، 2025 جىلعى تامىز ايىندا 24،8 ملرد تەڭگەنى قۇرادى.
2025 جىلعى 1 قىركۇيەكتەگى جاعداي بويىنشا، KASE-دەگى ساۋدا تىزىمدەرىندە 76 ەميتەنتتىڭ 89 اتاۋىنىڭ اكسيالارى،ونىڭ ىشىندە 2 ەميتەنتتىڭ 2 اتاۋىنىڭ اكسيالارى "ليستينگتىك ەمەس باعالى قاعازدار" سەكتورىندا اينالىسقا جىبەرىلدى.
"KASE Global" سەكتورىندا 2025 جىلعى 1 قىركۇيەكتەگى جاعداي بويىنشا، 47 اتاۋداعى اكسيالارى جانە 59 شەتەلدىك ەميتەنتتىڭ 18 ETF بولدى. بۇل سەكتورداعى ساۋدا-ساتتىق كولەمى ءبىر ايدا ProShares Trust، Intel Corporation، NVIDIA Corp.، Advanced Micro Devices، Inc. اكسيالارىمەن ساۋدا-ساتتىق كولەمىنىڭ ءوسۋى ەسەبىنەن 30،1%-عا ۇلعايىپ، 2025 جىلعى تامىزدا 17،7 ملرد تەڭگەنى قۇرادى.
KASE-دە ساۋدالاناتىن كورپوراتيۆتىك بورىشتىڭ كولەمى 2025 جىلعى تامىزدا 0،3%-عا 14،0 ترلن تەڭگەگە دەيىن ازايدى (2025 جىلدىڭ باسىنان باستاپ 1،9%-عا ءوستى).
KASE-دە كورپوراتيۆتىك وبليگاسيالارمەن ساۋدا-ساتتىق كولەمى 2025 جىلعى تامىزدا نەگىزىنەن قايتالاما نارىقتاعى ساۋدا-ساتتىق كولەمىنىڭ ءوسۋى ەسەبىنەن الدىڭعى ايمەن سالىستىرعاندا 34،0%-عا 496،8 ملرد تەڭگەگە دەيىن ۇلعايدى. 2025 جىلعى 1 قىركۇيەكتەگى جاعداي بويىنشا KASE ساۋدا تىزىمدەرىندە 137 ەميتەنتتىڭ كورپوراتيۆتىك وبليگاسيالارىنىڭ 609 شىعارىلىمى بولدى.
2025 جىلعى تامىزدا كورپوراتيۆتىك وبليگاسيالاردىڭ باستاپقى نارىعىنىڭ كولەمى 339،9 ملرد تەڭگەنى قۇرادى، بۇل 2025 جىلعى شىلدەدەگى كورسەتكىشتەن 8،1%-عا ارتىق.
KASE-دە ساۋدالاناتىن مەملەكەتتىك بورىش 2025 جىلعى تامىزدا 1،6%-عا 30،0 ترلن تەڭگەگە دەيىن ۇلعايدى (2025 جىلدىڭ باسىنان باستاپ 11،1%-عا ءوستى).
KASE-دە مەملەكەتتىك باعالى قاعازدارمەن ساۋدا-ساتتىقتىڭ جيىنتىق كولەمى 2025 جىلعى تامىزدىڭ قورىتىندىسى بويىنشا 7،5%-عا ۇلعايىپ، 791،2 ملرد تەڭگەنى قۇرادى. مبق باستاپقى نارىعىنداعى ساۋدا-ساتتىق كولەمى 8،2%-عا ازايىپ، 671،6 ملرد تەڭگەنى قۇرادى. ونىڭ ىشىندە ون ەكى وبلىس اكىمدىگى مەملەكەتتىك باعدارلامالاردى ىسكە اسىرۋ شەڭبەرىندە 81،0 ملرد تەڭگە تارتتى. ق ر قارجى مينيسترلىگى جىلدىق 16،75-17،00% وتەۋگە كىرىستىلىگىمەن 590،6 ملرد تەڭگە تارتىپ، وبليگاسيالاردىڭ 8 شىعارىلىمىن ورنالاستىردى.
