2025 jylǵy 1 qyrkúiektegi jaǵdai boiynsha, aktsiialar naryǵyn kapitaldandyrý 39,6 trln teńgeni qurap (2025 jyldyń basynan bastap 20,4%-ǵa ósti) tamyzda 5,1%-ǵa ósti. Negizinen ol KASE indeksiniń, Kaspi.kz (+6,6%), "Qazatomónerkásip" UAK (+8,7%) jáne ForteBank (+15,5%) syndy ókildik tizimine kiretin aktsiialar baǵasynyń ósýi esebinen oryn aldy, dep habarlaidy Dalanews.kz Qarjy naryǵyn retteý jáne damytý agenttigi usynǵan málimetterge súiene otyryp.
KASE indeksi 2025 jylǵy tamyzda 9,0%-ǵa 6 993,05 tarmaqqa deiin ulǵaidy (2025 jyldyń basynan bastap 25,4%-ǵa ósti).
Aktsiialarmen saýda-sattyq kólemi negizinen ForteBank jáne "Qazatomónerkásip" UAK aktsiialarymen saýda-sattyq kóleminiń tómendeýi esebinen bir aida 12,2%-ǵa azaiyp, 2025 jylǵy tamyz aiynda 24,8 mlrd teńgeni qurady.
2025 jylǵy 1 qyrkúiektegi jaǵdai boiynsha, KASE-degi saýda tizimderinde 76 emitenttiń 89 ataýynyń aktsiialary,onyń ishinde 2 emitenttiń 2 ataýynyń aktsiialary "Listingtik emes baǵaly qaǵazdar" sektorynda ainalysqa jiberildi.
"KASE Global" sektorynda 2025 jylǵy 1 qyrkúiektegi jaǵdai boiynsha, 47 ataýdaǵy aktsiialary jáne 59 sheteldik emitenttiń 18 ETF boldy. Bul sektordaǵy saýda-sattyq kólemi bir aida ProShares Trust, Intel Corporation, NVIDIA Corp., Advanced Micro Devices, Inc. aktsiialarymen saýda-sattyq kóleminiń ósýi esebinen 30,1%-ǵa ulǵaiyp, 2025 jylǵy tamyzda 17,7 mlrd teńgeni qurady.
KASE-de saýdalanatyn korporativtik boryshtyń kólemi 2025 jylǵy tamyzda 0,3%-ǵa 14,0 trln teńgege deiin azaidy (2025 jyldyń basynan bastap 1,9%-ǵa ósti).
KASE-de korporativtik obligatsiialarmen saýda-sattyq kólemi 2025 jylǵy tamyzda negizinen qaitalama naryqtaǵy saýda-sattyq kóleminiń ósýi esebinen aldyńǵy aimen salystyrǵanda 34,0%-ǵa 496,8 mlrd teńgege deiin ulǵaidy. 2025 jylǵy 1 qyrkúiektegi jaǵdai boiynsha KASE saýda tizimderinde 137 emitenttiń korporativtik obligatsiialarynyń 609 shyǵarylymy boldy.
2025 jylǵy tamyzda korporativtik obligatsiialardyń bastapqy naryǵynyń kólemi 339,9 mlrd teńgeni qurady, bul 2025 jylǵy shildedegi kórsetkishten 8,1%-ǵa artyq.
KASE-de saýdalanatyn memlekettik borysh 2025 jylǵy tamyzda 1,6%-ǵa 30,0 trln teńgege deiin ulǵaidy (2025 jyldyń basynan bastap 11,1%-ǵa ósti).
KASE-de memlekettik baǵaly qaǵazdarmen saýda-sattyqtyń jiyntyq kólemi 2025 jylǵy tamyzdyń qorytyndysy boiynsha 7,5%-ǵa ulǵaiyp, 791,2 mlrd teńgeni qurady. MBQ bastapqy naryǵyndaǵy saýda-sattyq kólemi 8,2%-ǵa azaiyp, 671,6 mlrd teńgeni qurady. Onyń ishinde on eki oblys ákimdigi memlekettik baǵdarlamalardy iske asyrý sheńberinde 81,0 mlrd teńge tartty. QR Qarjy ministrligi jyldyq 16,75-17,00% óteýge kiristiligimen 590,6 mlrd teńge tartyp, obligatsiialardyń 8 shyǵarylymyn ornalastyrdy.
Ujymdyq investitsiialaý naryǵynda 2025 jylǵy 1 qyrkúiektegi jaǵdai boiynsha 58 investitsiialyq pai qory, onyń ishinde 24 aralyq, 33 jabyq jáne 1 ashyq pai qory jumys istedi.
Investitsiialyq pai naryǵyndaǵy basqarýdaǵy aktivter 2025 jylǵy tamyzda 0,9%-ǵa ulǵaiyp, 2025 jylǵy 1 qyrkúiektegi jaǵdai boiynsha 381,2 mlrd teńgeni qurady. 2025 jylǵy 1 qyrkúiektegi jaǵdai boiynsha baǵaly qaǵazdar portfeli 320,1 mlrd teńgeni nemese investitsiialyq pai qorlarynyń jiyntyq aktivteriniń 84,0%-yn qurady.
2025 jylǵy 1 qyrkúiektegi jaǵdai boiynsha baǵaly qaǵazdar naryǵynyń institýtsionaldyq qurylymyna 42 broker men diler (16 bank jáne 26 banktik emes uiym), 11 kastodian-bank, 21 investitsiialyq portfeldi basqarýshy, 4 transfer-agent, sondai-aq 3 infraqurylymdyq uiym: KASE, KASE Kliringtik ortalyǵy jáne biryńǵai tirkeýshi men saýda repozitoriiiniń fýnktsiialaryn oryndaityn Baǵaly qaǵazdardyń ortalyq depozitariii kirdi.
2025 jylǵy tamyzda Ortalyq depozitariidiń nominaldy ustaý júiesindegi shottardyń sany 3,0%-ǵa ulǵaiyp, 4 459,6 myń shotty qurady, onyń ishinde:
- deponentter klientteriniń qosalqy shottarynyń sany 694,3 myń qosalqy shotqa deiin 1,3 myńǵa nemese 0,2%-ǵa ulǵaidy (2025 jyldyń basynan bastap 8,9 myńǵa nemese 1,3%-ǵa ósti);
- brokerler ashqan jáne jinaqtalǵan omnibýs-shottar arqyly esepke alynatyn derbes shottardyń sany 3 765,3 myń shotqa deiin 128,5 myńǵa nemese 3,5%-ǵa ulǵaidy (2025 jyldyń basynan bastap 949,9 myńǵa nemese 33,7%-ǵa ósti).
Baǵaly qaǵazdar naryǵyna kásibi qatysýshylardyń aktivteri 2025 jylǵy tamyzda negizinen REPO operatsiialary esebinen 4,1%-ǵa ulǵaiyp, 2025 jylǵy 1 qyrkúiektegi jaǵdai boiynsha 585,0 mlrd teńgeni qurady (2025 jyldyń basynan beri 24,0%-ǵa tómendedi). Mindettemeler REPO operatsiialarynyń ósýine bailanysty 7,0%-ǵa 151,6 mlrd teńgege deiin ulǵaidy (jyl basynan beri 37,1%-ǵa tómendedi). Menshikti kapital bólinbegen paidanyń ósýi nátijesinde 3,1%-ǵa 433,4 mlrd teńgege deiin ulǵaidy (2025 jyldyń basynan beri 18,0%-ǵa tómendedi).
