ول بۇل تۋرالى ٶزٸنٸڭ Instagram پاراقشاسىندا بٶلٸستٸ. ەنشٸ تٸپتٸ ۇلىنا ورىسشا سٶيلەۋگە تىيىم سالعان.
– بٸردە دٷكەنگە باردىق. بالام ورىسشا جاقسى بٸلەتٸندٸكتەن: «ماما, كۋپي منە ەتۋ يگرۋشكۋ, پوجالۋيستا. ونا منە وچەن نراۆيتسيا!» – دەدٸ. بٸردەن, ٶز ەدەتٸمە سالىپ, قاتالدىق تانىتىپ: «سٶيلەمە ورىسشا! نەمەنە قازاق تٸلٸن ٷيرەتپەگەن بە?!» – دەپ ۇرىسا قالدىم. ەنشٸ بولعاسىن داۋىسىم جارقىن شىقتى. جان-جاعىمداعىلار قاراپ, ەستٸپ, «زاچەم تاك, يز-زا يازىكا رۋگات رەبەنكا» – دەگەندەي پٸكٸر بٸلدٸرٸپ جاتتى.
وسىنى ايتىپ تۇرعان ٶزٸمٸزدٸڭ قاراكٶز كەلٸنشەكتەر. انانى ەستٸپ, مەن دە قويماي: «قازاقشا سٶيلە, ەيتپەسە تٸلٸڭدٸ جۇلىپ الامىن!!!» – دەدٸم. جانىمداعىلار بٸرتٷرلٸ قاراپ, بٸردەڭەنٸ ايتىپ مىڭعىرلاپ جان-جاققا كەتتٸ. ٶزٸم بولسام, تٸلٸمدٸ ماقتان تۇتىپ, ريزا بولدىم سول جەردە! تٸلٸمٸزدٸ قۇرمەتتەيٸك, – دەپ جازدى ول.
بٸردە ەنشٸ بالاباقشادان ۇلىنىڭ ورىسشا سٶيلەپ كەلگەنٸن كٶرٸپ, سول باقشادان شىعارىپ العان ەكەن.
– قايبٸر جىلى, استانادا «الپامىس» بالاباقشاسىنا ۇلىمدى قازاقشا توپقا بەردٸم. ەكٸ اپتادان سوڭ ۇلىم تەك ورىسشا سٶيلەي باستادى. سەبەبٸن بٸلگٸم كەلٸپ, تەربيەشٸگە ايتپاي, بٸر كٷنٸ تەكسەرۋگە باردىم. تەربيەشٸلەر ورىسشا سٶيلەيدٸ دەپ ويلادىم. بارسام, ەسٸك اشىق بەرٸ ورىسشا سايراپ وتىر. اپاي قازاقشا سۇراق قويادى, بالالار ورىسشا جاۋاپ بەرٸپ وتىر. سونداعىسى, 10 بالانىڭ 8-ٸ ورىسشا سٶيلەيدٸ. قالعان ەكەۋٸ (بٸرەۋٸ مەنٸڭ ۇلىم) ەلگٸ سەگٸزٸنە قوسىلىپ وتىرادى ەكەن. ويلانباستان دەل سول مەزەتتە قۇجاتتارىن الىپ, بالاباقشادان شىعارىپ الدىم.
اپايىمىز: «بٸز نە ٸستەي الامىز? بالالار ٷيلەرٸندە ورىسشا سٶيلەيدٸ, باقشادا تٸل ٷيرەتكەنٸمٸز زايا عوي!» – دەپ قالدى…
تٸل مەسەلەسٸندە ار – ول سەنٸڭ كەلەشەك ۇرپاعىڭ ٷشٸن جاۋاپكەرشٸلٸك! سەن دەل وسى ٷلكەن جاۋاپكەرشٸلٸكتٸ سەزٸنٸپ, ٶز انا تٸلٸڭدٸ قورعاي الاسىڭ با? يە! ەرينە! نامىسىڭ بولسا, قورعايسىڭ!
ەرقايسىسىمىز ٶزٸمٸزدەن, وتباسىمىزدان باستايىق!, – دەيدٸ مٶلدٸر ەۋەلبەكوۆا.