ۇجىمدىق ينۆەستيسيالاۋ نارىعىندا 2025 جىلعى 1 قىركۇيەكتەگى جاعداي بويىنشا 58 ينۆەستيسيالىق پاي قورى، ونىڭ ىشىندە 24 ارالىق، 33 جابىق جانە 1 اشىق پاي قورى جۇمىس ىستەدى.
ينۆەستيسيالىق پاي نارىعىنداعى باسقارۋداعى اكتيۆتەر 2025 جىلعى تامىزدا 0،9%-عا ۇلعايىپ، 2025 جىلعى 1 قىركۇيەكتەگى جاعداي بويىنشا 381،2 ملرد تەڭگەنى قۇرادى. 2025 جىلعى 1 قىركۇيەكتەگى جاعداي بويىنشا باعالى قاعازدار پورتفەلى 320،1 ملرد تەڭگەنى نەمەسە ينۆەستيسيالىق پاي قورلارىنىڭ جيىنتىق اكتيۆتەرىنىڭ 84،0%-ىن قۇرادى.
2025 جىلعى 1 قىركۇيەكتەگى جاعداي بويىنشا باعالى قاعازدار نارىعىنىڭ ينستيتۋسيونالدىق قۇرىلىمىنا 42 بروكەر مەن ديلەر (16 بانك جانە 26 بانكتىك ەمەس ۇيىم)، 11 كاستوديان-بانك، 21 ينۆەستيسيالىق پورتفەلدى باسقارۋشى، 4 ترانسفەر-اگەنت، سونداي-اق 3 ينفراقۇرىلىمدىق ۇيىم: KASE، KASE كليرينگتىك ورتالىعى جانە ءبىرىڭعاي تىركەۋشى مەن ساۋدا رەپوزيتورييىنىڭ فۋنكسيالارىن ورىندايتىن باعالى قاعازداردىڭ ورتالىق دەپوزيتارييى كىردى.
2025 جىلعى تامىزدا ورتالىق دەپوزيتارييدىڭ نومينالدى ۇستاۋ جۇيەسىندەگى شوتتاردىڭ سانى 3،0%-عا ۇلعايىپ، 4 459،6 مىڭ شوتتى قۇرادى، ونىڭ ىشىندە:
- دەپونەنتتەر كليەنتتەرىنىڭ قوسالقى شوتتارىنىڭ سانى 694،3 مىڭ قوسالقى شوتقا دەيىن 1،3 مىڭعا نەمەسە 0،2%-عا ۇلعايدى (2025 جىلدىڭ باسىنان باستاپ 8،9 مىڭعا نەمەسە 1،3%-عا ءوستى)؛
- بروكەرلەر اشقان جانە جيناقتالعان ومنيبۋس-شوتتار ارقىلى ەسەپكە الىناتىن دەربەس شوتتاردىڭ سانى 3 765،3 مىڭ شوتقا دەيىن 128،5 مىڭعا نەمەسە 3،5%-عا ۇلعايدى (2025 جىلدىڭ باسىنان باستاپ 949،9 مىڭعا نەمەسە 33،7%-عا ءوستى).
باعالى قاعازدار نارىعىنا كاسىبي قاتىسۋشىلاردىڭ اكتيۆتەرى 2025 جىلعى تامىزدا نەگىزىنەن رەپو وپەراسيالارى ەسەبىنەن 4،1%-عا ۇلعايىپ، 2025 جىلعى 1 قىركۇيەكتەگى جاعداي بويىنشا 585،0 ملرد تەڭگەنى قۇرادى (2025 جىلدىڭ باسىنان بەرى 24،0%-عا تومەندەدى). مىندەتتەمەلەر رەپو وپەراسيالارىنىڭ وسۋىنە بايلانىستى 7،0%-عا 151،6 ملرد تەڭگەگە دەيىن ۇلعايدى (جىل باسىنان بەرى 37،1%-عا تومەندەدى). مەنشىكتى كاپيتال بولىنبەگەن پايدانىڭ ءوسۋى ناتيجەسىندە 3،1%-عا 433،4 ملرد تەڭگەگە دەيىن ۇلعايدى (2025 جىلدىڭ باسىنان بەرى 18،0%-عا تومەندەدى).
